கொரோனா தடுப்பூசி இந்தியாவில் ஜனவரி 16ல் தொடக்கம்:

**ayyasamy ram** · **ayyasamy ram** Sat Jan 09, 2021 6:54 pm

இந்தியாவில் கொரோனா தடுப்பூசி போடும் பணி ஜனவரி 16-ம் தேதி அன்று தொடங்கும் என்று இந்திய அரசு தெரிவித்துள்ளது.

இந்த தகவலை மத்திய அரசின் பத்திரிகை தொடர்பு அலுவலகம் (பிஐபி) தெரிவித்துள்ளது.

தடுப்பூசி போடுவதில் சுகாதாரப் பணியாளர்கள், முன்களப் பணியாளர்களுக்கு முன்னுரிமை வழங்கப்படும். இவர்கள் 3 கோடி பேர் வரை இருப்பார்கள் என்று மதிப்பிடப்பட்டுள்ளது.

அடுத்தபடியாக 50 வயதுக்கு மேற்பட்டவர்களுக்கும், 50 வயதுக்கு கீழே இருந்தாலும் இணை இடர்ப்பாடுகள் உள்ளவர்களுக்கும் தடுப்பூசி போடுவதில் முன்னுரிமை வழங்கப்படும். இந்தப் பிரிவில் 27 கோடி மக்கள் வருவார்கள் என்று இந்திய அரசு மதிப்பிட்டுள்ளது.

கோவிஷீல்டு (ஆக்ஸ்ஃபோர்டு - ஆஸ்ட்ராஜெனீகா), கோவேக்சின் (பாரத் பயோடெக்) ஆகிய தடுப்பூசிகளுக்கு இந்தியாவில் அவசரப் பயன்பாட்டு அனுமதி வழங்கப்பட்டுள்ளது குறிப்பிடத்தக்கது.

கோவிட்-19 சூழ்நிலையையும், தடுப்பூசி போடுவதற்கு மாநிலங்கள், யூனியன் பிரதேசங்கள் எவ்வளவு தூரம் தயார் நிலையில் உள்ளன என்பதையும் ஆராய்வதற்காக பிரதமர் நரேந்திர மோதி தலைமையில் ஒரு உயர்நிலைக் கூட்டம் இன்று சனிக்கிழமை நடைபெற்றது.

மத்திய அமைச்சரவை செயலாளர், பிரதமரின் முதன்மை செயலாளர், சுகாதாரத் துறை செயலாளர் உள்ளிட்ட மூத்த அதிகாரிகள் இந்தக் கூட்டத்தில் கலந்துகொண்டனர்.

கோவிட் -19 தொடர்புடைய பல்வேறு விஷயங்களை பிரதமர் நரேந்திர மோதி விரிவாக இந்தக் கூட்டத்தில் ஆராய்ந்தார் என்கிறது பத்திரிகை தொடர்பு அலுவலகம்.

இந்த ஆய்வுக்குப் பிறகு, வருகிற லோரி, மகர சங்கராந்தி, பொங்கல், மக் பிகு ஆகிய பண்டிகைகள் முடிந்த பிறகு 2021 ஜனவரி 16ம் தேதி தடுப்பூசி போடும் பணியைத் தொடங்குவது என்று முடிவு செய்யப்பட்டது என்கிறது பத்திரிகை தொடர்பு அலுவலகம்.

பிபிசி தமிழ்

**Dr.S.Soundarapandian** · **Dr.S.Soundarapandian** Tue Jan 12, 2021 10:52 am

’இந்தியாவில் கொரோனா தடுப்பூசி போடும் பணி ஜனவரி 16-ம் தேதி அன்று தொடங்கும் என்று இந்திய அரசு தெரிவித்துள்ளது.’
- புதிய அமெரிக்க அதிபர் முதலில் தனக்குப் போட்டுக்கொண்டார்!

கொரோனா தடுப்பூசி இந்தியாவில் ஜனவரி 16ல் தொடக்கம்:

கொரோனா தடுப்பூசி இந்தியாவில் ஜனவரி 16ல் தொடக்கம்:

Re: கொரோனா தடுப்பூசி இந்தியாவில் ஜனவரி 16ல் தொடக்கம்:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக