இந்திய அணி தோல்வி * வீணானது ராகுல் சதம்

**ayyasamy ram** · **ayyasamy ram** Sat Mar 27, 2021 5:28 am

புனே:
இங்கிலாந்துக்கு எதிரான இரண்டாவது ஒருநாள் போட்டியில்
இந்திய அணி 6 விக்கெட்டுகள் வித்தியாசத்தில் தோல்வியடைந்தது.

இந்தியா வந்த இங்கிலாந்து அணி புனேயில் நடக்கும் மூன்று
போட்டிகள் கொண்ட ஒருநாள் தொடரில் பங்கேற்கிறது.
முதல் போட்டியில் வென்ற இந்திய அணி 1-0 என தொடரில்
முன்னிலை பெற்றது. இரு அணிகள் மோதிய இரண்டாவது போட்டி
இன்று நடந்தது. கைவிரல் காயத்தால் விலகிய மார்கனுக்குப் பதில்
இங்கிலாந்து கேப்டனாக பொறுப்பேற்ற பட்லர், 'டாஸ்' வென்று பீல்டிங்
தேர்வு செய்தார்.

சாம் பில்லிங்ஸ், மார்க் உட் நீக்கப்பட்டு டாப்லே, டேவிட் மலான், அறிமுக
வீரராக லிவிங்ஸ்டோன் சேர்க்கப்பட்டனர். இந்திய அணியில் தோள்பட்டை
காயத்தால் வெளியேறிய ஸ்ரேயாஸ் ஐயருக்குப் பதில் ரிஷாப் பன்ட் இடம்
பெற்றார்.

ராகுல் சதம்

இந்திய அணிக்கு ஷிகர் தவான், ரோகித் சர்மா ஜோடி துவக்கம் கொடுத்தது.
17 பந்தில் 4 ரன் மட்டும் எடுத்து திரும்பினார் தவான். வேகமாக ரன்கள் சேர்த்த
ரோகித், 25 ரன்னுக்கு அவுட்டானார். பொறுப்பான ஆட்டத்தை வெளிப்படுத்திய
கேப்டன் கோஹ்லி 62வது அரைசதம் அடித்தார். இவர் 66 ரன்னுக்கு அவுட்டானார்.

அடுத்து லோகேஷ் ராகுல், ரிஷாப் பன்ட் இணைந்தனர். ராகுல், ஒருநாள்
அரங்கில் ஐந்தாவது சதம் அடித்தார். சிக்சர் மழை பொழிந்த ரிஷாப் பன்ட்,
ஒருநாள் அரங்கில் 2வது அரைசதம் அடித்தார்.

இவர் 40 பந்தில் 77 ரன்கள் எடுத்து அவுட்டானார்.
ஹர்திக் பாண்ட்யா 16 பந்தில் 35 ரன் எடுத்தார். இந்திய அணி 50 ஓவரில்
6 விக்கெட்டுக்கு 336 ரன்கள் எடுத்தது. குர்னால் பாண்ட்யா (12) அவுட்டாகாமல்
இருந்தார

**ayyasamy ram** · **ayyasamy ram** Sat Mar 27, 2021 5:28 am

இந்திய அணி தோல்வி * வீணானது ராகுல் சதம் Tamil_News_large_2737618

பேர்ஸ்டோவ் சதம்

கடின இலக்கைத் துரத்திய இங்கிலாந்து அணிக்கு ஜேசன் ராய், பேர்ஸ்டோவ்
ஜோடி நல்ல துவக்கம் கொடுத்தது. முதல் விக்கெட்டுக்கு 110 ரன் சேர்த்த போது,
ரோகித்தின் சூப்பர் 'த்ரோவில்' ராய் (55) அவுட்டானார். அடுத்து வந்த ஸ்டோக்ஸ்,
சிக்சர் மழை பொழிய இந்திய ரசிகர்களின் 'டென்ஷன்' எகிறியது.

குல்தீப் பந்தில் சிக்சர் விளாசிய பேர்ஸ்டோவ், 11வது சதம் எட்டினார்.
இரண்டாவது விக்கெட்டுக்கு 175 ரன்கள் சேர்த்த போது ஸ்டோக்ஸ் 99 ரன்னில்
(10 சிக்சர், 4 பவுண்டரி) அவுட்டானார். பிரசித் வீசிய 37வது ஓவரில் பேர்ஸ்டோவ்
(124), பட்லர் (0) அவுட்டாகினர்.லிவிங்ஸ்டன் இரண்டு சிக்சர் அடிக்க இங்கிலாந்து
வெற்றி எளிதானது.

இங்கிலாந்து அணி 43.3 ஓவரில் 4 விக்கெட்டுக்கு 337 ரன்கள் எடுத்து
வெற்றி பெற்றது. லிவிஸ்டன் (27), மலான் (16) அவுட்டாகாமல் இருந்தனர்.
தொடர் 1-1 என சமன் ஆனது. இரு அணிகள் மோதும் மூன்றாவது போட்டி
மார்ச் 28ம் தேதி நடக்கிறது.

தினமலர்

**T.N.Balasubramanian** · **T.N.Balasubramanian** Sat Mar 27, 2021 8:30 am

இந்திய அணி முதல் 10 ஓவர்களில் அதிக ஓட்டங்கள் எடுப்பதில்லை. அந்த பவர் ஆட்டங்களில் அதிக ஓட்டங்கள் எடுக்க சந்தர்பங்கள் இருக்கின்றன. இங்கிலாந்து அணி என்றில்லாமல் எந்த அணிகளுக்கு எதிராக விளையாடினாலும் இதே கதைதான்.
மேலும் மைதானத்தில் field set up சரிவர இல்லை.

Sponsored content · Sponsored content

இந்திய அணி தோல்வி * வீணானது ராகுல் சதம்

இந்திய அணி தோல்வி * வீணானது ராகுல் சதம்

Re: இந்திய அணி தோல்வி * வீணானது ராகுல் சதம்

Re: இந்திய அணி தோல்வி * வீணானது ராகுல் சதம்

Re: இந்திய அணி தோல்வி * வீணானது ராகுல் சதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக