மூழ்கும் கப்பலாக தே.மு.தி.க.,; இறுதி நம்பிக்கையா தி.மு.க.,?

சென்னை : தனித்து விடப்பட்டுள்ள கேப்டன் கட்சி, தன் அங்கீகாரத்தை காப்பாற்ற, கடைசி முயற்சியாக, அறிவாலயத்துக்கு துாது அனுப்பி, பதிலுக்காக காத்திருக்கிறது.

ஆளும் கூட்டணியில், 'அதிகம்' கேட்டு குட்டுப் பட்டதால் கோபத்தில் வெளியேறிய, தே.மு.தி.க., எந்தப் பக்கம் போனால், எதிர்பார்ப்பு நிறைவேறும் என தேடியது. அ.தி.மு.க., மீது அதிருப்தி வந்தால், அறிவாலயம் பக்கம் போவது தான் வழக்கம். ஆனால், அங்கே, தே.மு.தி.க.,வுக்கு கேட் திறக்காது என, முதலிலேயே நலம் விரும்பிகள் சொல்லிவிட்டதால் அந்த,‛ ஐடியா'வை கைவிட்டனர் நிர்வாகிகள்.
அடுத்து என்ன என பார்த்தபோது, தொகுதிகள் மட்டும் அல்லாமல், தேர்தல் செலவுக்கு நிதியும் தாராளமாக தரக்கூடிய, ஒரே தலைவர் தினகரன் என்பதை யாரோ ஞாபகப்படுத்தினர். உடனே ராயப்பேட்டைக்கு பறந்தது கேப்டன்,‛ டீம்'.
நுாறு சீட்டும், அதற்கு மேட்சாக தேர்தல் செலவு நிதியும் கேட்டபோது, ஆனானப்பட்ட மன்னார்குடி மன்னரே கொஞ்சம் ஆடிப் போனாராம். ‛50 ‛சீட்' தரோம்; ஆனா, ‛மேட்சிங்' நிதியெல்லாம் தர வழி இல்லை' என, சொல்லி இருக்கிறார்.வெறும்,‛ சீட்' வாங்கி நா.வ தயாராக இல்லை, ‛ஸாரி' எனக்கூறி நடையைக் கட்டியது குழு.
அங்கீகாரமும், சின்னமும் தங்க வேண்டும் என்றால் இந்த தேர்தலில், 6 தொகுதியாவது ஜெயித்தால்தான் சாத்தியம் என்பதால், ரொம்ப யோசித்து யோசித்து, வேறு வழி புலப்படாமல், தி.மு.க.,வுக்கே துாது அனுப்பியுள்ளனர்.
ஸ்டாலின் மருமகன், சபரீசனுடன் சுதீசும், மகன் உதயநிதியுடன் விஜயபிரபாகரனும் பேசி வருவதாக தகவல். ‛6 ‛சீட்' ஜெயிக்கணும், அவ்வளவுதானே... 6 குடுத்துரலாம்' என, ஸ்டாலின் சொல்லி இருப்பதை, மகனோ, மருமகனோ இன்னும் கேப்டன் தரப்புக்கு,‛ பாஸ்' செய்யவில்லை.

நன்றி தினமலர்.

1950களில் ஜெமினி பிக்சர்ஸ் "சம்சாரம்" என்றொரு படம் எடுத்தது.

அதில் ஒரு சிறுவனும் சிறுமியும் ரோடுகளில்
"அம்மா பசிக்குதே அய்யா பசிக்குதே" என்று பாடிக்கொண்டு வருவார்கள்.
இந்த ஸீன் வரும்போது பலர் அழுதுகொண்டு இருப்பார்கள்.
நான் அழுது விட்டேன் /நானும் அழுதுவிட்டேன் /ஆமாம் அழாதவர் யாரும் இல்லை
போன்ற பேச்சுக்கள் படம் முடிந்தவுடன் கேட்கமுடிந்தது.

பின்பு இதே படம் சம்சார நௌகா /ஜீவிதம் என தெலுகு/மலையாளத்தில் எடுத்ததாக கேள்வி.

பாவம் கேப்டன் .