இன்று உங்களை ஆச்சரியப்படுத்திய விஷயம் என்ன?

இன்று உங்களை ஆச்சரியப்படுத்திய விஷயம் என்ன?
சரியான நேரத்தில் ரயில் அதன் இலக்கை அடையத் தவறினால், தனது சகோதரி தனது தேர்வைத் தவறவிடுவார் என்று ரயில்வேக்கு கோரிக்கை விடுத்த ஒரு சகோதரருக்கு இந்திய ரயில்வே கொடுத்த பதில், அரசு இயந்திரம் இவ்வளவு வேகமாக செயல்படுமா என ஆச்சரியப்படுத்தும் வகையில் உள்ளது.



உத்திர பிரதேசத்தின் மவுவைச் சேர்ந்த ஒரு பெண், சாப்ரா-வாரணாசி இன்டர்சிட்டி ஸ்பெஷல் (ரயில் எண் 05111) ரயிலில் ஏறி வாரணாசி அடைந்து, மதியம் 12 மணிக்கு நடைபெறவிருந்த அடிப்படை ஆசிரியர் சான்றிதழ் தேர்வுகளில் கலந்து கொள்ள திட்டமிட்டிருந்தார்.

இருப்பினும், மூடுபனி மற்றும் குறைந்த பார்வை காரணமாக, ரயில் அதன் கால அட்டவணைக்கு பின்னால் ஓடிக்கொண்டிருந்தது.
காலை 6:25 மணிக்கு ரயில் மவு சந்திப்பை அடைய வேண்டியிருந்தது. ஆனால் மூடுபனி காரணமாக ஏற்கனவே 2.5 மணி நேரம் ரயில் தாமதமாக ஓடிக்கொண்டிருந்தது.
இதனால் ரயில் உரிய நேரத்தில் வாரணாசிக்கு செல்ல முடியவில்லை என்றால் தன் பரீட்சைக்கு ஆஜராக முடியாமல் போகலாம் என்று தன் சகோதரனுக்கு அந்த பெண் தகவல் கொடுத்துள்ளார்.

இந்நிலையில், அவரது சகோதரர் ட்விட்டரில், சரியான நேரத்தில் இலக்கை அடையத் தவறினால், தனது சகோதரி தேர்வைத் தவறவிடுவார் என்று இந்திய ரயில்வேக்குத் தெரிவித்தார்.
அவரே எதிர்பார்க்காத விதமாக, ரயில்வேயின் பதில் நடவடிக்கை இருந்தது. சகோதரர் ட்வீட் போட்ட 10 நிமிடங்களுக்குள், அந்தப் பெண் தனது தேர்வைத் தவறவிட மாட்டார் என்று ரயில்வே அதிகாரிகளிடமிருந்து ஒரு அழைப்பு வந்தது.
இதன் பின்னர், இலக்கை அடைய ரயில் முழு வேகத்தில் ஓடியது. அந்த பெண் சரியான நேரத்தில் தனது தேர்வை எதிர்கொண்டார். பரீட்சை தொடங்குவதற்கு 45 நிமிடங்களுக்கு முன்பே அந்த பெண் தேர்வு மையத்தை அடைந்தார்.
இது தொடர்பாக ஊடகங்களிடம் பேசிய நாசியா தபஸம் எனும் அந்த பெண், வாரணாசியில் உள்ள வல்லப் வித்யாபீத் பாலிகா இன்டர் கல்லூரியில் மதியம் 12 மணி முதல் தனது தேர்வு என்று கூறினார். அவள் முன்பதிவு செய்த ரயில் 2.5 மணி நேரத்திற்கும் மேலாக தாமதமாக ஓடிக்கொண்டிருந்தது. பின்னர் அவர் ரயில்வேயில் ட்வீட் செய்த தனது சகோதரரை உதவிக்கு அழைத்தார்.

மேலும் இந்திய ரயில்வே உரிய நேரத்தில் அழைத்து சென்று தேர்வில் கலந்து கொள்ளச் செய்தது.
தபஸமின் சகோதரர், “நான் ஒரு ட்வீட் மூலம் ரயில்வேயின் உதவியை நாடினேன். 10 நிமிடங்களுக்குப் பிறகு, ரயில்வே அதிகாரிகள் என் சகோதரியின் தொலைபேசியில் அழைப்பு விடுத்து, நாங்கள் சரியான நேரத்தில் வருவோம் என்று எங்களுக்கு உறுதியளித்தனர். ரயில் 9:18 மணிக்கு மவுக்கு வந்தது காலை 10:57 மணிக்குள் வாரணாசியை அடைந்தேன்.” என்று கூறினார்.

ரயில்வேவின் உடனடி உதவியைப் பெற்று தேர்வுக்கு பிறகு, நாசியாவின் சகோதரர் அன்வர் ஜமால் மீண்டும் ட்விட்டரில், தனது சகோதரியை சரியான நேரத்தில் சென்றடையச் செய்ததற்காக ரயில்வேக்கு நன்றி தெரிவித்தார்.

ரயில்வே அமைச்சர் பியூஷ் கோயலும் இதற்கு ட்வீட் செய்து, “உங்கள் சகோதரி சரியான நேரத்தில் தனது தேர்வு மையத்தை அடைய உதவியதில் நாங்கள் மகிழ்ச்சியடைகிறோம். பயணிகள் தங்களின் இலக்குகளை சரியான நேரத்தில் அடைய ரயில்வே குடும்பம் எப்போதும் தயாராக உள்ளது.” எனத் தெரிவித்துள்ளார்.

நன்றி கோரா

இது மாதிரி செய்திகள் உண்மையிலேயே மனதிற்கு ஒரு உற்சாகத்தை ஏற்படுத்துகிறது.
வாழ்க இந்திய ரயில்வே -
வாழ்க டிவீட்டர் -
வாழ்த்துகள் ஜமால் அவர்களின் சமயோஜித நடவடிக்கைக்கு