தேஜஸ்வி ஆட்சி அமைக்க முடியாதது ஏன்?

**ayyasamy ram** · **ayyasamy ram** Thu Nov 12, 2020 7:21 am

-
பாட்னா: பீஹாரில் தனிப்பெருங்கட்சியாக ராஷ்ட்ரீய ஜனதா தளம்(ஆர்.ஜே.டி.,) உருவெடுத்தாலும், அக்கட்சி கூட்டணியால் மாநிலத்தில் ஆட்சியை பிடிக்க முடியவில்லை.

இதற்கு, காங்கிரசுக்கு 70 தொகுதிகளை ஒதுக்கப்பட்டதே காரணம் எனவும், அக்கட்சிக்கு கூடுதல் தொகுதிகளை ஒதுக்கி தேஜஸ்வி தவறு செய்துவிட்டதாக ஆர்.ஜே.டி., நிர்வாகிகள் முணுமுணுக்கின்றனர். 70 தொகுதிகளில் போட்டியிட்டாலும் காங்கிரஸ் 19 தொகுதிகளில் மட்டுமே வெற்றி பெற முடிந்தது. கடந்த 2015ம் ஆண்டு நடந்த தேர்தலில் அக்கட்சி 27 இடங்களில் வெற்றி பெற்றிருந்தது.

அரசியல் நோக்கர்கள் கூறுகையில், இந்த தேர்தலில், காங்கிரஸ் செயல்பாடுகள் சரியில்லை. முக்கியமாக, பா.ஜ.,,வுக்கு எதிராக போட்டியிட்ட தொகுதிகளில் அக்கட்சி வெற்றி பெற முடியாமல், மகாகட்பந்தன் கூட்டணிக்கு பலவீனத்தை ஏற்படுத்திவிட்டது. இடதுசாரிகள் கூட சிறப்பாக பணியாற்றினர். ஆனால், காங்கிரஸ் அவ்வாறு செய்யவில்லை. அக்கட்சி இன்னும் கடினமாக உழைத்திருந்தால், கூட்டணிக்கு பெரும்பான்மை கிடைத்திருக்கும். இந்த தேர்தலில் பெரிய அளவில் தோல்வியை சந்தித்தது காங்கிரஸ்தான். 17 இடங்களில் மட்டும் வெற்றி பெற்று 9.48 சதவீத ஓட்டுகளை பெற்றுள்ளது என தெரிவித்தனர்.

**ayyasamy ram** · **ayyasamy ram** Thu Nov 12, 2020 7:23 am

ஓவைசி ஏற்படுத்திய பாதிப்பு

காங்கிரஸ் தோல்வி ஒரு புறமிருக்க, இஸ்லாமியர்கள் அதிகம் வசிக்கும், பீஹாரில் சீமாஞ்சல் பகுதிகளான கோசதமன், கிஷன்கஞ்ச், அமூர், பகதுர்கன்ஜ், பைசி, தாகூர்கஞ்ச், ஜோகிகட் தொகுதிகளில், அசாதுதீன் ஓவைசியின் ஏஐஎம்ஐஎம் கட்சி 5 தொகுதிகளில் வெற்றி பெற்றது. இதுவும், மகா கூட்டணிக்கு பின்னடைவை ஏற்படுத்தியது.

தேஜஸ்வி ஆட்சி அமைக்க முடியாதது ஏன்? Gallerye_152323333_2650419

தேஜஸ்வி ஆட்சி அமைக்க முடியாதது ஏன்? Gallerye_152323333_2650419

ஓவைசி, தனது பிரசாரங்களில் ஆர்ஜேடி - காங்கிரஸ்
கூட்டணியை கடுமையாக விமர்சித்தார். இந்த பகுதியை,
காங்கிரஸ் , ஆர்ஜேடி ஆட்சியில் நீண்ட காலமாக
புறக்கணிக்கப்பட்டதாக குற்றம்சாட்டிய அவர், என்ஆர்சி-
சிஏஏ விவகாரங்கள் குறித்தும் பேசினார்.

இதனால், எதிர்க்கட்சிகளுக்கு கிடைக்க வேண்டிய ஓட்டுகள்
கிடைக்கவில்லை.

ஆனால், பீஹாரில் உள்ள ஓவைசியின் அரசியல் எதிர்ப்பாளர்கள்,
ஏஐஎம்ஐஎம் கட்சி, பா.ஜ.,வின் மாற்று அணி என விமர்சனம்
செய்தனர்.

காங்கிரஸ் நிர்வாகி கூறுகையில், மகா கூட்டணி வலுவாக
இருந்த சீமாஞ்சல் பகுதியில், தேசிய ஜனநாயக கூட்டணிக்கு
பெரிய அளவில் ஓவைசி உதவியுள்ளார்.

அவரால், மகா கூட்டணிக்கு பாதிப்பு ஏற்பட்டது என தெரிவித்தார்.
ஆர்ஜேடி நிர்வாகியும் இதனை உறுதிப்படுத்தினார்.

ஏஐஎம்ஐஎம் கட்சி போட்டியிட்ட தொகுதிகளில், அக்கட்சியால்
மகா கூட்டணிக்கு பெரிய பாதிப்பு ஏற்பட்டுள்ளது ஓட்டு
எண்ணிக்கை முடிவில் தெரியவந்துள்ளது.

தினமலர்

தேஜஸ்வி ஆட்சி அமைக்க முடியாதது ஏன்?

தேஜஸ்வி ஆட்சி அமைக்க முடியாதது ஏன்?

Re: தேஜஸ்வி ஆட்சி அமைக்க முடியாதது ஏன்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக