இப்போ போறேன், திரும்பி வருவேன்: குட்பை சொன்ன ட்ரம்ப்

**T.N.Balasubramanian** · **T.N.Balasubramanian** Thu Dec 03, 2020 2:06 pm

அடுத்த நான்கு ஆண்டுகள் கழித்து சந்திப்போம் என வெள்ளை மாளிகையில் டொனால்ட் ட்ரம்ப் தெரிவித்துள்ளார்.
டொனால்ட் ட்ரம்ப்
அமெரிக்க அதிபர் தேர்தல் கடந்த மாதம் முடிவடைந்து முடிவுகளும் வெளியாகின. இதில் ஜனநாயக கட்சியின் வேட்பாளர் ஜோ பைடன் வெற்றிபெற்றுள்ளார். துணை அதிபராக கமலா ஹாரிஸ் வெற்றிபெற்றுள்ளார்.
எனினும், தேர்தலில் மிகப்பெரிய முறைகேடு நடந்திருப்பதாக அதிபர் டொனால்ட் ட்ரம்ப் தொடர்ந்து குற்றம்சாட்டி வருகிறார். இதுதொடர்பாக ட்ரம்ப் தரப்பில் பல்வேறு வழக்குகள் தொடுக்கப்பட்டும் அவரது குற்றச்சாட்டுகளை நீதிமன்றங்கள் நிராகரித்துவிட்டன.
ஜோ பைடன் அதிபர் என உறுதிசெய்யப்பட்டுவிட்டால் வெள்ளை மாளிகையை விட்டு வெளியேறுவேன் என டொனால்ட் ட்ரம்ப் தெரிவித்துள்ளார். ஆனால், பைடன் அதிபராக உறுதிசெய்யப்பட வாய்ப்பே இல்லை எனவும் அவர் தெரிவித்துள்ளார்.

சொந்த கட்சியே கண்டுக்கல: கடுப்பில் ட்ரம்ப்

இந்நிலையில், நான்கு ஆண்டுகள் கழித்து மீண்டும் பார்க்கலாம் என வெள்ளை மாளிகையில் டொனால்ட் ட்ரம்ப் தெரிவித்துள்ளார். வெள்ளை மாளிகையில் கிறிஸ்துமஸ் விருந்து நேற்று (டிசம்பர் 1) நடைபெற்றது. இதில் பல்வேறு விருந்தினர்கள் பங்கேற்றனர்.

இந்த விருந்தின்போது பேசிய ட்ரம்ப், “கடந்த நான்கு ஆண்டுகள் சிறப்பாக இருந்தது. மீண்டும் நான்கு ஆண்டுகள் ஆட்சி அமைக்க முயற்சித்து வருகிறோம். முடியாவிட்டால், நான்கு ஆண்டுகள் கழித்து மீண்டும் சந்திக்கிறேன்” என்று தெரிவித்துள்ளார்.

இந்த நிகழ்ச்சியில் ஊடகங்கள் பங்கேற்க அனுமதிக்கப்படவில்லை. ஆனால், ட்ரம்ப் பேசிய வீடியோ வெளியாகி சமூக வலைதளங்களில் வைரலாகியுள்ளது.

நன்றி சமயம்

**T.N.Balasubramanian** · **T.N.Balasubramanian** Thu Dec 03, 2020 2:07 pm

இப்போ போறேன் திரும்பி வருவேன்--வடிவேலு சொல்லற மாதிரி இருக்கு.

Guest · Guest Thu Dec 03, 2020 3:09 pm

ட்ரம்பை உண்டு இல்லை என ஆக்கினவர் CNN வெள்ளைமாளிகை நிருபர் கைட்லான் கொலின்ஸ் ஆவார்.

சமீபத்தில் அவர் தனது ஊடகத்தில் வெளியிட்ட மீம்ஸ்.. ஊடக சந்திப்பு..

இப்போ போறேன், திரும்பி வருவேன்: குட்பை சொன்ன ட்ரம்ப் 36195490-8995371-image-a-12_1606540807572