டுவிட்டருக்கு போட்டியாக கவனம் பெறும் '' கூ'' சமூக வலைதளம் !

**ayyasamy ram** · **ayyasamy ram** Thu 11 Feb 2021 - 8:18

இந்தியாவில் உருவாக்கப்பட்ட ''கூ'' சமூக வலைதளம்
இந்தியாவின் டுவிட்டருக்கு மாற்றாக பிரபலமாகி வருகிறது.

விவசாயிகள் மத்திய அரசுக்கு எதிராகப் போராட்டம் நடத்தி
வரும் நிலையில், மத்திய அரசுக்கு எதிராக தவறான தகவல்கள்
பதிவிட்டதாக முடக்கப்பட்ட கணக்குகளை திரும்பவும்
பயன்படுத்த டுவிட்டர் நிறுவனம் அனுமதி அளித்துள்ளது.

இதனால் டுவிட்டர் நிறுவனத்திற்கும் மத்திய அரசிற்கும்
இடையே பிரச்சனை உருவாகியுள்ளது.

இந்நிலையில், இந்தியாவில் உருவாக்கப்பட்டுள்ள கூ என்ற
சமூக வலைதளம் கவனம் பெற்று வருகிறது. இதில், மத்திய
அமைச்சர் பியூஸ்கோயல், ரவி சங்கர் பிரசாத், கிரிக்கெட் வீரர்
அணில் கும்ளே,ஈஷா யோக மையம் நிறுவனர் சத்குரு
ஆகியோர் ’கூ’சமூக வலைதளத்தில் இணைந்துள்ளனர்
என்பது குறிப்பிடத்தக்கது.

வெப்துனியா

Guest · Guest Fri 12 Feb 2021 - 1:24

made in India-இந்திய செயலி, இந்திய மொழிகளில் பதிவிடும் வசதி உண்டு
டுவிட்டர் -’கூ’ சில மாற்றங்கள் உண்டு.டுவிட்டரில் 280 சொற்களும் ‘கூ’ வில் 400 சொற்களும் பதிவிடலாம்.ஆனாலும் டுவிட்டரில் சில முறைகள் கொண்டு நீண்ட பதிவுகளை பதிவிடலாம்.டுவிட்டரில் கணக்கு தொடங்க மின் அஞ்சல் முகவரி மூலமும்,’கூ’ வில் சரியான தொலைபேசி இலக்கமும் அதை அக்டிவேட் செய்ய OTP யும் வேண்டும்.

காணொலி/ஒலி வசதி உண்டு.10 நிமிடங்கள் வரையிலான காணொலிப் பதிவிட வசதி உண்டு.சில பாதுகாப்புக் குறைபாடுகள்(Data leakage ) ’கூ’ இல் உண்டு.

சமீபத்தில் பதிவிட்ட ‘ban twitter’, மற்றும் ‘andolan jivi’ சில பதிவுகள் கவனத்தைப் பெற்றது.

‘கூ’இல் சீன முதலீட்டாளர் Shunwei இன் சிறிய முதலீடும் உண்டு.அவர் விரைவில் வெளியேறுவார் எனச் சொல்லப்படுகிறது.( அப்ரமேய ராதாகிருஷ்ணன் )

விவசாயிகள் போராட்டம் காரணமாக இந்திய அரசுக்கும் டுவிட்டருக்கும் இடையே கருத்து வேறுபட்டது.நூற்றுக்கணக்கான பதிவுகளை நீக்க அரசு கேட்டுக் கொண்ட போது அதை வன்முறையை தூண்டாத கருத்துக்கள் காரணமாக டுவிட்டர் அவற்றை நீக்கவில்லை.சில சமயம் டுவிட்டரை தடைசெய்யவும் வாய்ப்புண்டு.

டுவிட்டர் - ’கூ’ வசதிகள் ஒன்றுபோல் இருப்பினும் கருத்துரிமை விசயத்தில் மாறுபடுகிறது.கருத்து உரிமைக்கும், வன்முறை தூண்டும் பதிவுகளுக்கும் வித்தியாசம் உண்டு.

ராமனும் சோமனும் தங்கள் கருத்தை வன்முறையை தூண்டாத வகையில் பதிவிட உரிமை வழங்கப்படல் வேண்டும்.ஆரோக்கியமான விவாதத்துக்கும் ஜனநாயக மேம்பாட்டிற்கும் இது மிகவும் அவசியம்.ஆனால் ’கூ’ வில் அந்த உரிமை கிடையாது என்பதை டுவிட்டர் பதிவுகளை நீக்கும்படி சொன்னதில் இருந்து தெரிந்து கொள்ளலாம். (யார் இந்த ராமனும் சோமனும் என்று எனக்குத் தெரியாது)

சிவனாசான் · சிவனாசான் Sat 13 Feb 2021 - 21:29

சொந்தகருத்தை பதிலை பதிவு செய்வோர் குறைந்து காப்பி செய்யும் நபரின் செயலே அதிகமாக பதிவாகிறது. சுயசிந்தனை மனிதனை உயர்த்தும் அடுத்தவனையும் உயர்த்த உணர்வை தூண்டும் . காப்பி செய்யும் பதிவு சோம்பேரியாக்கும் . காப்பி அடித்து பாஸ்செய்பவன் அறிவைவிட சுயமாக படித்து ஆக்கபூர்வமான நற்பதிலை எழுதுபவனே உயர்வான் வாழ்கையில்......................

**ayyasamy ram** · **ayyasamy ram** Sat 13 Feb 2021 - 21:45

தினசரி செய்திகள் என்ற தலைப்பில்
இன்றைய நாட்டு நடப்பு செய்திகள்
பதிவிடப்படுகின்றன...
-
இதிலே சுய சிந்தனை என்பது எங்கே வருகிறது?
-
அதிர்ச்சி

**T.N.Balasubramanian** · **T.N.Balasubramanian** Sat 13 Feb 2021 - 22:24

நாமும் இணையவேண்டியதுதான் ஆனால் இதற்காக சில மணிநேரங்கள்
ஒதுக்கப்படவேண்டும். சந்தேகம்தான் (என்னை பொறுத்தவரையில்).

2001இல் முகநூலில் இணைந்து ஓரிரு வாரங்கள் பதிவுகள் இட்டேன்.
அவ்வளவுதான்.

ஈகரைச்செல்வி · 08/06/2015

நானும்கூவில் இண)ந்துவிட்டேன் தமிழச்சி என்று தேடுங்கள்

Guest · Guest Sat 13 Feb 2021 - 23:05

சிவனாசான் wrote:

திண்ணைப்பேச்சில் பதிவிட வேண்டியதை இங்கே பதிவிட்டு விட்டீர்கள்.

Guest · Guest Sun 14 Feb 2021 - 13:29

டேட்டா லீக்கேஜ்,ப்ரைவேசி லீக்கேஜ் க்கு முக்கியத்துவம் கொடுப்பது காரணமாக ஈகரை மற்றும் ஒரு ஆங்கில/கொரிய தளம் தவிர வேறு எந்த இணைய/சமூகவலைத்தளங்களிலும் கணக்கு இல்லை.
அவசியம் ஏற்படும் போது தற்காலிக மின் அஞ்சல்,தற்காலிக தொலைபேசி இலக்கம் பாவித்து கணக்கு ஏற்படுத்துவதுண்டு.

வாழ்த்துகள்.

**T.N.Balasubramanian** · **T.N.Balasubramanian** Sun 14 Feb 2021 - 23:42

நமக்கு செய்யவேண்டிய வேலையே அதிகம் இருக்கிறது.
முன்பு போல் ஓடியாடி வேலை செய்யமுடிவதில்லை.
வேகமும் குறைந்துவிட்டது.
கூவமுடியதைய்யா முடியாது .
வேண்டாம் வேண்டவே வேண்டாம் எனக்கு புன்னகை