மதுப்பழக்கம் - ம.பொ.சி., ஒரு பேட்டியில் சொன்னது! ***

**ayyasamy ram** · **ayyasamy ram** Mon Feb 01, 2021 7:53 pm

மதுப் பழக்கத்தை நான் எதிர்ப்பதற்குக் காரணம்,
என் அப்பா, என் அம்மாவைப் படுத்தின தொல்லைகளைப்
பார்த்தது தான். நடைமுறையில் நான் அனுபவித்தது போல்,
யாரும் அனுபவித்திருக்க முடியாது.

மூன்றாம் வகுப்பு படித்துக் கொண்டிருந்தேன்.
புத்தகம் இல்லை என்பதற்காக, நல்ல வெயிலில், வாத்தியார்
என்னை பள்ளியை விட்டுத் துரத்தினார்; அப்பாவிடம் வந்து
சொன்னேன்.

"என் பிள்ளையை எவன்டா துரத்தினான்?' என்று, அவரோடு
சண்டைக்குப் போனார். என்னிடம், "இனி பள்ளிக்கூடமே
போக வேண்டாம்...' என்றார். அன்றைக்கு, எனக்கு எவ்வளவு
சந்தோஷம் ஏற்பட்டது தெரியுமா? அதோடு போச்சு, என்
படிப்பு!

நான் சுதந்திரப் போராட்டத்தில் கள்ளுக்கடை மறியல்
இயக்கத்தில் ஈடுபட்டதற்காக, என் சாதியார் (கிராமணி)
என்னை வீட்டை விட்டு அல்ல, தெருவை விட்டே துரத்தினர்.

அப்போது, சேரியில் போய் குடியிருந்திருக்கிறேன்.
குடிப் பழக்கத்தால், சேரி மக்கள் அடைந்த துன்பங்களை
எல்லாம் அறிவேன்.

பாரிஸ் மாநாட்டுக்குப் சென்றிருந்த போது, ஒரு விருந்து
அளித்தனர். மால்கம் ஆதிசேஷையா, என் அருகில் அமர்ந்தார்.
விருந்தின் போது, வோட்காவோ, என்னவோ, சிவப்பாக
எதையோ கொண்டு வந்து, கிளாசில் ஊற்றினர்.

நான், "வேண்டாம்!' என்றேன். "இங்கு வேண்டாம் என்று
மறுப்பது முறையல்ல; குடிக்காவிட்டாலும், அதைத் தொட்டு
வைப்பது தான் இங்கே நாகரிகம்...' என்றார்.

"அதைத் தொடுவதையே, அநாகரிகமாக அல்லவா நான்
கருதுகிறேன்...' என்றேன்; யாரும் வற்புறுத்தவில்லை.
-
-----------------------
— ம.பொ.சி., ஒரு பேட்டியில்.
நடுத்தெரு நாராயணன்
திண்ணை- வாரமலர்

**Dr.S.Soundarapandian** · **Dr.S.Soundarapandian** Mon Feb 01, 2021 10:05 pm

மகாத்மா காந்தியால் கவரப்பட்டு அரசியலுக்கு வந்த தமிழர்கள் அனேகம் ! அனேகம்! அவர்களில் குறிப்பிடத் தக்கவர் ம.பொ.சி. !
வாழ்க ம.பொ.சி. புகழ்!
:வணக்கம்:

இந்த பதிவைத் துவங்கியவர் நன்றி கூறியுள்ளார் Dr.S.Soundarapandian

மதுப்பழக்கம் - ம.பொ.சி., ஒரு பேட்டியில் சொன்னது! ***

மதுப்பழக்கம் - ம.பொ.சி., ஒரு பேட்டியில் சொன்னது! ***

Re: மதுப்பழக்கம் - ம.பொ.சி., ஒரு பேட்டியில் சொன்னது! ***

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக