தாமதமாக வந்த ரஜினி தவறவிட்டார் விமானத்தை

rikniz · rikniz Wed Jan 13, 2010 10:18 am

எந்திரத்திற்கு தெரியுமா எந்திரனை பற்றி?

சற்று தாமதமாக வந்த ரஜினியை விட்டு விட்டு இறக்கையை விரிக்க தயாராகிவிட்டதாம் பிளைட். ஆனாலும் நிறுத்தியாவது ஏறி விடலாம் என்று நினைத்தவருக்கு ஏமாற்றம். அதனால் என்ன, அடுத்த பிளைட்தான் இருக்கே...?

திருவனந்தபுரம் செல்லவேண்டி சென்னை விமான நிலையத்திற்கு வந்தார் ரஜினி. அவரது பிளைட்டின் நேரம் காலை 9.30 மணி. அரை மணி நேரம் முன்னதாக நிலையத்திற்குள் வரவேண்டும். ஆனால் டிராபிக் நெரிசலின் காரணமாக சற்று தாமதமாக வந்த ரஜினி, ஐந்து நிமிடம் முன்பாகதான் உள்ளேயே வந்தார்.

அதற்குள் கிளம்ப எத்தனித்துவிட்டது விமானம். "இனிமேல் இதை நிறுத்த இயலாது" என்று கூறிய விமான நிலைய அதிகாரிகள் "அடுத்த பிளைட்டை பிடித்து செல்லுங்களேன்" என்றார்களாம். வேறு வழியில்லாமல் காத்திருந்து அடுத்த பிளைட்டில் சென்றார் ரஜினி.

ஏன் வரணும்? எப்போ வரணும்னு தெரியலேன்னாலும் பரவாயில்லை. வரவேண்டிய நேரத்திலே கரெக்டா வரலேன்னா இப்படிதான்!