சினி செய்திகள் -வாரமலர்

**ayyasamy ram** · **ayyasamy ram** Tue 24 Nov 2020 - 16:22

சிம்புவின், மறைமுக சவால்!
-
சினி செய்திகள் -வாரமலர் Simbu-4

-
‘இனிமேல், படத்துக்குப் படம், என்னை மாறுபட்ட
சிம்புவாக பார்க்கலாம்…’ என்று, தன் ரசிகர்களுக்கு,
உத்தரவாதம் கொடுத்துள்ளார், சிம்பு.

அதன் காரணமாக, தற்போது, ஈஸ்வரன் படத்திற்காக,
20 கிலோ எடை குறைத்து, தன், ‘கெட் – அப்’பை மாற்றி
நடித்து வருபவர், வெண்ணிலா கபடிக்குழு பட
நாயகியான, சரண்யா மோகனிடம், பரத நாட்டியமும்
கற்று வருகிறார்.

இதையடுத்து, ‘கூடிய சீக்கிரமே, ‘கோலிவுட்,
‘ஹீரோ’களில், பரத நாட்டியத்தில் சிம்புவை அடிச்சுக்க
ஆளில்லை…’ என்று சொல்லும் வகையில், ஒரு படத்தில்,
பரத நாட்டியமாடி கலக்கப் போகிறேன்…’ என்று சொல்லி,
நடனத்துக்கு பெயர் பெற்ற, சில நடிகர்களுக்கு, மறைமுக
சவால் விடும் வகையில், ‘தில்’லாக பேசி வருகிறார், சிம்பு.

— சினிமா பொன்னையா
வாரமலர்

**ayyasamy ram** · **ayyasamy ram** Tue 24 Nov 2020 - 16:23

ஆண்ட்ரியாவை அதிர வைத்த, வாணி போஜன்!
-
சினி செய்திகள் -வாரமலர் 202003110434376283_Think-of-talking-to-Vani-Bhojan-the-heroine-of-the-movie-Oh_SECVPF

-
‘சீரியல்’ நடிகையரைக் கண்டு, சினிமா நடிகையர் பயப்படும்
காலமாகி விட்டது. அந்த அளவுக்கு, சின்னத்திரையில் இருந்து
சினிமாவுக்கு வந்துள்ள, பிரியா பவானி சங்கர் மற்றும்
வாணி போஜன் போன்ற நடிகையர், கோலிவுட்டில் தொடை
தட்டி திரிகின்றனர்.

அதிலும், ‘நான் தான் ஜூனியர் நயன்தாரா…’ என்று,
‘பில்ட் – அப்’ கொடுத்து வரும், வாணிபோஜன், கோலிவுட்டில்
எந்நேரமும் அரைக்கால் சட்டையுடன் திரிபவர்,
‘ஆண்ட்ரியா போன்ற, ‘மிட்நைட்’ மசாலா நடிகையரையே,
அதிர வைக்கப் போகிறேன்…’ என்று, தற்போது ஒரு மிரட்டலான,
ஆபாச, ‘ஆல்பத்’தை வெளியிட்டுள்ளார்.

ஆனான ஆளெல்லாம் தானானம் போடுறபோது,
கோணல் கொம்பு மாடு கொம்பைக் கொம்பை
அசைக்கிறது!

— எலீசா

**ayyasamy ram** · **ayyasamy ram** Tue 24 Nov 2020 - 16:24

இளவட்ட நடிகையரை வெறுப்பேற்றும், நதியா!
-
சினி செய்திகள் -வாரமலர் 201805241505116955_Nathiya-opens-about-her-Young-look-secret_SECVPF

-
கடந்த, 1980 – 90களில், முன்னணி நடிகையாக வலம் வந்த,
நதியா, திருமணத்திற்கு பிறகு, இளமையான அம்மாவாகவும்,
முக்கிய கதாபாத்திரங்களிலும் நடித்து வருகிறார்.

இப்போது, 50 வயதாகும் நிலையிலும், 20 வயது பெண்ணை
போலவே இளமையாக காணப்படுகிறார். இதனால், அவர்
படப்பிடிப்பு தளங்களுக்கு வந்தாலே, ‘இளமையை எப்படி
பராமரிக்க வேண்டும் என்ற ரகசியத்தை, நதியாவிடம்
கேட்டு தெரிஞ்சிக்கோங்க. உங்க அம்மா வயசு அவங்களுக்கு.
ஆனா, அவங்களுக்கு அம்மா மாதிரி நீங்களும், உங்களுக்கு
மகள் மாதிரி அவங்களும் இருக்காங்க…’ என்று,
அழகை சரியாக பராமரிக்காத சில இளவட்ட நடிகையரிடம்
சொல்லி வெறுப்பேற்றுகின்றனர், இயக்குனர்கள்.

ஆட லோகத்து அமுதத்தை ஈக்கள் மொய்த்துக் கொண்டது
போல!

