இளவரசர் பிலிப்பின் இறுதி சடங்கு ஏப்ரல் 17-ம் தேதி நடைபெறும் என அறிவிப்பு

**ayyasamy ram** · **ayyasamy ram** Fri Apr 09, 2021 6:01 pm

-
காலமான இளவரசர் பிலிப்
------------
இங்கிலாந்து ராணி இரண்டாம் எலிசபெத்தின் கணவர்
இளவரசர் பிலிப். 99 வயதான இவர் உடல் நலக்குறைவால்
இன்று காலமானார்.

வின்ஸ்டர் அரண்மனையில் உயிர் பிரிந்ததாக எலிசபெத் ராணி
தெரிவித்துள்ளார்.

மறைந்த இளவரசர் பிலிப், 1921-ம் ஆண்டு கிரேக்க நாட்டில்
பிறந்தார். 1947-ம் ஆண்டு இங்கிலாந்து ராணி இரண்டாம்
எலிசபெத்தை திருமணம் செய்து கொண்டார்.

சுமார் 65 வருடங்கள் ராணிக்கு உதவியாக இருந்த பிலிப்,
கடந்த 2017-ம் ஆண்டு தன்னை பொது வாழ்க்கையில்
இருந்து விடுவித்துக்கொண்டார்.

இவர் துடிப்பாக இருந்த காலத்தில் ராணியின் ஆட்சிக்கு
மிகவும் உதவியாக இருந்தார். இங்கிலாந்து அரச குடும்பத்தில்
நீண்ட வருடங்கள் இளவரசராக இருந்தவர்.

பிலிப், கடந்த பிப்ரவரி 6-ந்தேதி மருந்துவமனையில்
அனுமதிக்கப்பட்டார். அவருக்கு ஏற்கனவே இருந்த இருதய
நோய் மற்றும் நோய்தொற்றுக்காக சிகிச்சை பெற்று,
வீடு திரும்பினார்.
இந்த நிலையில் இன்று காலமாகியுள்ளார்.

மாலை மலர்

**ayyasamy ram** · **ayyasamy ram** Sun Apr 11, 2021 6:47 am

இளவரசர் பிலிப்பின் இறுதி சடங்கு ஏப்ரல் 17-ம் தேதி நடைபெறும் என அறிவிப்பு
-
மறைந்த இளவரசர் பிலிப்பின் இறுதிச் சடங்கு தொடர்பான நிகழ்வுகளுக்கு, அவரது மனைவியும்
இங்கிலாந்து ராணி இரண்டாம் எலிசபெத் வெளியிட்டுள்ளார்.

ஏப்ரல் 17-ம் தேதி மறைந்த இளவரசர் பிலிப்பின் இறுதிச் சடங்கு நடைபெறும். இந்த இறுதி சடங்கு நிகழ்வுகள் அனைத்தும் நேரலையாக தொலைக்காட்சியில் ஒளிபரப்படும். மேலும் 17-ம் தேதி மாலை 3 மணிக்கு இங்கிலாந்து முழுவதும் ஒரு நிமிட மவுன அஞ்சலுக்கு அழைப்பு விடுக்கப்பட்டுள்ளது.

கொரோனா கட்டுப்பாடுகளுக்கு உட்பட்டு இறுதி சடங்கு நிகழ்வில் பங்கேற்கும் அனைவரும் முகக்கவசம் அணிந்து கொள்வது கட்டாயமாக்கப்பட்டுள்ளது.

குடும்ப உறுப்பினர்கள் மற்றும் நெருங்கிய உறவினர்கள் 30 பேர் மட்டுமே இறுதிச்சடங்கில் பங்கேற்க உள்ளனர்.

கொரோனா அச்சுறுத்தல் நேரம் என்பதால் வெகுவிமர்சையாக ஊர்வலம் மற்றும் அரசு மரியாதை எதுவும் முன்னெடுக்கப்படாது.

வரும் 17-ம் தேதி மாலை வின் ட்சர் கோட்டையில் இருந்து உரிய மரியாதையுடன் இளவரசர் பிலிப்பின் உடல் அருகாமையில் உள்ள செயிண்ட் ஜார்ஜ் சேப்பலுக்கு எடுத்துச்செல்லப்படும்.

சுமார் 8 நிமிடம் நடைபெறும் இறுதிச்சடங்கில் ராணுவத்தினரே பங்கேற்பார்கள், குடும்ப உறுப்பினர்கள் பாதுகாப்பு அதிகாரிகள் மற்றும் இளவரசரின் தனிப்பட்ட அதிகாரிகளும் பங்கேற்பார்கள்.

இந்த ஊர்வலம் சரியாக 3 மணிக்கு செயிண்ட் ஜார்ஜ் சேப்பலுக்கு சென்றடையும், அதன் பின்னர் ஒரு நிமிடம் மவுன அஞ்சலிக்கு அழைப்பு விடுக்கப்படும்.

இறுதி ஊர்வலம் முடியும் வரையில் தேவாலய மணிகள் முழுங்கும். அத்துடன் துப்பாக்கி குண்டு முழங்க மரியாதை செலுத்தப்படும்.

இறுதிச்சடங்குகளில் பங்கேற்கும் நபர்களின் பட்டியல் உள்ளிட்ட முக்கிய தகவல்கள் வரும் நாட்களில் வெளியிடப்படும் என பக்கிங்ஹாம் அரண்மனை தெரிவித்துள்ளது.

தினத்தந்தி

இளவரசர் பிலிப்பின் இறுதி சடங்கு ஏப்ரல் 17-ம் தேதி நடைபெறும் என அறிவிப்பு

இளவரசர் பிலிப்பின் இறுதி சடங்கு ஏப்ரல் 17-ம் தேதி நடைபெறும் என அறிவிப்பு

Re: இளவரசர் பிலிப்பின் இறுதி சடங்கு ஏப்ரல் 17-ம் தேதி நடைபெறும் என அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக