சசிகலாவுக்கு கொரோனா தொற்று

**T.N.Balasubramanian** · **T.N.Balasubramanian** Thu Jan 21, 2021 10:12 pm

பெங்களூரு: சசிகலாவுக்கு கொரோனா தொற்று உறுதிபடுத்தப்பட்டு இருப்பதாகமருத்துவர்கள் தெரிவித்துள்ளனர்

சசிகலாவுக்கு கொரோனா தொற்று Tamil_News_large_2694040

இது குறித்து கூறப்படுவதாவது: சொத்துக் குவிப்பு வழக்கில், நான்கு ஆண்டு சிறை தண்டனை விதிக்கப்பட்ட சசிகலா, கர்நாடக மாநிலம், பெங்களூரில் உள்ள, பரப்பன அக்ரஹாரா மத்திய சிறையில் அடைக்கப்பட்டார். தண்டனை காலம் முடிவடைந்து, வரும் 27ல், அவர் விடுதலை செய்யப்பட உள்ளதாக, சிறை நிர்வாகம், சமீபத்தில் அறிவித்தது.
இந்நிலையில், நேற்று முன் தினம், சிறையில் சசிகலாவுக்கு திடீர் மூச்சுத் திணறல் ஏற்பட்டது. இதையடுத்து, பெங்களூரில் உள்ள பவுரிங் அரசு மருத்துவமனையில் அனுமதிக்கப்பட்டார்.
அங்கு, அவருக்கு தீவிர சிகிச்சை அளிக்கப்பட்டது. காய்ச்சல் இருந்ததால், கொரோனா வைரசுக்கான மருத்துவ பரிசோதனைகளும் செய்யப்பட்டன.
எனினும், அவருக்கு கொரோனா தொற்று இல்லை என்பது உறுதிபடுத்தப்பட்டதாக கூறப்பட்டது. அவரது உடல்நிலை சீராக இருப்பதாகவும் தகவல்கள் வெளியாகின.

இந்நிலையில், 'சி.டி., ஸ்கேன்' எடுப்பதற்காக, பவுரிங் மருத்துவமனையில் இருந்து, விக்டோரியா மருத்துவமனைக்கு, சசிகலா நேற்று மாற்றப்பட்டார்.
அவருக்கு நுரையீரல் தொற்று உள்ளதால், தீவிர சிகிச்சை பிரிவில் அனுமதிக்கப்பட்டு, சிகிச்சை அளிக்கப்பட்டு வருவதாகவும், அவரை மருத்துவர்கள் குழு கண்காணித்து வருவதாகவும், மருத்துவமனை நிர்வாகம் வெளியிட்ட அறிக்கையில் கூறப்பட்டுள்ளது.
இது குறித்து மருத்துவ கண்காணிப்பகாளர் ரமேஷ் கண்ணா கூறுகையில்ஆர்டிபி.சிஆர் சோதனையில் சசிகலாவுக்கு கொரோனா தொற்று உறுதிப்படுத்தபட்டுள்ளது என கூறினார்.
இதனைிடையே சசிகலாவுக்கு கொரோனா தொற்று உறுதிபடுத்தப்பட்டிருப்பதால் அவர் விடுதலை ஆகும் தினம் தாமதமாகலாம் என எதிர்பார்க்கப்படுகிறது.

நன்றி தினமலர்.

Guest · Guest Fri Jan 22, 2021 12:54 pm

சின்னம்மா என்னம்மா ஆச்சு?
வெளியே வரும் சமயத்தில் ஒவ்வொரு ஊடகமும் ஒவ்வொரு செய்தி சொல்கிறதே!

தன் வினை தன்னைச் சுடும் என்கிறார்களே!

இந்த பதிவைத் துவங்கியவர் நன்றி கூறியுள்ளார் Guest

**T.N.Balasubramanian** · **T.N.Balasubramanian** Fri Jan 22, 2021 3:29 pm

சக்தி18 wrote:சின்னம்மா என்னம்மா ஆச்சு?
வெளியே வரும் சமயத்தில் ஒவ்வொரு ஊடகமும் ஒவ்வொரு செய்தி சொல்கிறதே!

தன் வினை தன்னைச் சுடும் என்கிறார்களே!

மேற்கோள் செய்த பதிவு: 1339791

வெளி உலகில் நம்முடைய சக்தி (நீங்கள் இல்லை சக்தி) எப்பிடி இருந்தாலும்,
நம் உடலை வியாதிகள் ஆட்கொள்ளும்போது நம் சக்திகள் எல்லாம் காணாமல்
போய்விடுகின்றன.

**Dr.S.Soundarapandian** · **Dr.S.Soundarapandian** Sun Jan 24, 2021 12:22 pm

'சின்னம்மா என்னம்மா ஆச்சு?
வெளியே வரும் சமயத்தில் ஒவ்வொரு ஊடகமும் ஒவ்வொரு செய்தி சொல்கிறதே!

தன் வினை தன்னைச் சுடும் என்கிறார்களே!' -

சக்தி18! நினைத்தேன் சொன்னாய் நூறு வயது!

Sponsored content · Sponsored content

சசிகலாவுக்கு கொரோனா தொற்று

சசிகலாவுக்கு கொரோனா தொற்று

Re: சசிகலாவுக்கு கொரோனா தொற்று

Re: சசிகலாவுக்கு கொரோனா தொற்று

Re: சசிகலாவுக்கு கொரோனா தொற்று

Re: சசிகலாவுக்கு கொரோனா தொற்று

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக