ஆண்மைக் குறைவு

தங்களுடைய காதலை, ஆசையை பெண்ணிடம் பரிமாறிக் கொள்வது. இதனுடைய அங்கம்தான் உடலுறவு. தன்னுடைய மனைவியிடமோ, காதலியிடமோ சரியான முறையில் திருப்தியில்லாமல், உடலுறவில் ஈடுபட முடியாமல் இல்லற இன்பத்தை அனுபவிக்க முடியாமல் ஏற்படும் தவிப்பே ஆண்மைக் குறைவு.

ஆண்மைக் குறைவால் இன்றைய காலக்கட்டத்தில் 60 ஆண்கள் பாதிக்கப்பட்டு உள்ளார்கள். முன்பெல்லாம் மனநிலை பாதிக்கப்படுவதுதான் ஆண்மைக் குறைவு என நினைத்தோம். அப்படியல்ல!

மருத்துவ ஆராய்ச்சியின் மூலம்

(1) 55 சர்க்கரை நோயால் பாதிக் கப்பட்டவர்கள்.

(2) ஆண் உறுப்பின் இரத்தம் அளவில் குறைதல்.

(3) தண்டுவட பாதிப்பு.

(4) இடுப்பெலும்பு முறிவு.

(5) ஹார்மோன் பற்றாக்குறைவு.

(6) ஆண் உறுப்பில் இரத்தம் வெளியேறுதல்.

(7) குடும்பத்தில் பிரச்சினை, வேலையில் குழப்பம், உறவினர் இறப்பு ஆகிய காரணங்களினாலும் ஆண்மைக் குறைவு ஏற்படும்.

(8) மனநிலை பாதிப்பாலும் ஏற்படலாம்.

பாதிக்கப்படும் வயது

இளவயது, நடு வயது, முதிய வயது முத்தரப்பிலும்; ஏற்படலாம். ஆண்களுக்கு இது தன்மானப் பிரச்சினை. வெளியே சொல்ல வெட்கம், மன உளைச்சல், செய்யும் தொழிலில் தடுமாற்றம் போன்றவைகள் முப்பிரிவு வயதினருக்கும் ஏற்படுகிறது.

திருமணம் ஆகி பல ஆண்டுகள் ஆகியும் தாம்பத்திய உறவு இல்லாமல் பல பேர் சிரமப்படுகின்றனர். சில இளைஞர்கள் திருமணம் செய்யும் முன்பு செய்த தவறுகளுக்காக தங்களுக்கு ஆண்மைக் குறைவு ஏற்பட்டிருப்பதாகவும், அந்த அச்சத்தில் திருமணம் செய்வதற்கு தயங்குவதாகவும் கூறுகிறார்கள். சில போலி மருத்துவர்கள் இவர்களது பலவீனத்தைப் பயன்படுத்தி ஆண்மைக்குறைவை சரிசெய்கிறோம் என சொல்லிக்கொண்டு ஊர், ஊராய் திரிந்து வருறார்கள்.

இதில் பெண் போலி சித்த மருத்துவர்களின் அட்டகாசம் தாங்க முடியவில்லை. இவர்கள் கைகளில் சிக்கிய பல பெண்களுடைய வாழ்க்கையும், இளைஞர்களின் வாழ்க்கையும் கேள்விக்குறியாய் உள்ளது. செலவு செய்து போலி மருத்துவர்களை ஊக்கப்படுத்தாதீர்கள்.

இனிமேல் செய்வதற்கு என்ன இருக்கிறது. உங்களுக்கு சந்தேகம் எப்போது ஏற்பட்டதோ அப்போதே பரிசோதனை செய்திருந்தால் இருவர் வாழ்க்கையும் சீரழிய வேண்டிய நிலை இருந்திருக்காது. நவீன அறுவை சிகிச்சை மருத்துவர்களை அணுகி தீர்வு இருக்கிறதா கேட்கவும். திருமணம் செய்யும் முன் பெண்கள் ஆண்களைப் பற்றி நன்கு அறிந்தே திருமணம் செய்யவேண்டும்.

ஆண்மைக்குறைவை குணமாக்குவோம் என இந்திய மருத்துவ சட்டப்படி சொல்லக்கூடாது. போலி மருத்துவர்கள், போலி சித்த மருத்துவர்கள் தனியார் சேனல்களிலும், பத்திரிகைகளிலும் குணமாக்குவோம் என்கிறார்கள். பரிசோதித்தே இப்பிரச்சினை பற்றி முடிவெடுக்க வேண்டும்.