ஒன்றன்பின் ஒன்றாக மோதிய 130 வாகனங்கள்! – அமெரிக்காவில் கோர விபத்து!

**ayyasamy ram** · **ayyasamy ram** Fri Feb 12, 2021 8:47 pm

-
அமெரிக்காவின் டெக்ஸாச் மாகாணத்தில் நெடுஞ்சாலையில்
ஒன்றன் மீது ஒன்றாக 130க்கும் அதிகமான வாகனங்கள் மோதி
கொண்ட சம்பவம் பரபரப்பை ஏற்படுத்தியுள்ளது.

அமெரிக்காவின் டெக்ஸாஸ் மாகாணத்தின் பிரதான
நெடுஞ்சாலையான வொர்த் கோட்டை சாலையில் வழக்கம்
போல ஏகமான வாகனங்கள் பயணித்துள்ளன.

அதிகமான குளிர் வானிலையாலும், சாலைகள் மிகுந்த
ஈரப்பதத்துடனும் இருந்ததாலும் திடீரென வாகனம் ஒன்று
கட்டுப்பாட்டை இழந்து சரிய வரிசையாக பின்னால் வந்த
வாகனங்கள் அனைத்தும் கட்டுப்பாட்டை இழந்து ஒன்றன்
மீது ஒன்றாக மோதிக்கொண்டுள்ளன.

சுமார் 130க்கும் அதிகமான வாகனங்கள் சாலையில் ஒன்றுடன்
ஒன்று மோதிக்கொண்ட நிலையில் இதனால் 6 கிலோ மீட்டர்
தூரத்திற்கும் அதிகமான அளவு போக்குவரத்து பாதிப்பு
ஏற்பட்டுள்ளது. மேலும் இந்த கோர விபத்தில் இதுவரை 6 பேர்
உயிரிழந்துள்ள நிலையில் மீட்பு பணிகள் தொடர்ந்து நடைபெற்று
வருகின்றன.

வெப்துனியா

**T.N.Balasubramanian** · **T.N.Balasubramanian** Fri Feb 12, 2021 10:20 pm

பொதுவாக அந்த சாலைகளில் 80 மைல் வேகத்தில்தான் கார்கள் போகும்.
பனிக்காலங்களில் பனித்துளிகள் லேசாக ரோடில் ஒரு படிமமாக படிந்திருக்கும் போது
பிரேக்கை அழுத்தினாலும் அவ்வளவு சிறப்பாக வேலை செய்யாது .ஸ்கிட் ஆகும்.

Guest · Guest Sat Feb 13, 2021 12:20 am

இலையுதிர் காலம் முடிந்து பனி(snow) காலம் தொடங்கி வெப்ப நிலை குறையும் போது (0 – 1 டிகிரி)இப்படியும் நடப்பதுண்டு.சாலையில் பனி உறையும் போது சறுக்கும்.அதுவும் சாய்வான சாலையாக இருந்தால்..? அந்த சமயம் ஆபத்தானதும் கூட. பனிப் பொழிவு காலங்களில் நல்ல பாதணி,வாகனங்களில் சக்கரங்கள் (டயர்கள்) மாற்றி அல்ல்து சங்கிலி போட்டு இருக்க வேண்டும்.

இந்த நிலையில் ஒரு பள்ளிக் குழந்தை…….

உக்ரைன் நாட்டில் மரியா என்ற 9 வயது பள்ளிச் சிறுமி 40 தடவைகள் சறுக்கும் காட்சி சிசிடிவி யில் பதிவாகி உள்ளது.உதவிக்கு வந்த போதும் மரியாவினால் தப்ப முடியவில்லை.ஆனாலும் முயற்சியை கைவிடவில்லை ,நானாக எழுந்து நடந்து செல்ல வேண்டும் என உறுதியாக இருந்தேன், என்றார் மரியா.

(கீல்,உக்ரைன்-Euro News)

இந்த பதிவைத் துவங்கியவர் நன்றி கூறியுள்ளார் Guest

Sponsored content · Sponsored content

ஒன்றன்பின் ஒன்றாக மோதிய 130 வாகனங்கள்! – அமெரிக்காவில் கோர விபத்து!

ஒன்றன்பின் ஒன்றாக மோதிய 130 வாகனங்கள்! – அமெரிக்காவில் கோர விபத்து!

Re: ஒன்றன்பின் ஒன்றாக மோதிய 130 வாகனங்கள்! – அமெரிக்காவில் கோர விபத்து!

Re: ஒன்றன்பின் ஒன்றாக மோதிய 130 வாகனங்கள்! – அமெரிக்காவில் கோர விபத்து!

Re: ஒன்றன்பின் ஒன்றாக மோதிய 130 வாகனங்கள்! – அமெரிக்காவில் கோர விபத்து!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக