கிசுகிசு பற்றி எழுத்தாளர் பிரபஞ்சன்

எழுத்தாளர் சுஜாதா குமுதம் இதழில் பணி புரிந்தவர் என பலர் அறிவர். அதற்கு முன்பு பிரபஞ்சன் அவர்களும் அங்கே பணியில் இருந்தவர்.

நீண்ட இடைவெளிக்கு பிறகு சுஜாதாவும் பிரபஞ்சனும் பேசிக்கொள்ளும் போது, கிசுகிசு பற்றி சுஜாதா பிரபஞ்சனிடம் கேட்டிருக்கிறார்.

கிசுகிசு என்பது உங்கள் காலத்தில் தானே ஆரம்பிக்கப்பட்டது. இதற்கு நீங்கள் தானே காரணம்..?

அதற்கு பிரபஞ்சன் பதில்..

இல்லை.. இது SAP அண்ணாமலை (குமுதம் நிறுவனர்) காலத்திலேயே ஆரம்பிக்கப்பட்டுவிட்டது. அப்போது நான் சின்ன பையன்.. 1961-62 கால கட்டத்தில் முதல் கிசுகிசு குமுதம் இதழில் வெளிவந்திருக்கிறது.

“மன்னர் பெயர் கொண்டவருக்கும் மலரின் சமஸ்கிருதப் பெயர் கொண்டவருக்கும்”… அப்டி அப்டி இருக்கிறது என..

இது ஏவிஎம் ராஜன் மற்றும் புஷ்பலதா குறித்த கிசுகிசு.. (இதற்கு பிறகு புஷ்பலதா குமுதம் ஆசிரியர் வீட்டிற்கு வந்து புலம்பி அழுத சம்பவமும் நடந்திருக்கிறது).

கிசுகிசு வந்த போது உண்மையோ பொய்யோ தெரியவில்லை. ஆனால் சில காலங்களுக்கு பிறகு இருவரும் திருமணம் செய்து கொண்டது தனிக்கதை.

பொதுவாக நிறுவனங்களில் ஃபையர் அலார்ம், ஸ்மோக் டிடெக்டர் போன்ற பாதுகாப்பு உபகரணங்கள் அங்கங்கே பொருத்தப்பட்டிருக்கும்.



நெருப்பு வரும் வரை காத்திருக்காமல், புகை வந்த உடன் கண்டுபிடித்து நம்மை உஷார்படுத்தும் உபகரணம் ஸ்மோக் டிடெக்டர்.

பிரபலங்களின் ரசிகர்களையும் அரசியல்வாதிகளின் அடிபொடிகளையும் கிசுகிசுவில் சிக்கியவர்களின் குடும்பத்தையும் நெருப்பு வரும் முன் உஷார்படுத்தும் ஸ்மோக் டிடெக்டர் தான் இந்த “கிசு.. கிசு…”

நன்றி- ‘கோரா’ தமிழ்