இந்தியாவில் மே இறுதியில் கொரோனா தாக்கம் குறையும்: வைராலஜிஸ்ட் கணிப்பு

**ayyasamy ram** · **ayyasamy ram** Thu May 06, 2021 2:34 pm

-
புதுடில்லி:
'இந்தியாவை உலுக்கி வரும் கொரோனா வைரசின் 2வது
அலை, மே மாதம் நடுப்பகுதியில் அல்லது இறுதியில்
இருந்து குறைய துவங்கும்' என,
வைராலஜிஸ்ட் மருத்துவர் ககன்தீப் காங் கணித்துள்ளார்.

வேலூரை தளமாகக் கொண்ட கிறிஸ்தவ மருத்துவக்
கல்லூரியின் நுண்ணுயிரியல் பேராசிரியரும், பஞ்சாப்
மற்றும் ஆந்திரப் பிரதேச அரசுகளின் கொரோனா
தொற்று தடுப்புக் குழுவின் ஆலோசகராகவும் உள்ள
வைராலஜிஸ்ட் ககன்தீப் காங் தெரிவித்துள்ளதாவது:

இந்தியாவில் தற்போது மிகவும் தீவிரமாக இருக்கும்
கொரோனா வைரசின் 2வது அலை மே மாதம் நடுப்பகுதி
அல்லது இறுதியிலிருந்து படிப்படியாகக் குறையத்
துவங்கும் என, கணித்துள்ளோம்.

படிப்படியாக சரியும்

ஜூன் மாதம் முதல்வாரத்திலிருந்துதான் கொரோனா பாதிப்பு
குறையத் துவங்கும் என, கணித்துள்ளன. ஆனால், சில
காரணங்கள், ஆதாரங்கள் அடிப்படையில் நாங்கள் கணித்த
வகையில் மே மாதம் நடுப்பகுதி அல்லது இறுதியிலிருந்து
பாதிப்பு படிப்படியாக சரியத் துவங்கும்.

சிறப்பான செயல்பாடு

தற்போது இந்தியர்களுக்கு கிடைத்திருக்கும் கோவிஷீல்ட்,
கோவாக்ஸின் ஆகிய இரு தடுப்பூசிகளுமே கொரோனா தொற்றுக்கு
எதிராகச் சிறப்பாக செயல்படுகின்றன; நல்ல பாதுகாப்பை
அளிக்கின்றன; நோய் தொற்று ஏற்படுவதிலிருந்து பெரும்பாலும்
காக்கின்றன. மக்கள் வைரசில் பாதிக்கப்படுவதிலிருந்து
காத்துக்கொண்டாலே, மற்றவர்களுக்கு உங்களால் நோயை பரப்ப
முடியாது.

தற்போது நாள்தோறும் ஏறக்குறைய 4 லட்சம்பேர் பாதிக்கப்பட்டு
வருகிறார்கள். இப்போதுள்ள சூழலில் கொரோனா வரைஸ்
பரவலைக் கட்டுப்படுத்த முழு ஊரடங்கு சிறப்பாக உதவும்.
இவ்வாறு ககன்தீப் காங் தெரிவித்துள்ளார்.
-
தினமலர்

Guest · Guest Sat May 08, 2021 9:13 am

ஒவ்வொரு மருத்துவரும் ஒவ்வொரு விதமான பதிலைக் கூறுவது ஏன்?
இந்த மருத்துவர் கூட டிசம்பர் மாத வேறொரு கருத்தையும் இப்போது இன்னொரு கருத்தையும் கூறுகிறார்.

சமீபத்தில் டெல்லி எய்ம்ஸ் மருத்துவமனை இயக்குநர் ரந்தீப் குலேரியா சில கருத்துகளை கூறி இருந்தார். அவர் கூறிய சில கருத்துகளை மருத்துவ உலகம் மறுத்திருக்கிறது.சிடி ஸ்கான் 300 மடங்கு எக்ஸ் ரே எடுப்பதற்கு சமமானது எனவும் ஒரு கருத்து உண்டு.அவர் படிக்கும் காலத்தில் அப்படி இருந்திருக்கலாம். இப்போது 30 மடங்குக்கும் குறைவாகவே தான் எக்ஸ் கதிவீச்சு உண்டு என தெரிவிக்கிறார்கள்.

அதனால்தான் வெளிநாடுகளில் மருத்துவர்களும் மருத்துவக் காப்புறுதி நிறுவனங்களும் நோயாளிகள் தங்கள் நோய்களுக்கு இரண்டாவது மருத்துவரின் கருத்தையும் கேட்க வேண்டும் என அறிவுறுத்துகிறார்கள்.

**ராஜா** · **ராஜா** Sat May 08, 2021 9:41 am

கொரொனாவை ஒழிக்க ஒரே வழி

கொரொனா 80% மக்களுக்கு வந்திருக்க வேண்டும் அல்லது 80% மக்கள் கொரொனா தடுப்பூசியை போட்டிருக்க வேண்டும்.

அதுவரை , கொரொனாவின் பரவல் நடந்துகொண்டு தான் இருக்கும் , எந்த வழிமுறையலும் கொரொனா பரவலை தடுக்க முடியாது.

**T.N.Balasubramanian** · **T.N.Balasubramanian** Sat May 08, 2021 10:17 am

நடக்கும் இரெண்டாவது அலை மே 2ம் வாரம் உச்சத்தை தொட்டு படிப்படியாக குறையும்.
மூன்றாம் அலை சிறிய வீரியத்துடன் ஜூலை முடிவில் /ஆகஸ்ட் ஆரம்பத்தில் வரும் எனவும் கூறுகிறார்கள்.
ஒவ்வொருவரும் சுய கட்டுப்பாடுடன் முகக்கவசம் /சமூக இடைவெளி/அவசியமற்ற விழாக்களை தவிர்த்தல் என்று பாதுகாப்புடன் இருத்தலே கொரானாவை கட்டுக்குள் அடக்கமுடியும்.

Sponsored content · Sponsored content

இந்தியாவில் மே இறுதியில் கொரோனா தாக்கம் குறையும்: வைராலஜிஸ்ட் கணிப்பு

இந்தியாவில் மே இறுதியில் கொரோனா தாக்கம் குறையும்: வைராலஜிஸ்ட் கணிப்பு

Re: இந்தியாவில் மே இறுதியில் கொரோனா தாக்கம் குறையும்: வைராலஜிஸ்ட் கணிப்பு

Re: இந்தியாவில் மே இறுதியில் கொரோனா தாக்கம் குறையும்: வைராலஜிஸ்ட் கணிப்பு

Re: இந்தியாவில் மே இறுதியில் கொரோனா தாக்கம் குறையும்: வைராலஜிஸ்ட் கணிப்பு

Re: இந்தியாவில் மே இறுதியில் கொரோனா தாக்கம் குறையும்: வைராலஜிஸ்ட் கணிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக