வில்லிவாக்கம் தொகுதியில், கள்ள ஓட்டு பதிவான சம்பவம் பரபரப்பை ஏற்படுத்தியது.

**T.N.Balasubramanian** · **T.N.Balasubramanian** Sat Apr 10, 2021 5:22 pm

சென்னை, வில்லிவாக்கம் சிட்கோ நகரை சேர்ந்தவர், ரவிச்சந்திர ஹாசன், 45. இவர், தெற்கு ஜெகநாதன் நகர், 2வது பிரதான சாலை, அரசு உயர்நிலைப் பள்ளியில் உள்ள, ஓட்டுச்சாவடிக்கு ஓட்டுப்பதிவு செய்ய வந்துள்ளார்.அப்போது, ஓட்டுச்சாவடி அலுவலர்கள், ஏற்கனவே உங்கள் ஓட்டு போடப்பட்டுள்ளதாக தெரிவித்துள்ளனர்.

அதிர்ச்சியடைந்த ரவிச்சந்திரஹாசன் அலுவலரிடம் முறையிட்டுள்ளார்.அப்போது, இவரது பெயரிலே, கள்ள ஓட்டு பதிவு செய்த நபர், ஓட்டுச்சாவடி மையத்திலே சுற்றித்திரிந்து உள்ளார். அவரை, ம.நீ.ம., கட்சியினர் பிடித்து, தேர்தல் அலுவலரிடம் ஓப்படைந்தனர்.

இது குறித்து, ரவிச்சந்திரன் ஹாசன் கூறுகையில், ''எனது பெயரிலே இருந்த, ரவிச்சந்திரன் என்பவர், டிரைவிங் லைசன்ஸ்' ஆதாரமாக வைத்து, அதிகாரிகளின் உதவியுடன், எனது ஓட்டை பதிவு செய்துள்ளார். அலட்சியமாக செயல்பட்ட அதிகாரிகள் மீது, நடவடிக்கை எடுக்க வேண்டும்,'' என்றார்

.இதையடுத்து, ரவிச்சந்திரன் ஹாசனுக்கு, மாற்று வழி மூலம், ஓட்டு பதிவு செய்ய, ஏற்பாடு செய்யப்பட்டது.இது குறித்து, தேர்தல் நடத்து அலுவலரிடம் கேட்ட போது, ''சம்பவம் குறித்து, விசாரணை நடத்தி வருகிறோம். சம்பந்தப்பட்ட நபர் மீது, சட்டப்படி நடவடிக்கை எடுக்கப் படும்,'' என்றார்.கள்ள ஓட்டு பதிவு செய்த நபரை, போலீசார் கைது செய்து விசாரிக்கின்றனர். இந்த சம்பவம் வில்லிவாக்கம் பகுதியில், பரபரப்பை ஏற்படுத்தியது.

நன்றி தினமலர்

Guest · Guest Sat Apr 10, 2021 7:02 pm

வேளச்சேரியில் சென்னை மாநகராட்சி பணியாளர்கள் இருவர் வாக்கு எந்திரங்களை பைக்கில் கொண்டு சென்றனர்.இன்நிலையில்..

சத்யப்ரதா சாகு- “வேளச்சேரியில் விவிபேட் இயந்திரம் இருசக்கர வாகனத்தில் கொண்டு செல்லப்பட்டது தேர்தல் விதிமுறை மீறலே. ஆனால் வேளச்சேரியில் மறுவாக்குப்பதிவு நடத்துவதா என்பது குறித்து தலைமை தேர்தல் ஆணையமே முடிவு செய்யும்”

தேர்தலில் இப்படி நடப்பது சாதாரணமானது.முற்றாக எதையும் தடுப்பது சுலபமல்ல.ஆட்சி ஆதரவு அதிகாரிகள் இருக்கவே செய்வார்கள். எல்லா அதிகாரிகளும் நேர்மையாக இருக்க வாய்ப்பில்லை.

முன்னாள் அமெரிக்க அதிபர் பல குற்றச்சாட்டுகளை வைத்திருந்தார்.
வாழ்நாள் ரஷ்ய அதிபர் பூட்டின் கடந்த தேர்தலில் அவர்களுக்கு ஆதரவான அதிகாரிகள்.....

**T.N.Balasubramanian** · **T.N.Balasubramanian** Sun Apr 11, 2021 4:49 pm

பழைய நகைச்சுவை நினைவில் வருகிறது.
அந்த காலத்தில் ரஷிய நாட்டின் சர்வாதிகாரி ஸ்டாலினோ குருக்ஷேவோ ஆண்ட காலம்.
ஒரு நாள் காலையில் கையில் பத்ரிக்கையுடன் அவருடைய காரியதரிசி ஓடி வருகிறார்.
"இன்னும் இரெண்டு நாள் கழித்து நடக்கப்போகும் தேர்தலின் ரகசியமாக வைத்திருந்த முடிவுகள் இன்றே வெளிவந்துவிட்டது "

**Dr.S.Soundarapandian** · **Dr.S.Soundarapandian** Mon Apr 12, 2021 2:28 pm

தேர்தல் முறைகளில் சீர்திருத்தம் தேவை!
இப்போதைய முறை அடியோடு மாற்றப்பட வேண்டும்!
இப்போதைய முறை பணத்துக்கும், அடாவடிக்கும், மிரட்டலுக்கும், ரௌடித்தனத்துக்கும், சாதிக்கும் மிகுந்த மதிப்பைத் தரும் முறை!
கட்சிகளுக்கு நிரந்தரச் சின்னம் கூடாது!
வீடு புகுந்து பணம் கொடுப்பதையும் , டோக்கன் கொடுப்பதையும் தடுக்க நமக்குத் தெரியவில்லையா? தடுக்க மனமில்லையா?
பணமூட்டைக் கட்சிகளுக்குப் பணம் எங்கிருந்து வருகிறது என்று யாரும் கேட்கமாட்டார்களா?
டி.என்.சேஷன் போன்று ஒருவருமே இந்தியாவில் இல்லையா?
நாம் யாரைத் தலைவர்கள் என்று நினைத்துக்கொண்டிருக்கிறோமோ அவர்கள் மிக மோசமானவர்களா?

Sponsored content · Sponsored content

வில்லிவாக்கம் தொகுதியில், கள்ள ஓட்டு பதிவான சம்பவம் பரபரப்பை ஏற்படுத்தியது.

வில்லிவாக்கம் தொகுதியில், கள்ள ஓட்டு பதிவான சம்பவம் பரபரப்பை ஏற்படுத்தியது.

Re: வில்லிவாக்கம் தொகுதியில், கள்ள ஓட்டு பதிவான சம்பவம் பரபரப்பை ஏற்படுத்தியது.

Re: வில்லிவாக்கம் தொகுதியில், கள்ள ஓட்டு பதிவான சம்பவம் பரபரப்பை ஏற்படுத்தியது.

Re: வில்லிவாக்கம் தொகுதியில், கள்ள ஓட்டு பதிவான சம்பவம் பரபரப்பை ஏற்படுத்தியது.

Re: வில்லிவாக்கம் தொகுதியில், கள்ள ஓட்டு பதிவான சம்பவம் பரபரப்பை ஏற்படுத்தியது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக