ஆத்தூரான் மூட்டை -கவிதை (ந. பிச்சமூர்த்தி)

**ayyasamy ram** · **ayyasamy ram** Wed Jan 27, 2021 10:30 am

ஆத்தூரான் மூட்டை நாம்
அதிசய மென்போம்.

மெழுகுச் சுருணைபோல்
பந்தான கந்தல்
சினிமாச் சுருள்போல
முடிவற்ற துணிகள்
மூட்டை வாய்திறந்தால்
மூக்கை மிரட்டும்
மளிகைக் கடைக் குப்பை
தந்திடும் மணங்கள்.

ஆத்தூரான் மூட்டை நாம்
அதிசய மென்போம்.

ஆத்தூரானுக்குத் தொழில்
ஏதொன்று மில்லை.
பிறைதாங்கும் சிவன்போலப்
பையவே வருகுதல்.
மலர் தூங்கும் மரம் போல
மையத்தில் நிற்றல்
போனால்.
ஓடை போல ஓயாது
லயத்தோடு போதல்.
ஈதன்றித் தொழிலேதும்
அவனுக்கு இல்லை.

இல்லையென் றாலுமோர்
வேலையுண்டு.
கதிரவன் மேற்கைக்
கால்வைத்துத் தாண்டையில்
கருத்தொடு கால்வயிறு
எங்கோ நிரப்பிக்
கோணாது நானாது
திண்ணைக்கு வருவான்.
இடுப்பிலே வேஷ்டியே
இல்லாத இருளன்
தேடிய திண்ணையில்
மூட்டை அவிழ்ப்பான்.
மல்லிகை மெத்தைபோல்
படுக்கை விரிப்பான்.
இந்திரன்போல் கால்நீட்டி
மெத்தையில் படுப்பான்.

காலையின் வாள்வீச்சில்
இருள்மரம் சாய்கையில்
திண்ணைவிட் டெழுவான்.
மெத்தை சுருட்டுவான்.
தொழிலாளி போல
தெருவோடு போவான்
பித்தன் ஆத்தூரான்.

தலையோடு செல்வது
ஆத்தூரான் மூட்டை
ஆத்தூரான் மூட்டை நாம்
அதிசய மென்போம்
இல்லத்து மூட்டையை
என்னவென்று சொல்வோம்.

கந்தல்போல் கண்கொண்ட
ஆயிரம் ஆசைகள்.
காற்றாடி போல வால்
ஆட்டும் உறுதிகள்.
வாழ்வின் வினையேதும்
அறியாத இருளூடே
உலகத்தின் சாலையில்
ஊடாடும் நிழல்கள்
நடைவழி செல்கையில்
குடும்ப கனப்பாரம்
குரல்வளை நெறிக்கும்
கூக்குரல், முனகல்.

ஆத்தூரான் மூட்டையோர்
அதிசய மென்றால்
இல்லத்து மூட்டையை
என்னவென்று சொல்ல ?

- ந. பிச்சமூர்த்தி - 1944 இல் வெளியான கிராம ஊழியன் இதழ்.
நன்றி : அன்பு வணக்கம் இதழ் - மார்ச்சு 2005
நன்றி-தமிழம் வலை

**T.N.Balasubramanian** · **T.N.Balasubramanian** Thu Jan 28, 2021 2:10 pm

ஆத்தூரான் மூட்டை -கவிதை (ந. பிச்சமூர்த்தி) 3838410834

ஆத்தூரான் மூட்டை -கவிதை (ந. பிச்சமூர்த்தி) 103459460

இந்த பதிவைத் துவங்கியவர் நன்றி கூறியுள்ளார் T.N.Balasubramanian

ஆத்தூரான் மூட்டை -கவிதை (ந. பிச்சமூர்த்தி)

ஆத்தூரான் மூட்டை -கவிதை (ந. பிச்சமூர்த்தி)

Re: ஆத்தூரான் மூட்டை -கவிதை (ந. பிச்சமூர்த்தி)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக