அம்மா – கவிதை

**ayyasamy ram** · **ayyasamy ram** Wed Jan 27, 2021 5:57 am

கருத்தரித்த நாள்முதலாய் உள்ளிருந்து
கணந்தோறும் காத்தருள் சுரந்து சுரந்து
உருவெடுக்கும் என்னுயிரால் ருசியிழந்து
உணவுகுன்றி மசக்கையெழ மெலிந்து மெலிந்து

வருந்துகிற கவலைஎழும் வேளைகளில்
வளர்கின்ற பிள்ளைச்சுமை சுமந்து சுமந்து
பெருத்தவலி சூழ்ந்துற்ற காலைதனில்
பிரசவத்தின் சூல்வலிக்கு இரங்கி இரங்கி

திருத்தமொடு பூமிதனில் தவழவிட்டு
சிம்மாசன மடியேற்றி மகிழ்ந்து மகிழ்ந்து
பொறுத்தனை, மலமயம் செய்தகாலை
புன்னகை பூத்துமுகம் மலர்ந்து மலர்ந்து

கருத்தோடு நலம்கோடி தந்தனையம்மா
கடன்சுமை என்னிடத்தே மிகுந்து மிகுந்து
உறுத்துகிற பான்மைதீரப் பதிலெதுவோ
ஒன்றினுக்கு ஒன்றேனும் உவந்து உவந்து

பொருத்தமொடு தீர்த்திட முடிந்திடுமோ
பொற்பாத மலரடிகள் நினைந்து நினைந்து
உருக்கமொடு திருவடிகள் தொழுவதல்லால்
ஒன்றறியேன் அம்மா பணிந்து பணிந்து
மெய்ப்பட வணங்குகிறேன்.

- கே. இராமமூர்த்தி -
நன்றி : புதுகைத் தென்றல் - மார்ச் 2005
& தமிழம் வலை

**T.N.Balasubramanian** · **T.N.Balasubramanian** Thu Jan 28, 2021 9:42 am

Code:: பொருத்தமொடு தீர்த்திட முடிந்திடுமோ பொற்பாத மலரடிகள் நினைந்து நினைந்து உருக்கமொடு திருவடிகள் தொழுவதல்லால் ஒன்றறியேன் அம்மா பணிந்து பணிந்து மெய்ப்பட வணங்குகிறேன்.

இந்த பதிவைத் துவங்கியவர் நன்றி கூறியுள்ளார் T.N.Balasubramanian

அம்மா – கவிதை

அம்மா – கவிதை

Re: அம்மா – கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக