ஐஏஎஸ் அதிகாரி சகாயம் விவகாரம் ! தமிழக அரசுக்கு உயர்நீதிமன்றம் அதிரடி உத்தரவு !!

**ayyasamy ram** · **ayyasamy ram** Mon Nov 30, 2020 5:22 pm

-
ஐஏஎஸ் அதிகாரி சகாயத்திற்கு போலீஸ் பாதுகாப்பு விலகிக் கொள்ள கூடாது
என்றும், அவருக்கு தொடர்ந்து போலீஸ் பாதுகாப்பு வழங்க வேண்டும் என்றும்
தமிழக அரசுக்கு சென்னை உயர்நீதிமன்றம் அதிரடியாக உத்தரவிட்டுள்ளது.

மதுரையில் தனியார் நிறுவனத்திற்கு சொந்தமான பிஆர்பி கிரானைட்
முறைகேடு விவகாரம் தொடர்பாக ஐஏஎஸ் அதிகாரி சகாயம் தலைமையிலான
குழு விசாரித்து வந்தது.

விசாரணையின் முடிவில் பல கோடி ரூபாய் அளவிற்கு கிரானைட் முறைகேடுகள்
நடைபெற்றுள்ளதை அறிக்கையாக தாக்கல் செய்தார். இந்த கிரானைட் முறைகேட்டால்
அரசுக்கு பல கோடி ரூபாய் வருமானம் இழப்பு ஏற்பட்டதாகவும், எனவே, சிபிஐ விசாரணை
நடத்த வேண்டும் என்பன உள்ளிட்ட 212 பரிந்துரைகளை சென்னை உயர்நீதிமன்றத்தில்
ஐஏஎஸ் அதிகாரி சகாயம் சமர்ப்பித்துள்ளார்.

இதனிடையே, கடந்த அக்டோபர் மாதம் விருப்ப ஓய்வு பெறுவதாக தமிழக அரசுக்கு
ஐஏஎஸ் அதிகாரி சகாயம் கடிதம் எழுதியிருந்தார். நேர்மையான அதிகாரியான சகாயம்
ஏன் விருப்ப ஓய்வு கேட்கிறார் என பலரும் கேள்வி மேல் கேள்வி எழுப்பினர்.

மேலும், கிரானைட் முறைகேடுகளை விசாரிக்க தொடங்கியது முதலே அவருக்கு
ஏராளமான மிரட்டல்கள் வந்துள்ளது. இந்நிலையில், ஐஏஎஸ் அதிகாரி சகாயத்திற்கு
வழங்கப்பட்டு வந்த போலீஸ் பாதுகாப்பை திரும்பப் பெற தமிழக அரசு முடிவெடுத்தது.

இது தொடர்பாக நீதிமன்றத்தில் வழக்கு விசாரணை நடைபெற்று வந்தது. அப்போது,
ஐஏஎஸ் அதிகாரி சகாயத்துக்கு வழங்கப்பட்ட காவல்துறை பாதுகாப்பு தொடர வேண்டும்
என்று தமிழக அரசுக்கு சென்னை உயர் நீதிமன்றம் உத்தரவிட்டுள்ளது.

நியூஸ்.டிஎம்

**T.N.Balasubramanian** · **T.N.Balasubramanian** Mon Nov 30, 2020 6:17 pm

கைப்புண்ணுக்கு கண்ணாடி தேவையா?

ஐஏஎஸ் அதிகாரி சகாயம் விவகாரம் ! தமிழக அரசுக்கு உயர்நீதிமன்றம் அதிரடி உத்தரவு !!

ஐஏஎஸ் அதிகாரி சகாயம் விவகாரம் ! தமிழக அரசுக்கு உயர்நீதிமன்றம் அதிரடி உத்தரவு !!

Re: ஐஏஎஸ் அதிகாரி சகாயம் விவகாரம் ! தமிழக அரசுக்கு உயர்நீதிமன்றம் அதிரடி உத்தரவு !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக