புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது

**T.N.Balasubramanian** · **T.N.Balasubramanian** Mon Feb 22, 2021 11:55 am

புதுச்சேரி: புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது. இதனையடுத்து இங்கு கவர்னர் ஆட்சி பிரகடனம் செய்யப்படும் என எதிர்பார்க்கப்படுகிறது.

இன்று (பிப்.,22) காலை அவை கூடியதும் முதல்வர் நாராயணசாமி பேசுகையில்; தமது தலைமையிலான அரசு மக்களுக்கு நல்ல பல திட்டங்களை செய்திருப்பதாகவும் கூறினார். கவர்னராக இருந்த கிரண்பேடி தொல்லை கொடுத்தார். புதுச்சேரியில் எனது ஆட்சியை கலைக்க எதிர்கட்சிகளின் சதி செய்வதாக கூறினார்.

தொடர்ந்து எதிர்க்கட்சிகள் அமளியில் ஈடுபட்டதால் முதல்வர் உரையை முடித்ததும், காங்., திமுக எம்.எல்.ஏ.,க்கள் வெளிநடப்பு செய்தனர். இதனையடுத்து, ஆளும் காங்., அரசு பெரும்பான்மை இழந்ததாக சபாநாயகர் சிவக்கொழுந்து அறிவித்தார்.

புதுச்சேரியில், 2016 சட்டசபை தேர்தலில், காங்., 15 எம்.எல்.ஏ.,க்களுடன் ஆட்சி அமைத்தது. முதல்வராக நாராயணசாமி பதவியேற்றார். மூன்று தி.மு.க., - எம்.எல்.ஏ.க்கள், மாகி தொகுதி சுயேச்சை எம்.எல்.ஏ., ஆட்சிக்கு ஆதரவளித்தனர். காங்., - எம்.எல்.ஏ., தனவேலு கடந்த ஆண்டு தகுதி நீக்கம் செய்யப்பட்டார். சமீபத்தில், அமைச்சர்கள் இருவர், இரண்டு எம்.எல்.ஏ.,க்கள் பதவிகளை ராஜினாமா செய்தனர். இதனால், காங்., ஆதரவு எம்.எல்.ஏ.,க்களின் எண்ணிக்கை 12 ஆக குறைந்தது. எதிர்க்கட்சி தரப்பில் 14 எம்.எல்.ஏ.,க்கள் ஆதரவு இருப்பதால் காங்., அரசு பெரும்பான்மை இழந்து விட்டதாக அறிவிக்கப்பட்டது.

புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது Gallerye_113651429_2715456

புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது Gallerye_113651429_2715456

இதனையடுத்து தனது ராஜினாமா கடிதத்தை கொடுப்பதற்காக கவர்னர் மாளிகைக்கு புறப்பட்டு சென்றார்.

நன்றி தினமலர்

**ayyasamy ram** · **ayyasamy ram** Mon Feb 22, 2021 12:07 pm

ரங்கசாமி
----------------
என்.ஆர்.காங்கிரஸ் தலைவர் ரங்கசாமி செய்தியாளர்களிடம் கூறியதாவது:

புதுச்சேரி மக்களுக்காக நீங்கள் (காங்.,) கொடுத்த வாக்குறுதிகள் எத்தனை,
அதில் எத்தனை நிறைவேற்றியுள்ளீர்கள்? புதிதாக எந்த திட்டங்களை
கொண்டு வந்தீர்கள் என்பது தான் எனது கேள்வி.

எனது ஆட்சி காலத்தில் தொடங்கப்பட்ட பாலங்கள் கட்டுவது உள்ளிட்ட திட்டங்களை நாராயணசாமி திறந்து வைத்துள்ளார். மக்களுக்காக எதுவும் செய்யாததால் எம்.எல்.ஏ.,க்கள் ராஜினாமா செய்துள்ளனர்.

காங்கிரசின் மோசமான செயல்பாடுகள் வரக்கூடிய சட்டசபை தேர்தலில் எதிரொலிக்கும். இவ்வாறு அவர் கூறினார்.

தினமலர்

Guest · Guest Mon Feb 22, 2021 12:49 pm

அவர் நல்லவரில்லை என்றால் இவர் நல்லவரா?இன்று அரசியலில் எவரும் நல்லவரில்லை.
அடிக்கல் நாட்டுவது அல்ல,முடித்துக் காட்ட வேண்டாமா?இன்று தமிழ் நாட்டில் நாட்டிய அடிக்கல்லின் தொகை ..?

**T.N.Balasubramanian** · **T.N.Balasubramanian** Mon Feb 22, 2021 5:25 pm

மோசடி பேர்வழிகளின் கடைசி உல்லாசபுரி அரசியல் என ஒரு ஆங்கில பழமொழி உண்டு.
(உண்மையாக மக்களுக்கு உழைத்த தியாகிகள் பெயர் நாம் அறிவோம்.
அவர்கள் இறந்த போது சொத்தென சொல்லிக்கொள்ள அவர்களது நேர்மை ஒன்றுதான் இருந்தது.

Sponsored content · Sponsored content

புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது

புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது

Re: புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது

Re: புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது

Re: புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது

Re: புதுச்சேரியில் முதல்வர் நாராயணசாமி தலைமையிலான அரசு கவிழ்ந்தது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக