மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா

**ayyasamy ram** · **ayyasamy ram** Sun Mar 28, 2021 10:29 pm

-
புனே:
இங்கிலாந்துக்கு எதிரான 3வது ஒருநாள் போட்டியில்
ஷிகர் தவான், ரிஷாப் பன்ட், ஹர்திக் பாண்ட்யா அரைசதம்
விளாச இந்திய அணி 329 ரன்கள் குவித்தது.

இந்தியா வந்துள்ள இங்கிலாந்து அணி, மூன்று போட்டிகள்
கொண்ட ஒருநாள் தொடரில் பங்கேற்கிறது. முதலிரண்டு
போட்டிகளின் முடிவில் தொடர் 1-1 என, சமநிலையில்
இருந்தது. மூன்றாவது போட்டி புனேயில் நடக்கிறது.

இங்கிலாந்து அணியில் டாம் கர்ரானுக்கு பதிலாக மார்க் உட்
தேர்வானார். இந்திய அணியில் குல்தீப் யாதவ் நீக்கப்பட்டு
தமிழக வேகப்பந்து வீச்சாளர் நடராஜன் இடம் பிடித்தார்.
'டாஸ்' வென்ற இங்கிலாந்து அணி 'பீல்டிங்' தேர்வு செய்தது.

இந்திய அணிக்கு ரோகித் சர்மா, ஷிகர் தவான் ஜோடி நல்ல
துவக்கம் தந்தது. அபாரமாக ஆடிய தவான், 44 பந்தில்
அரைசதம் கடந்தார். முதல் விக்கெட்டுக்கு 103 ரன் சேர்த்த
போது அடில் ரஷித் 'சுழலில்' ரோகித் (38) போல்டானார்.

தொடர்ந்து அசத்திய ரஷித் பந்தில் தவான் (67) அவுட்டானார்.
அடுத்து வந்த கேப்டன் விராத் கோஹ்லி (7),
லோகேஷ் ராகுல் (7) ஏமாற்றினர். பின் இணைந்த ரிஷாப் பன்ட்,
ஹர்திக் பாண்ட்யா ஜோடி விக்கெட் சரிவிலிருந்து அணியை
மீட்டது. அபாரமாக ஆடிய ரிஷாப் அரைசதம் கடந்தார்.

ஐந்தாவது விக்கெட்டுக்கு 99 ரன் சேர்த்த போது ரிஷாப் (78)
அவுட்டானார். மறுமுனையில் அசத்திய ஹர்திக் பாண்ட்யா (64),
தன்பங்கிற்கு அரைசதம் கடந்தார். குர்னால் பாண்ட்யா (25),
ஷர்துல் தாகூர் (30) நிலைக்கவில்லை.இந்திய அணி 48.2 ஓவரில்
329 ரன்களுக்கு 'ஆல்-அவுட்' ஆனது.

இங்கிலாந்து சார்பில் மார்க் உட் 3, அடில் ரஷித் 2 விக்கெட்
கைப்பற்றினர்.

---------------
தினமலர்

**ayyasamy ram** · **ayyasamy ram** Sun Mar 28, 2021 11:09 pm

மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா Image?url=https%3A%2F%2Fimages.news18.com%2Ftamil%2Fuploads%2F2021%2F03%2Findia-vs-england-1

இதையடுத்து, 330 ரன்கள் என்ற கடின இலக்கை நோக்கி
இங்கிலாந்து களமிறங்கியது. அந்த அணியின் தொடக்க
வீரர்கள் ஜேசன் ராயை 14 ரன்களிலும், ஜானி பேர்ஸ்டோவை
ஒரு ரன்னிலும், புவனேஸ்வர் குமார் வெளியேற்றினார்.

கடந்த ஆட்டத்தில் அதிரடி சதம் விளாசி அச்சுறுத்தலாக
விளங்கிய பென் ஸ்டோக்ஸ், இப்போட்டியிலும் தனது
அதிரடியை தொடர்ந்தார்.

ஆனால், 35 ரன்கள் சேர்ந்திருந்த அவரை நடராஜன்
அவுட்டாக்கினார். இதையடுத்து டேவிட் மலான் அரைசதம்
விளாசி அணியின் ரன் உயர்வுக்கு வழிவகுத்தார்.

ஒரு கட்டத்தில் இங்கிலாந்து 8 விக்கெட்டுகள் இழப்பிற்கு
257 ரன்கள் என்ற நிலையில் இருந்தது. ஆனால், சாம் கர்ரன்
அதிரடியாக விளையாடி அச்சுறுத்தினார்.

கடைசி ஓவரில் 14 ரன்கள் தேவை என்ற நிலையில்,
நடராஜன் அந்த ஓவரை வீசினார். சாம் கர்ரன் தட்டிவிட்ட
முதல் பந்தில், இரண்டாவது ரன்னுக்கு முயற்சித்த
மார்க்-வுட் ரன் அவுட்டாகினார்.

அடுத்த வந்த டாப்லி ஒரு ரன் எடுத்து, கர்ரனுக்கு வாய்ப்பளித்தார்.
கடைசி 4 பந்துகளில் வெறும் நான்கு ரன்கள் மட்டுமே எடுத்தார்.
இதன் மூலம் 7 ரன்கள் வித்தியாசத்தில் இந்தியா த்ரில் வெற்றிபெற்று,
2-க்கு 1 என ஒருநாள் தொடரையும் வென்றது.
-
நியூஸ் 18

**ayyasamy ram** · **ayyasamy ram** Mon Mar 29, 2021 11:20 am

மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா C1-5

மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா C2-3

Sponsored content · Sponsored content

மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா

மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா

Re: மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா

Re: மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா

Re: மூன்றாவது போட்டியில் இங்கிலாந்தை வீழ்த்தி தொடரை வென்றது இந்தியா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக