காதலிக்கு மஞ்சள் ரோஸ் குடுக்கலாமா?

-
ரத்தம் சிந்த வைக்கும் முட்கள்...
அதை ஜாக்கிரதையாகக் கடந்தால் கையை வருடும் அந்த
மென்மையான இதழ்கள். சிவப்பான அந்த நிறம். சிவப்பு
இதழ்களுக்கு நடுவே மஞ்சள் மகரந்தங்கள்.

உலகின் காதல் அடையாளமான "ரோஜா"வின் அடையாளம்
இது தான்.

பிப்ரவரி... காதல் மாதம். காதலர்களுக்கான மாதம்.
இந்த மாதத்தில், காதல் வாரம் 7ம் தேதி தொடங்கி 14 ம் தேதி
வரை கொண்டாடப்படுகிறது. இந்த வாரத்தின் ஒவ்வொரு
நாளும், ஒவ்வொரு காதல் அடையாளத்தோடு கொண்டாடப்படுகிறது.

அந்த வகையில் இன்று "ரோஜா"க்கள் தினமாகத் தொடங்குகிறது.
ரோஜாவில் தொடங்கும் இந்த காதல் பயணம் வேலண்டைன்
தின முத்தத்தில் தன் அன்பின் எல்லையை அடைகிறது.

வண்ண ரோஜாக்கள் சொல்லும் சேதிகள்...

ரோஜா தினத்தின் கதை என்ன?:

கிரேக்கப் புராணங்களில், "ஈரோஸ்" என்பவர் காதல் கடவுளாக
கொண்டாடப்படுகிறார். அவரின் காதல் துணையான வீனஸிற்கு
பிடித்த மலர் சிவப்பு ரோஜா. காதல் கடவுளின் காதலிக்கே பிடித்த
ரோஜாவை நாம் கொண்டாடாமல் இருந்திட முடியுமா?.

இதன் காரணமாகவே மனித காதலில் ரோஜாக்கள் முக்கிய இடம்
பிடித்திருக்கின்றன. அந்த ரோஜாக்களை தினம் எடுத்து நாம்
கொண்டாடுகிறோம்.

இந்த ரோஜா தினத்தில் என்ன செய்யலாம்?

ஓர் அழகான சிவப்பு ரோஜாவை எடுத்துக்கொள்ளுங்கள்.
உங்கள் அழகான உறவை, ரோஜாவின் உணர்வோடு கலந்து
கவிதையாக்குங்கள். காதலிக்கு பெரும் காதலோடு அதைக்
கொண்டு போய் கொடுங்கள்.

ரோஜாக்களின் வரலாறு கொஞ்சம் நீளம், நிறைய அழகு!
அவை காதலின் சின்னங்கள்; அழகின் அடையாளங்கள்;
யுத்தத்தின் அமைதி; பூமியில் காதலை தோற்றுவித்தது..
பூமியையே காதலில் திளைக்கவைத்தது!

உலகம் முழுவதும் இந்த நாளில் காதலர்களின் கைகளில்
இந்த ரோஜாக்கள் இந்நேரம் தவழ்ந்து கொண்டிருக்கும்.
ரோஜாக்கள் காதலர்களின் கைகளில் சேர வேண்டும் என்ற
ஆசையில், காதலில், பூத்துக் குலுங்கிக் கொண்டிருக்கும்.

செடிகளுடனான தன் காதலை முறித்து, மனிதரின் காதலுக்காக
தியாகிக்கிறது இந்த ரோஜாக்கள். காதலைக் கொண்டாடும்
ஒவ்வொரு தருணத்திலும், ரோஜாக்களும் கொண்டாடப்படுகின்றன.

மனித உறவுகளுக்கும், மனித உணர்வுகளுக்கும் நெருக்கமான
விஷயமாக இருக்கிறது இது. அதன் ஒவ்வொரு வண்ணமும்,
ஒவ்வொரு உணர்வுகளை வெளிப்படுத்துகிறது.

சிகப்பு சொல்கிறது : நான் உன்னைக் காதலிக்கிறேன்
மஞ்சள் சொல்கிறது : நீ என் வாழ்விற்கு மகிழ்வைத் தருகிறாய்.
நாம் நண்பர்களாக இருப்போம்.
பிங்க் சொல்கிறது : எனக்கு உன்னைப் பிடித்திருக்கிறது.
ஆரஞ்ச் சொல்கிறது : நான் உன்னை நினைத்து பெருமைக் கொள்கிறேன்.
நீலம் சொல்கிறது : நீ... நான் அடைய முடியாத ஒரு கனவாக இருக்கிறாய்.

வாருங்கள்...
உங்களுக்கான ரோஜாவைத் தேர்ந்தெடுங்கள்.
உங்களைப் போலவே காதல் மழையில் நனைய காத்திருக்கும்
உங்கள் காதலிக்கு, காதலனுக்கு ரோஜாக்களைக் கொடுத்திடுங்கள்.
உண்மையான காதல் வாசத்தினை பரப்பிடுங்கள்.

இனிய ரோஜா தின வாழ்த்துகள்..!

இப்பச் சொல்லுங்க.. லவ்வருக்கு யெல்லோ ரோஸ் குடுப்பீங்களா?

- ச. செந்தமிழ் செல்வன்
(மாணவப்பத்திரிகையாளர்
நன்றி-விகடன்