— எலீசா

**heezulia** · **heezulia** Tue 24 Nov 2020 - 18:40

24.11.2020

@ayyasamy ram

ஈஸ்வரன் படத்துக்காக பரதநாட்டியம் கத்துக்கல. சொந்த விருப்பத்தின் பேர்ல கத்துகிறதா சிம்பு சொல்லியிருக்காராம். பரதநாட்டியம் கத்துக்க ஆசையாம்.

அவருக்கு பரதநாட்டியம் கத்துக்கொடுக்கும் சரண்யா மோகன், வேலாயுதம் படத்ல விஜய்க்கு தங்கச்சியா நடிச்சவர்தான். தனுஷ் நடிச்ச யாரடி நீ மோகினி படத்ல நடிச்சிருக்கார்.

சிம்பு ஒல்லியாவுறதுக்கு ஜிம்முக்கு மட்டும் போகல. நீச்சல் அடிக்கிறார், கூடைப்பந்து, டென்னிஸ் விளையாட்றார்.

பேபி

**ayyasamy ram** · **ayyasamy ram** Tue 24 Nov 2020 - 19:02

சினி செய்திகள் -வாரமலர் Febd90b3bdd38ecdfb6714c3bbbc0b21d6bf6c1dc76a24900688856eb73b5866

-
சிலம்பரசன் திரைப்படத்திற்காக 30 கிலோ வரை
எடையைக் குறைத்து ஸ்லிம்மாக இருக்கிறார்.
அவரை அருகில் பார்க்கும் பொழுது டைம் மிஷினில்
ட்ராவல் ஆகி பழைய சிம்புவை கண்முன் கொண்டு
நிறுத்துவது போல் இருக்கின்றது என ரசிகர்கள்
புகழாரம் சூட்டி வருகின்றனர்.
-
சினிமா எக்ஸ்பிரஸ்

**heezulia** · **heezulia** Tue 24 Nov 2020 - 19:40

24.11.2020

@ayyasamy ram

போன பெப்ருவரி காதலர் தின வெளியீடாக ஓ மை கடவுளே படத்ல ஒரு முக்கியமான ரோல்ல நடிச்சிருக்கார். ஆகஸ்ட்ல ரிலீஸ் ஆன லாக்கப் படத்ல நடிச்சிருக்கார்.

இப்போ உள்ள நிலைல, படங்கள் ரிலீஸ் ஆகுமா இல்லையான்னு இருக்கு. நடிகர் ஜெய் கூட வெப் சீரீஸ் ல நடிச்சிட்டிருக்கார். அதர்வா கூட 'தாழ் திறவாய்' படமும், சூர்யாவின் தயாரிப்புல ரெண்டு படமும் கைவசம் இருக்கு. பேர் வைக்காத படங்கள், விக்ரம் ப்ரபு கூட 'பாயும் ஒளி நீ எனக்கு' னு கிட்டத்தட்ட அஞ்சாறு படங்கள் இருக்கு.

கல்யாணம் ஆகி, பிள்ளை பெற்ற பிறகும் கூட இப்டி சினிமால முன்னணி நடிகையாக வரலாம்னு படுபிஸியா வலம் வர்றாரே, சும்மாவா? இதனால பல நடிகைகளுக்கு வைத்தெரிச்சலாம்.

பேபி

**heezulia** · **heezulia** Tue 24 Nov 2020 - 20:06

24.11.2020

@ayyasamy ram

நதியா இப்பவும் இளமையுடனும், உற்சாகத்தோடும் இருக்கிறத பற்றி அவர்ட்ட கேட்டாங்களாம். அவர் இப்டி சொல்லியிருக்கார்.
"இது என்னோட பெற்றோர்களின் மரபணுல இருந்து வந்திருக்கலாம். நா எதுலயும் ஒரு ஒழுங்கை கடைபிடிப்பேன். எக்ஸசைஸ், சரியான நேரத்ல சாப்ட்றது, தூங்குறது, எல்லோர்ட்டயும் நேர்மறையா இருப்பது இதுதான் காரணம். நேர்மறையான எண்ணங்கள் ஒருத்தர இளமையாக வச்சிருக்கும்"

நதியா ஜிமிக்கி, நதியா வளையல், நதியா கொண்டை, நதியா கம்மல் இதையெல்லாம் மறக்க முடியுமா?

பேபி

Sponsored content · Sponsored content

சினி செய்திகள் -வாரமலர்

சினி செய்திகள் -வாரமலர்

Re: சினி செய்திகள் -வாரமலர்

Re: சினி செய்திகள் -வாரமலர்

Re: சினி செய்திகள் -வாரமலர்

Re: சினி செய்திகள் -வாரமலர்

Re: சினி செய்திகள் -வாரமலர்

Re: சினி செய்திகள் -வாரமலர்

Re: சினி செய்திகள் -வாரமலர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக