வலைப்பேச்சு – ரசித்தவை

**ayyasamy ram** · **ayyasamy ram** Wed Dec 02, 2020 6:00 pm

@rparthiepan -
ஊசி வெடி சத்தத்தின் அளவில் இடிச் சத்தம் கேட்டாலும்,
சித்தம் கலங்கி, அலுவலகத்தில் இருந்து வீட்டிற்கு காரிலேயே
ஓடிப் போவேன்.
அடுத்த இடியில் இந்த லோகம் அழிந்துவிட்டால் மனைவி
மக்களுடனே மடிந்துவிடவேண்டும். சாவிலும் பிரிந்திருக்கக்
கூடாது என்ற அறிவு + அர்த்தங்கெட்ட வேகமது.

இன்று நாலு மணிக்கு எழுந்து வாசலில் வந்தமர்ந்தேன்.
நாலா பக்கமும் இடிச் சத்தம். ஒவ்வொருவரும் வெவ்வேறு
நாலா திசையில். எந்த பதற்றமும் இல்லை.என் மகள்
கீர்த்தனாவுடன் குறுஞ்செய்தி பகிர்வு.

காத்திருந்த கன்று ஒன்று கயிற்றிலிருந்து விடுபட்டு, தாயின்
வயிற்றில் முட்டுவது போல என் விரல்கள் தட்ட, அடுத்த
முனையில் கீர்த்தனா.

ஒரு நாயும் மூன்று பூனைகளும் இடிச் சத்தத்தில் பயந்து ஒளிந்து
கொள்வதாக வருந்தினார். (அன்றைய என் நிலையில் இன்று
இன்னொருவர்)
மரக்கிளைகளில் படும் மழைத்துளிகளின் சப்த பின்னணியில்
மனம் + ரணம் இல்லா மரணம் வரை பேசினோம்.

அந்நேரம் முதியவர் குளிர் நடுங்க பால் போட வந்தார்.
பேச்சை நிறுத்தி “டீ குடிச்சிட்டுப் போங்க” என்றேன். குனிந்து
பாக்கட்டை வைக்காமல் (கூன் இருந்ததால்) நின்ற நிலையிலேயே
வைத்தார். ‘‘முடியாத வயசுலேயும் சம்பாதிக்க வேண்டியிருக்கு”;

‘‘ஏன் ஐயா! பசங்க யாருமில்லையா?”

அவர்- “நான் கல்யாணமே பண்ணிக்கலையே!”
-
--------------------------------
குங்குமம்

**ayyasamy ram** · **ayyasamy ram** Wed Dec 02, 2020 6:01 pm

@skpkaruna -
புயலின் கண் 450 கிமீ தொலைவில் இருக்கும்போதே
கரைப்பகுதிகளில் கனமழை எனில், அதன் அருகில்
எப்படி இருக்கும்! ‘புயலில் ஒரு தோணி’ எப்படி எதிர்
கொண்டிருக்கும்! எத்தனை எத்தனை துணிச்சல்மிகு
கடலோடிகள் உயிர் தந்து கடல் வழிப் பாதைகளை
உருவாக்கி இருப்பார்கள்!
மனிதகுலம் வெகுதூரம் பயணித்திருக்கு.

@Vinayaga Murugan -
மெரினா பீச்சில் சுந்தரி அக்கா கடைன்னு ஒண்ணு இருக்கு.
இந்த யூ டியூப்காரனுங்க பேசியே அவங்களை பெரியாள்
ஆக்கிட்டாங்க.

அதுபோல யூ டியூபில் ஆயிரம் மோசடி இருக்கு. கூரைக்
கடைன்னு சொல்றானுங்க. பாட்டி கடைன்னு சொல்றானுங்க.
அன்பான ஆயா கடைன்னு சொல்றாங்க.
போனா நம்ம வாழ்க்கையே வெறுக்கறமாதிரி இருக்கு.

@Krishna Dvaipayana -
இருபது வருடங்கள் முன்பு இதுபோன்று நான்கு
வருடங்களுக்கு ஒரு அதிபயங்கர புயல் தமிழ்நாட்டு
கடற்கரையை அடித்துக்கொண்டிருந்ததா?
இது புவி வெப்ப மயமாதலின் அறிகுறியா
இல்லை ஓர் அரிய நிகழ்வா..?

வலைப்பேச்சு – ரசித்தவை

வலைப்பேச்சு – ரசித்தவை

Re: வலைப்பேச்சு – ரசித்தவை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக