5.84 லட்சம் அகல் விளக்குகள்: கின்னஸ் சாதனை படைத்த அயோத்தி!

**ayyasamy ram** · **ayyasamy ram** Sat Nov 14, 2020 5:48 am

-
தீபாவளி கொண்டாட்டங்கள் உலகம் முழுவதும்
தொடங்கியுள்ளன. உத்தரப் பிரதேச மாநிலம்
அயோத்தியில் அம்மாநில முதல்வர் யோகி
ஆதித்யநாத் மற்றும் ஆளுநர் ஆனந்திபென் படேல்
முன்னிலையில் தீபாவளி கொண்டாட்டம்
நடைபெற்றது.

இதில், அயோத்தியில் உள்ள சரயு நதிக்கரையில்
5,84,572 அகல் விளக்குகள் ஏற்றப்பட்டு கின்னஸ்
சாதனை படைக்கப்பட்டுள்ளது. இதுமட்டுமல்லாமல்,
இந்த நிகழ்வின்போது பல்வேறு வளர்ச்சித்
திட்டங்களும் அறிமுகப்படுத்தப்பட்டன.

இந்நிகழ்வின்போது பேசிய உ.பி முதல்வர்
யோகி ஆதித்யநாத், “இந்த தலைமுறையினர் ராமர்
கோயில் கட்டுவதை பார்க்கும் வாய்ப்பு மட்டுமல்லாமல்
இன்று நடைபெற்ற வரலாற்று சிறப்புமிக்க நிகழ்வை
பார்க்கவும் வாய்ப்பு கிடைத்திருக்கிறது.

ராமர் கோயில் கட்டும் கனவில் கடந்த 500 ஆண்டுகளில்
ஏராளமான துறவிகள் உயிரிழந்துள்ளனர்.
ராம ராஜ்ஜியத்தை கொண்டுவர நடவடிக்கை எடுத்த
பிரதமர் மோடிக்கு நன்றி தெரிவித்துக்கொள்கிறேன்.

கொரோனா பாதுகாப்பு வழிமுறைகளை கடைப்பிடித்தே
இந்த தீப உட்சவத்தை கொண்டாடி இருக்கிறோம்.

ராமர் கோயில் கட்டுமானத்தின்போதும் இதேபோல
பாதுகாப்பு விதிமுறைகளை கடைப்பிடிக்க வேண்டும்”
என்று கூறினார். உ.பி ஆளுநர் ஆனந்திபென் படேல் பேசிய
போது, “ராமரும், ராமராஜ்ஜியமும் இந்திய கலாச்சாரத்தில்
இருந்து பிரிக்க முடியாத பகுதிகள். கொரோனாவுக்கு
எதிரான போராட்டத்தில் மக்கள் அலட்சியமாக இருக்கக்
கூடாது” என்று அறிவுறுத்தினார்.

இந்நிகழ்ச்சியில் துணை முதல்வர்
கேசவ் பிரசாத் மவுரியா, உ.பி பாஜக தலைவர் ஸ்வதந்தர
தேவ் சிங், அமைச்சர்கள், துறவிகள் உள்பட ஏராளமானோர்
பங்கேற்றனர்.

தமிழ் சமயம் செய்திகள்

5.84 லட்சம் அகல் விளக்குகள்: கின்னஸ் சாதனை படைத்த அயோத்தி!

5.84 லட்சம் அகல் விளக்குகள்: கின்னஸ் சாதனை படைத்த அயோத்தி!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக