#மகளிர் தினத்தில் மனங்கள் நிறையட்டும்#

மாவன்னா 25 · மாவன்னா 25 Sun Mar 07, 2021 1:26 am

#மகளிர் தினத்தில் மனங்கள் நிறையட்டும்#
வாழ்க்கையின் வரைபடம்
மகளிர் கைகளில்
சீரும் சிறப்பும்
அவர்தம் நடத்தையில்
ஊரும் உலகும்
உயர்ந்திடும் வகையில்
உளத்தினில் வளரட்டும்
எண்ணமும் செயலும்
எல்லோர்க்கும் கடமைகள்
பலப்பல உண்டு
அவற்றில் சிறந்ததை
நடைமுறைப் படுத்துவோம்
குழந்தைகள் பெறுவது
மட்டுமே கடமையா?
அவர்களை உயர்ந்திட
வளர்ப்பதே கடமை
பண்பினை ஊட்டி
பார்த்திடல் கடமை
உண்மை நேர்மை
உயர்வை மதித்தல்
உயர்ந்தவை எனவே
உரைத்திடல் கடமை
தினமிதை அவர்கள்
உணர்வதனாலே
வாழ்வின் கோலத்தை
வரைந்திட முடியும்
சுயநலம் இன்றியே
பொதுநலம் தன்னை
இயல்பாய் வளர்த்திட
உதவிட வேண்டும்
ஓய்வாய் இருக்கும்
வேளையில் எல்லாம்
உழைப்பைப் போற்றி
வளர்த்திட வேண்டும்
கணவனின் உழைப்பு
சிறியதே ஆயினும்
கவனமாய் அதனைப்
பேணிடல் அவசியம்
மகளிரை நினைத்து
பெருமை கொண்டிட
மகளிர் தினமது
வந்த இவ் வேளையில்
மண்ணின் சிறப்பெலாம்
மகளிரின் கைகளில்
உள்ளது என நாம்
உரமதாய் உரைப்போம்
பேதமை தனிலே
வாழ்பவர் தம்மை
நேர்மை வழிக்கு
அழைத்திட முனைவோம்
திசையறி கருவிபோல்
வழிதனைக் காட்டி
திக்கற்றோர் தமை
அணைத்து நாம் மகிழ்வோம்
மகளிர் மகத்துவம்
மலர்ந்திடும் நாளில்
மனங்களில் உறுதியை
வளர்த்திடத் துணிவோம்
ஓயாது உழைத்துப்
பேரோடு வாழ்வோம்
கவிராஜன் தேசக்தி குணாளன் மற்றும் அன்புத் தங்கை சக்ணாஸ்
குருநாதர் கலைமாமணி மாவன்னா