டிச.,8 பந்த்தில் மக்கள் நீதி மையம் பங்கேற்கும்: கமல் அறிவிப்பு

**ayyasamy ram** · **ayyasamy ram** Mon Dec 07, 2020 8:30 am

-

சென்னை:
வேளாண் சட்டங்களுக்கு எதிர்ப்பு தெரிவித்து, டிச.,8ம் தேதி
விவசாய சங்கங்கள் அழைப்பு விடுத்துள்ள நாடு தழுவிய
பாரத் பந்தில், மக்கள் நீதி மையம் கட்சி பங்கேற்கும் என
அக்கட்சியின் தலைவர் கமல் தெரிவித்துள்ளார்.

மத்திய அரசு கொண்டு வந்துள்ள வேளாண் சட்டத்திற்கு
எதிராக டில்லி ஹரியானா எல்லையில் பஞ்சாபை சேர்ந்த
விவசாயிகள் போராட்டத்தில் ஈடுபட்டுள்ளனர்.

அவர்களுடன் மத்திய அரசு இதுவரை 5 சுற்று பேச்சுவார்த்தை
நடத்தியும் எந்த முடிவும் எடுக்கப்படவில்லை.
மீண்டும் 9ம் தேதி பேச்சுவார்த்தை நடைபெற உள்ளது.
இந்நிலையில் வேளாண் சட்டங்களை திரும்ப பெறக்கோரி
வரும் 8 ம் தேதி விவசாய சங்கத்தினர் , நாடு முழுவதும்
‛பாரத் பந்த்'திற்கு அழைப்பு விடுத்துள்ளனர்.

இதற்கு, இடதுசாரிகள், திமுக , சமாஜ்வாதி , திரிணமுல் காங்கிரஸ்,
ராஷ்டீரிய ஜனதா தளம் கட்சிகள் ஆதரவு தெரிவித்துள்ளன.

இந்நிலையில் மக்கள் நீதி மையம் கட்சியும் பந்தில் பங்கேற்கும்
என அக்கட்சியின் தலைவர் கமல் தெரிவித்துள்ளார். இதுகுறித்து
அவர் தனது டுவிட்டர், பேஸ்புக் பக்கத்தில் பதிவிட்டதாவது:

விவசாயிகள் போராட்டத்தின் ஒருங்கிணைப்புக் குழுவின்
கோரிக்கையை ஏற்று, இந்திய அளவில் பெரும் அதிர்வுகளை
ஏற்படுத்திக் கொண்டிருக்கின்ற விவசாயிகளின் குரலுக்கு கூடுதல்
வலுசேர்க்கும் வகையில், மக்கள் நீதி மையம் டிசம்பர் 8ம் தேதி
நடக்கவிருக்கும் நாடு தழுவிய வேலை நிறுத்தத்தில் பங்கேற்கும்
என பதிவிட்டுள்ளார்.

சிவசேனா பங்கேற்பு:

விவசாயிகளின் பாரத் பந்த்தில், சிவசேனா கட்சியும் பங்கேற்கும்
என அக்கட்சி அறிவித்துள்ளது. இதனை அக்கட்சியின் தலைவர்
சஞ்சய் ராவத் தனது டுவிட்டர் பக்கத்தில் உறுதிபடுத்தி உள்ளார்.

தினமலர்

**T.N.Balasubramanian** · **T.N.Balasubramanian** Mon Dec 07, 2020 6:19 pm

உலக நியதி என்று ஒன்று உண்டு.

உருப்படியாக நேர்மையாக உழைத்தால் ஒரு சிலரே அறியப்படுகிறார்கள். அதுவும் ஊடகங்கள்
ரசிகர் கும்பல் மூலமாக.

அதற்கு எதிர்மாறாக எதற்கெடுத்தாலும் எதிர்மறையாக பேசுவதாலும் /அரசு எந்த காரியம் செய்தாலும் அதற்கு தப்பு என ஒரு மாயையை உண்டாக்கி பேசுவதாலும் தாங்களும் அரசியலில் இருக்கிறோம்
என்று டாம் டாம் அடித்துக்கொள்பவர்களும் உண்டு.

சமீப கால அரசியல்வாதிகள் பலர் உண்டு.
இவர்கள் எல்லாம் தேர்தல் முடிந்ததும் 4 வருடங்கள் கூட்டினுள் நுழைந்து கொள்ளும் நத்தை போன்றவர்கள்.

டிச.,8 பந்த்தில் மக்கள் நீதி மையம் பங்கேற்கும்: கமல் அறிவிப்பு

டிச.,8 பந்த்தில் மக்கள் நீதி மையம் பங்கேற்கும்: கமல் அறிவிப்பு

Re: டிச.,8 பந்த்தில் மக்கள் நீதி மையம் பங்கேற்கும்: கமல் அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக