அணு ஆயுத சோதனை; வடகொரியாவுடன் கைகோர்க்கும் ஈரான்

**ayyasamy ram** · **ayyasamy ram** Tue Feb 09, 2021 4:46 pm

டெஹ்ரான்:
வடகொரியா வெளியுலகுக்குத் தெரியாமல் மறைமுகமாக
அணு ஆராய்ச்சி சோதனையில் ஈடுபட்டு வருவது அனைவருக்கும்
தெரிந்த விஷயம்.

வடகொரியாவை அடுத்து உலக நாடுகளை அச்சுறுத்தும் வகையில்
அணு ஆயுதங்களை சோதனை செய்துவரும் நாடு ஈரான். ஈரானின்
அணு ஆயுத சோதனையை கட்டுப்படுத்த ஐ.நா.,வை தொடர்ந்து
அமெரிக்கா வலியுறுத்தி வருகிறது.

ஈரானுக்கும் அமெரிக்காவுக்கும் தொடர்ந்து மோதல் போக்கு ஏற்பட்ட
வண்ணம் உள்ளது. கடந்த ஆண்டு ஈரான் புரட்சிகர ராணுவப்படைத்
தளபதி காசிம் சுலைமானி பாக்தாத்தில் அமெரிக்கா ஏவுகணைத்
தாக்குதலில் கொல்லப்பட்டதை அடுத்து அமெரிக்கா மீது ஈரான் கடும்
அதிருப்தியில் இருந்து வந்துள்ளது.

இதனை அடுத்து தலைநகர் டெஹ்ரானில் உள்ள ஒரு நகரில் ஈரான்
யுரேனிய செரிவை அதிகரித்து வருகிறது எனத் தகவல் வெளியாகியது.

ஈரான் மீது பொருளாதார கட்டுப்பாடுகள் விதிக்கப்பட்டன.
அமெரிக்கா விதித்திருந்த இந்த பொருளாதார கட்டுப்பாடுகளை
நீக்கினால் தாங்கள் சர்வதேச ஒப்பந்தப்படி அணு ஆயுத
சோதனையை குறைத்துக் கொள்வதாக முன்னதாக ஈரான்
வெளியுறவுத்துறை அறிவித்திருந்தது.

ஆனால் அமெரிக்காவின் புதிய அதிபர் ஜோ பைடன் இதனை ஏற்க
மறுத்தார். ஈரான் ஒப்பந்தத்தைப் பின்பற்றி யுரேனிய செரிவை
குறைத்துக்கொண்டால்தான் சர்வதேச பொருளாதாரத் தடையை
நீக்கமுடியும் என்று தெரிவித்தார்.

இந்நிலையில் வடகொரிய அதிபர் கிம் ஜாங் உன்னுடன் இணைந்து
ஈரான் தலைவர் அயோடெல்லா அல் கமேனி அணு சோதனையில்
ஈடுபட ஒப்பந்தமிட்டதாக ஐநா தகவல் அளித்துள்ளது.

ஆண்டுதோறும் ஐநா உயரதிகாரிகள் ஐநா பாதுகாப்பு கவுன்சிலிடம்
சர்வதேச அறிக்கையை அளிப்பர். இன்று அளிக்கப்பட்ட இந்த சர்வதேச
அறிக்கையில் இந்தத் தகவல் வெளியிடப்பட்டுள்ளது.

இது அமெரிக்கா உள்ளிட்ட மேலை நாடுகளையும் வடகொரியாவைச்
சுற்றியுள்ள ஆசிய நாடுகளையும் ஒருங்கே அச்சுறுத்தி இருப்பது
குறிப்பிடத்தக்கது.

தினமலர்

அணு ஆயுத சோதனை; வடகொரியாவுடன் கைகோர்க்கும் ஈரான்

அணு ஆயுத சோதனை; வடகொரியாவுடன் கைகோர்க்கும் ஈரான்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக