மேட் இன் இந்தியா - வாழ்த்துகள்

Guest · Guest Fri Feb 19, 2021 1:56 pm

கணினி விளையாட்டில் ,சமூகவலைத்தளங்கள் என மெல்ல மேட் இன் இந்தியா செயலிகள் (TikTok, PUBG, SheIn ..மாற்றாக ) வரத் தொடங்கிய நிலையில்,டுவிட்டருக்கு மாற்றாக 'கூ' (koo) செயலி சமீபகாலமாக பிரபலமடைந்து வருகிறது.பாதுகாப்பு குறைபாடுகள் சில இருப்பினும்,கருத்துரிமைக்கு முதலிடம் கொடுத்து செயல்பட்டால் சிறப்பாக இருக்கும்.கருத்துரிமைக்கு முதலிடம் கொடுப்பதால்தான் வெளிநாட்டு செயலிகள் முன்னுரிமை பெறுகின்றன.அதைவைத்து வியாபாரம் அமோகமாக செல்கிறது.

நவீன தொழில்நுட்பம் காரணமாக, இணைய வரைபடமாக்கல் எவ்வளவோ முன்னேறி வந்துள்ள நிலையில், இன்னும் இந்திய நிறுவனங்கள் வரைபடமாக்கல் விவரங்களுக்காக கூகுள் போன்ற வெளிநாட்டு நிறுவனங்களை சார்ந்திருக்க வேண்டியிருக்கிறது. தெரியாத இடங்களுக்கு வழி தேட வேண்டும் என்றால் கூகுள் வரைபடத்தை பார்த்துக்கொண்டிருக்கிறோம்.
இந்திய நிறுவனங்கள்,தொழில்நுட்பத் துறையினர் திறமையுள்ளவர்களாக இருந்தும் கூட, இந்திய நிறுவனங்களின் கைகள் கட்டப்பட்டிருந்தன. வரைபடமாக்கல் விவரங்களை சேகரிக்க வேண்டும் எனில், அவை பல அடுக்குகளில் அனுமதி பெற வேண்டியிருந்தது.

இப்போது இந்த கட்டுப்பாடுகள் தளர்த்தப்பட்டு, இந்திய நிறுவனங்கள் அனுமதி பெறும் தேவையில்லாமலே புவியிடம்சார் தகவல்களை சேகரிக்கலாம் என அறிவிக்கப்பட்டுள்ளது. பொருளாதார சீர்திருத்தங்கள் அறிவிக்கப்பட்ட 30 ஆண்டுகள் கழித்து, இந்திய வரைபடமயமாக்கல் துறைக்கான சீர்திருத்தங்கள் அறிவிக்கப்பட்டுள்ளன. வரைபடமாக்கல் மற்றும் வரைபடமாக்கல் சார்ந்த தரவுகள் தொடர்பான முந்தைய கட்டுப்பாடுகள் தளர்த்தப்பட்டிருக்கின்றன. ஸ்டாட்டப் நிறுவனங்களுக்கு சட்டங்கள் தளர்த்தப்படுமாயின் மேட் இன் இந்தியா பொருட்கள்,செயலிகள் உலக சந்தையுடன் போட்டி போட முடியும்.

அமேசன்,மைக்ரொசொப்ட்,கூகிள் இந்தியாவில் முதலீடு செய்வதைவிட சீனாவைப் போல் இந்திய நிறுவனங்கள் வெளிநாடுகளில் முதலீடு செய்ய முடியும்.

பூமியின் நிலப்பரபின் மீதுள்ள குறிப்பிட்ட இடம் சார்ந்த தகவல்களை எளிதாக அணுகும் புவியிடம்சார் தரவுகளை (GEOSPATIAL) கூகிளுக்கு மாற்றாக இந்தியா செயல்படுத்தும்..
விரைவில் கூகிள் வரைபடத்தில் இருந்து இந்திய வரைபடத்துக்கு நாம் செல்லலாம். கைபேசியில்,இடத்தை தேட,மற்றும் நிறுவனங்கள்..என பலவும் இந்திய வரைபடத் தேடலை பாவிக்க முடியும்.

(உதவி-இணையம்)

**T.N.Balasubramanian** · **T.N.Balasubramanian** Fri Feb 19, 2021 3:42 pm

சக்தி 18 wrote:விரைவில் கூகிள் வரைபடத்தில் இருந்து இந்திய வரைபடத்துக்கு நாம் செல்லலாம். கைபேசியில்,இடத்தை தேட,மற்றும் நிறுவனங்கள்..என பலவும் இந்திய வரைபடத் தேடலை பாவிக்க முடியும்.

மாலையிட்டு வரவேற்போம்.