மாஜி' மத்திய அமைச்சர் சிதம்பரம் கூறினார்.

**T.N.Balasubramanian** · **T.N.Balasubramanian** Tue May 04, 2021 12:46 pm

காரைக்குடி : ''எதிர்க்கட்சிகள் தொடர்ந்து, ஒன்றாக செயல்பட்டால், மத்தியில் ஆட்சி மாற்றம் உறுதி,'' என, 'மாஜி' மத்திய அமைச்சர் சிதம்பரம் கூறினார்.
காரைக்குடியில் அவர் அளித்த பேட்டி: ஸ்டாலின் முயற்சியால், வெற்றி கிடைத்துள்ளது. மத்திய அரசின் பணம் மற்றும் அதிகார பலம், தேர்தல் கமிஷனின் நிலை பிரண்ட நடவடிக்கை என, அனைத்தையும் தாண்டி, மிகப்பெரிய வெற்றி பெற்ற மம்தாவிற்கு பாராட்டுக்கள்.தேர்தல் கமிஷனை சீரமைக்க வேண்டும். தலைமை தேர்தல் கமிஷனராக சிறந்த அதிகாரிகள் வர வேண்டும்.

காங்., வேட்பாளர்களுக்கு எதிராக செயல்பட்டவர்கள் மீது நடவடிக்கை எடுக்க வேண்டும்.தமிழகத்தில் பா.ஜ.,வை வெற்றியடைய செய்த நான்கு தொகுதி மக்களும், விரைவில் வருந்துவர். நாம் தமிழர் கட்சிக்கு ஓட்டளித்தவர்களின் எதிர்காலம் குறித்து, கவலையடைகிறேன். அவர்களை அடையாளம் கண்டு, எங்கள் பக்கம் இழுக்க முயற்சி செய்வேன்.

கொரோனா தொற்றை எதிர்கொள்வது குறித்து, 11 எதிர்க்கட்சி தலைவர்கள் இணைந்து, பிரதமருக்கு கடிதம் எழுதியுள்ளனர். இந்த கட்சிகள், தொடர்ந்து ஒன்றாக செயல்பட்டால் மத்தியில் ஆட்சி மாற்றம் உறுதி. இவ்வாறு, அவர் கூறினார்.

நன்றி தினமலர்.

**T.N.Balasubramanian** · **T.N.Balasubramanian** Tue May 04, 2021 12:52 pm

இது சம்பந்தமாக வாசகர் ஒருவர் எழுதிய பதில்.

Code:: JAYACHANDRAN RAMAKRISHNAN மாஜி நிதி அமைச்சர் மத்திய அரசின் பணபலத்தோடு போட்டியிட்டும் திரிணாமுல் வென்றதாக பாராட்டி உள்ளார். அந்த வெற்றிக்கு நாமும் பாராட்டுவோம். கூடவே நமது மாஜி நிதி அமைச்சர் திரு . சிதம்பரம் அவர்களையும் பாராட்டுவோம். எதற்காக என்றால் , மத்திய பாஜக அரசு சரியாக ஆட்சி செய்யாததால் நிதி பற்றாக்குறை உள்ளது. தொழில்கள் நசுங்கி விட்டது. கோரோணா ஒழிப்பில் தோற்றுவிட்டது. என்று கூறியிருந்தார். இப்போது இவரே மத்திய அரசிடம் பண பலம் உள்ளது என கூறுவதன் மூலம், மத்திய அரசு சரியாக நடந்துள்ளது அதன் மூலம் தொழில்கள் நன் முறையில் நடந்துள்ளது தெரியவந்துள்ளது. தொழில் உற்பத்தி அதிகரித்தால் தானே பண பலம் மத்திய அரசிடம் உயர்ந்து இருக்கும். நன்றி. ஆமாம் இவர் எந்த கட்சியை சேர்ந்தவர் என்றே புரியவில்லை. தமிழகத்தில் காங்கிரஸ் 17 இடங்களில் வென்று உள்ளது. நல்ல செய்தி. ஆனால் தேர்தலுக்கு முன்னர் திமுக தனிபெரும் மெஜாரிட்டி பெறமுடியாது காங்கிரஸ் தயவோடு ஆட்சி கட்டிலில் அமர வேண்டி வரும். அப்போது திமுகவை வளைத்து போட நினைத்து தானே காங்கிரஸார் இருந்தனர். இப்போது இது இல்லை என்றாகி போனது. அதற்கு எந்த காங்கிரஸாரும் வருத்தபட்டதாக தெரியவில்லை. இந்திரா காந்தி மிசா காலத்தில் திரு.ஸ்டாலின் அவர்களை சிறையில் வைத்தார். இதிலிருந்து தான் அவருடைய அரசியல் அத்யாயம் ஆரம்பம் ஆனதாக கூறுகிறார்கள் திமுக. ஆனால் காங்கிரஸோ கொஞ்சம் கூட வெட்கம் இல்லாமல் அவர்களுடனே உறவு வைத்து நல்ல அடிமைகளாக அதே இந்திரா காந்தி , ராஜீவ் காந்தி, இன்று ராகுல் காந்தி வரை உள்ளனர். பரவாயில்லை விடுங்கள் இதுவும் காங்கிரஸ் கொள்கை போல. இது கூட பரவாயில்லை பக்கத்து மாநிலம் தமிழ் பேசும் மாநிலம் அங்கே காங்கிரஸ் இருந்த ஆட்சியையும் இழந்து விட்டது. அதை பற்றி கவலைப்படாமல் மத்தியில் ஆட்சி மாற்றம் வரை சென்று விட்டார்.

**ayyasamy ram** · **ayyasamy ram** Tue May 04, 2021 3:28 pm

என்ன இருந்தாலும் தேசிய தலைவர் அல்லவா!
-
அதனால் மத்தியில் ஆட்சி குறித்து கவலைப்படுகிறார் போலும்!!

**Dr.S.Soundarapandian** · **Dr.S.Soundarapandian** Wed May 05, 2021 1:15 pm

“மத்திய அரசின் பணம் மற்றும் அதிகார பலம், தேர்தல் கமிஷனின் நிலை பிரண்ட நடவடிக்கை என, அனைத்தையும் தாண்டி, மிகப்பெரிய வெற்றி பெற்ற மம்தாவிற்கு பாராட்டுக்கள்” - சிதம்பரம் மட்டும் இப்படிக் கூறவில்லை; எத்தனையோ தலைவர்கள் இப்படிக் கூறிவிட்டனர்!

‘வாசகர் ஒருவர் எழுதிய பதில்’ , மிகவும் ‘தமாஷாக’ உள்ளது! ‘நகைச்சுவை’ப் பகுதியில் போடலாம் ! ஆறுதல்

Sponsored content · Sponsored content

மாஜி' மத்திய அமைச்சர் சிதம்பரம் கூறினார்.

மாஜி' மத்திய அமைச்சர் சிதம்பரம் கூறினார்.

Re: மாஜி' மத்திய அமைச்சர் சிதம்பரம் கூறினார்.

Re: மாஜி' மத்திய அமைச்சர் சிதம்பரம் கூறினார்.

Re: மாஜி' மத்திய அமைச்சர் சிதம்பரம் கூறினார்.

Re: மாஜி' மத்திய அமைச்சர் சிதம்பரம் கூறினார்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக