தந்தைக்கு சிலை செய்து தங்கைக்கு திருமணம்

**ayyasamy ram** · **ayyasamy ram** Tue Feb 02, 2021 11:51 am

தஞ்சாவூர் :
தந்தையின் உருவத்தை சிலையாக உருவாக்கி, தங்கை திருமண
வரவேற்பு விழாவில் வைத்த சகோதரியின் செயல், நெகிழ்ச்சி
அடைய செய்தது.

தஞ்சாவூர் மாவட்டம், பட்டுக்கோட்டையைச் சேர்ந்தவர்
செல்வம், 61. தொழிலதிபரான இவரது மனைவி கலாவதி.
இவர்களுக்கு, மூன்று மகள்கள். 2012ல் செல்வம் இறந்து விட்டார்.
அவர் இருக்கும் போது, இரண்டு மகள்களுக்கு திருமணம்
முடித்து விட்டார்.

தற்போது, மூன்றாவது மகள் லெட்சுமி பிரபாவுக்கும், கிஷோர்
என்பவருக்கும் திருமண ஏற்பாடு செய்யப்பட்டது.
லெட்சுமி பிரபா, தந்தை இல்லாத குறையை எண்ணி
வருத்தமாக காணப்பட்டார்.

தங்கையின் வருத்தத்தை அறிந்த, லண்டனில் டாக்டராக
உள்ள மூத்த சகோதரி புவனேஸ்வரி, 37 அவரது கணவர்
கார்த்திக் இருவரும், செல்வத்தின் உருவத்தை சிலையாக
உருவாக்க முடிவு செய்தனர்.

6 லட்சம் ரூபாய் செலவில், பெங்களூரில் தனியார்
நிறுவனத்தில், 'ஆர்டர்' செய்து, சிலிக்கான் மற்றும் ரப்பரால்
தத்ரூபமான சிலையை உருவாக்கினர்.

பட்டுக்கோட்டையில் நேற்று நடந்த லெட்சுமி பிரபா திருமண
வரவேற்பின் போது, மணமக்கள் முன், தந்தையின் முழு உருவ
சிலையை புவனேஸ்வரி மேடைக்கு கொண்டு வந்து,
தங்கைக்கு இன்ப அதிர்ச்சி கொடுத்தார்.

தந்தையின் சிலையை பார்த்த லெட்சுமி பிரபா கண்ணீர்
விட்டு அழுதார். சிலை முன், மணமக்கள் மாலை மாற்றி,
சிலையின் காலில் விழுந்து வணங்கினர்.

இது, திருமணத்துக்கு வந்தவர்கள் மத்தியில், நெகிழ்ச்சியை ஏற்படுத்தியது.

புவனேஸ்வரி கூறுகையில், ''தந்தை, என்
திருமணத்தை சிறப்பாக நடத்தினார். தங்கையின்
திருமணத்தின் போது தந்தை இல்லை என்ற வருத்தம்
எல்லோருக்கும் இருந்தது.

சிலையை பார்த்த தங்கை மட்டுமில்லாமல், உறவினர்களும்
சில நிமிடம் கண்கலங்கினர்,'' என்றார்.

தினமலர்

**T.N.Balasubramanian** · **T.N.Balasubramanian** Tue Feb 02, 2021 4:55 pm

நல்லதோர் அணுகுமுறை.
கண் கலங்குதல் இயற்கையே.
சிலிகான்/ரப்பர் சிலை உயிருடன் காண்பது போல் உள்ளது.
இனிவரும் காலங்களுக்கு இஃதோர் முன்னோடி.

தந்தைக்கு சிலை செய்து தங்கைக்கு திருமணம்

தந்தைக்கு சிலை செய்து தங்கைக்கு திருமணம்

Re: தந்தைக்கு சிலை செய்து தங்கைக்கு திருமணம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக