ரஜினி கட்சியின் தலைமை ஒருங்கிணைப்பாளர்; யார் அந்த அர்ஜுனமூர்த்தி?

-
சென்னை:
ரஜினி துவக்க உள்ள கட்சியின் தலைமை ஒருங்கிணைப்பாளராக
நியமிக்கப்பட்டுள்ள அர்ஜுனமூர்த்தி(60) புதுக்கோட்டையை
சேர்ந்தவர்; தொழில் அதிபர். ஆரம்பத்தில் உணவு பொருட்கள்
வர்த்தகத்தில் ஈடுபட்டார்.

அதன்பின் தகவல் தொழில்நுட்பத் துறை தொடர்பான தொழிலில்
இறங்கினார். மத்திய மாநில அரசுகளின் திட்டங்களுக்கு தொழில்
நுட்ப உதவிகளை வழங்கியுள்ளார்.

மறைந்த முன்னாள் மத்திய அமைச்சர் முரசொலி மாறனின்
அரசியல் ஆலோசகராக இருந்துள்ளார்.
அவரது மறைவுக்கு பின் பா.ஜ.வில் இணைந்தார். தமிழக பா.ஜ.
அறிவுசார் பிரிவு தலைவராக இருந்தார்.

தி.மு.க. தலைவர் ஸ்டாலின் மருமகன் சபரீசனின் மாமா வீட்டில்
சம்பந்தம் செய்தவர். இவரது மனைவி மத்திய அமைச்சர்
நிர்மலா சீதாரமனின் பள்ளித்தோழி.

பா.ஜ. தலைமையுடன் நெருக்கமாக இருந்து வந்தார். தற்போது அவர்
ரஜினியுடன் இணைந்துள்ளார்.

இது குறித்து அர்ஜுனமூர்த்தி கூறுகையில்
''ரஜினி மிகப்பெரிய தலைவர். தமிழகத்தில் மிகப்பெரிய மாற்றத்தை
ஏற்படுத்துவார். அதில் பங்கேற்கும் வாய்ப்பை தந்துள்ளார். மக்கள்
எதிர்பார்க்கும் மாற்றம் ஏற்படப் போகிறது.
அதற்கு பணியாற்றுவது ஆத்ம திருப்தியை கொடுக்கும்'' என்றார்.

பா.ஜ.வில் இருந்து விடுவிப்பு:

பா.ஜ.வில் இருந்து விலகுவதாக கட்சி தலைமைக்கு அர்ஜுனமூர்த்தி
கடிதம் கொடுத்திருந்தார். அதை பா.ஜ. தலைமை ஏற்றது.
'கட்சியின் அனைத்து பொறுப்புகளில் இருந்தும் அடிப்படை உறுப்பினர்
பதவியில் இருந்தும் அவர் நிரந்தரமாக விடுவிக்கப்படுகிறார்.

கட்சி நிர்வாகிகள் மற்றும் தொண்டர்கள் அவரிடம் எவ்வித தொடர்பும்
வைத்துக் கொள்ள வேண்டாம்' என பா.ஜ. பொதுச்செயலர் கரு.நாகராஜன்
தெரிவித்துள்ளார்.

தினமலர்

ரஜினி முதல்வர் வேட்பாளர் இல்லை: தமிழருவி மணியன்
-

செய்தியாளர்களை சந்தித்த தமிழருவி மணியன் கூறியதாவது:

ரஜினியால் மட்டுமே வெளிப்படையான, ஊழல் இல்லாத
நிர்வாகத்தை உருவாக்க முடியும். வார்த்தை தவறாத மனிதர்
ரஜினி.

2021 சட்டசபை தேர்தலில் கட்சி தொடங்கி போட்டியிடுவேன்
என்று 2017ல் சொன்னதை செய்துள்ளார். அவருக்கு வேறு எந்த
அழுத்தங்களும் இல்லை.

ரஜினி முதல்வர் வேட்பாளர் இல்லை.

முதல்வர் வேட்பாளராக இருக்க மாட்டேன் என்பதில் ரஜினி
உறுதியாக உள்ளார். இவ்வாறு அவர் கூறினார்.
-
தினமலர்

கட்சி தொடங்க நல்ல நாள்

பிரபல ஜோதிடர், ரஜினி கட்சி தொடங்குவதற்குரிய
தேதியை குறித்துக் கொடுத்துள்ளதாகத் தகவல் வெளியாகிறது.

ஜனவரி மாதம் 1 ஆம் தேதி தை, ஜனவரி மாதம் 18 ஆம் தேதியும்,
அன்று வளர்பிறை , திங்கட்கிழமை , சஹ்டி, திதி, உத்திரட்டாதி
நட்சத்திரம் என்பதால் மதியம் 12.50 முதல் 1.115 வரை கட்சி
ஆரம்பிப்பதற்கு ஏற்ற நாள் என்று கணித்துக் கொடுத்துள்ளதாகத்
தெரிகிறது.

அதேபோல் தைமாதம் 14 ஆம் தேதி புதன்கிழமை, சதுர்த்தசி திதி,
புனர்பூசம் நட்சத்திரம் , சித்தயோகம் கூடிய மேஷ லக்னம்
என்பதால் காலை 11.10 முதல் 11.35 வரை அவருக்கு மிகவும் ஏற்ற நாள்
என்றும்.

அடுத்து ஜனவரி மாதம் 28 ஆம் தேதி தைப்பூசம் என்பதால் இதுவும்
நல்ல நாள் என்பதால் மேஷலக்னத்தில் கட்சி ஆரம்பிக்க ஏற்ற நாள்
என்று தெரிவித்துள்ளதாகத் தகவல் வெளியாகிறது,
-
தமிழ் வெப்துனியா