10 வயது சிறியவருடன் திருமணம்: மனம் திறந்த நடிகை

விஜய்யின் தமிழன் படம் மூலம் நடிகையானவர்
உலக அழகிப் பட்டம் வென்ற ப்ரியங்கா சோப்ரா.
பாலிவுட்டின் முன்னணி நடிகையான பிறகு ஹாலிவுட்
சென்றுவிட்டார். தற்போது பாலிவுட் மற்றும் ஹாலிவுட்
படங்களில் கவனம் செலுத்தி வருகிறார்.

ப்ரியா ஹாலிவுட் சென்றபோது தன்னை விட 10 வயது
சிறியவரான அமெரிக்க பாடகர் நிக் ஜோனஸை
காதலித்தார். இரு வீட்டார் சம்மதத்துடன் ஜெய்பூர்
மாளிகையில் இந்து மற்றும் கிறிஸ்தவ முறைப்படி
பிரமாண்டமாக திருமணம் நடந்தது.

திருமணத்திற்கு பிறகு ப்ரியங்கா தன் கணவருடன்
அமெரிக்காவில் வசித்து வருகிறார். ப்ரியங்கா
தன்னை விட வயதில் சின்னவரை திருமணம் செய்து
கொண்டதற்காக சமூக வலைதளங்களில் அவரை
அவ்வப்போது கிண்டல் செய்கிறார்கள்.

10 வருட சவால் பிரபலமானபோது ப்ரியங்கா, நிக்
புகைப்படத்தை வெளியிட்டு சமூக வலைதளவாசிகள்
கிண்டல் செய்தார்கள். அதை பார்த்த திரையுலக
பிரபலங்கள் சிலர் கோபம் அடைந்து சமூக வலை
தளவாசிகளை விளாசினார்கள்.
ஆனால் ப்ரியங்கா இதை எல்லாம் கண்டுகொள்வது
இல்லை.

இந்நிலையில் பேட்டி ஒன்றில் ப்ரியங்கா தன் கணவர்,
கெரியர், குழந்தைகள் பற்றி மனம் திறந்து பேசியுள்ளார்.
அந்த பேட்டியில் ப்ரியங்கா கூறியிருப்பதாவது,

எனக்கும், கணவருக்கும் இடையே இருக்கும் வயது
வித்தியாசத்தால் பிரச்சனையே இல்லை. மேலும் அவர்
அமெரிக்கர், நான் இந்திய பெண் என்பதால் கலாச்சார
வித்தியாசத்திலும் எங்களுக்கு இடையே எந்த
பிரச்சனையும் இல்லை.

பிற தம்பதிகளை போன்று தான் நாங்களும்
ஒருவரையொருவர் புரிந்து கொள்ள முயற்சி செய்கிறோம்.
இதில் எந்த கஷ்டமும் இல்லை. லாக்டவுன் நேரத்தில்
நிக்குடன் நேரம் செலவிட முடிந்தது ஒரு ஆசிர்வாதம்.
எங்களின் கெரியரால் தொடர்ந்து இத்தனை நாட்களாக
சேர்ந்து இருக்க முடியாது.

எனக்கு குழந்தைகள் பெற்றுக் கொள்ளும் ஆசை இருக்கிறது.
முடிந்த அளவுக்கு நிறைய குழந்தைகள் பெற வேண்டும்.
ஒரு கிரிக்கெட் டீம்?. சரியாத் தெரியவில்லை என்றார்.

ப்ரியங்கா சோப்ரா தன் சுயசரிதையான Unfinished
புத்தகத்தை விரைவில் வெளியிடப் போகிறார். அதில் உலக
அழகிப் பட்டம் வென்றது முதல் ஹாலிவுட் சென்றது வரை,
மேலும் தன் வாழ்க்கை பயணம் தொடர்வது பற்றியும்
குறிப்பிட்டுள்ளார்.

நன்றி- தமிழ் சமயம் செய்திகள்