கர்நாடகாவை நோக்கி நகரும் நிவர் புயல்: வலுவிழந்ததால் மழை குறைகிறது

**ayyasamy ram** · **ayyasamy ram** Thu Nov 26, 2020 12:58 pm

26 Nov 2020 10:42 am

நிவர் புயல் புதுவைக்கு வடக்கே நேற்று
இரவு 11.30 மணி அளவில் கரையைக் கடக்கத் தொடங்கியது.
புதுச்சேரிக்கு வடக்கே இரவு 11.30 மணி முதல் இன்று
அதிகாலை 2.30 வரை நிவர் புயல் முழுவதுமாக கரையை
கடந்துவிட்டது.

இதனை தொடர்ந்து, நிவர் புயல் வடமேற்கு திசையை
நோக்கி நகர்ந்து சென்றது. நிவர் தீவிரப் புயல் கரையைக்
கடந்த நிலையில் புதுவை மற்றும் கடலூர் பகுதிகளில்
கனமழை பெய்து வருகிறது.

நேற்று காலை 8.30 மணி முதல் இரவு 10.30 மணிக்குள்
கடலூரில் 22 செ.மீ மழை பெய்துள்ளது. புதுச்சேரியில்
18.7 செ.மீ மழையும், காரைக்காலில் 8.4 செ.மீ மழையும்,
சென்னையில் 8.9 செ.மீ மழையும், நாகையில் 6.2 செ.மீ
மழையும் பெய்துள்ளது.

தீவிர புயலாக வலுவிழந்த நிவர் புயல் கரையை கடந்துள்ளது.
பின்னர் அதுமேலும் வலுவிழந்தது. சூறவாளியாக மாறி
வடக்கு மற்றும் வடமேற்கு திசையை நோக்கி நகர்ந்து
சென்றதாக இந்திய வானிலை ஆய்வு மையம் தெரிவித்துள்ளது.

கரையை கடந்த போது 120 முதல் 135 கிலோ மீட்டர் வேகம்
இருந்த நிலையில் அதன் வேகம் பின்னர் 100 கிலோ மீட்டர்
என்ற அளவில் குறைந்தது.

புயலின் வேகம் குறைந்தாலும் அது செல்லும் வழியில் தொடர்ந்து
மழை பெய்து வருகிறது. சில இடங்களில் கனமழை முதல் தீவிர
கனமழை பெய்து வருகிறது.

இதுகுறித்து இந்திய வானிலை ஆய்வு மையம் தெரிவித்துள்ளதாவது:

‘‘நிவர் புயல் கரையை கடந்த பிறகு வலுவிழந்துள்ளது.
அது மேலும் வலுவிழக்கும். கர்நாடகாவை நோக்கி நகர்ந்து
வருகிறது. புயலின் தாக்கத்தால் வங்ககடல் தொடர்ந்து அலையின்
வேகம் அதிகமாக இருக்கும்.

காற்றும் தொடர்ந்து வீசக்கூடும். இதனால் வட தமிழகத்தில்
மீனவர்கள் மீன் பிடிக்கச் செல்ல வேண்டாம். வட தமிழகத்தில்
பரவலாக மழை பெய்யும். சென்னையில் சற்று மழை பெய்யக்கூடும்.’’
எனத் தெரிவித்துள்ளது.

இந்து தமிழ் திசை

**krishnaamma** · **krishnaamma** Thu Nov 26, 2020 9:01 pm

ஆமாம், இங்கு காலை முதல் மழை விடாமல் பெய்து கொண்டே இருக்கிறது... ஆனால் வலுவாக இல்லை... தூறிக் கொண்டே இருக்கிறது.... புன்னகை

**T.N.Balasubramanian** · **T.N.Balasubramanian** Fri Nov 27, 2020 12:18 pm

krishnaamma wrote:ஆமாம், இங்கு காலை முதல் மழை விடாமல் பெய்து கொண்டே இருக்கிறது... ஆனால் வலுவாக இல்லை... தூறிக் கொண்டே இருக்கிறது....

மேற்கோள் செய்த பதிவு: 1336167

குளிர் அதிகம் இருப்பதாக தகவல். அப்பிடியா ?

Sponsored content · Sponsored content

கர்நாடகாவை நோக்கி நகரும் நிவர் புயல்: வலுவிழந்ததால் மழை குறைகிறது

கர்நாடகாவை நோக்கி நகரும் நிவர் புயல்: வலுவிழந்ததால் மழை குறைகிறது

Re: கர்நாடகாவை நோக்கி நகரும் நிவர் புயல்: வலுவிழந்ததால் மழை குறைகிறது

Re: கர்நாடகாவை நோக்கி நகரும் நிவர் புயல்: வலுவிழந்ததால் மழை குறைகிறது

Re: கர்நாடகாவை நோக்கி நகரும் நிவர் புயல்: வலுவிழந்ததால் மழை குறைகிறது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக