அமெரிக்காவில் ராக்கெட் வேகத்தில் கொரோனா பாதிப்பு- சமாளிக்க புதிய சிகிச்சை அறிமுகம்

**ayyasamy ram** · **ayyasamy ram** Thu Nov 12, 2020 7:13 am

வாஷிங்டன்:
அமெரிக்காவில் கொரோனா தொற்றால் மருத்துவ
மனைகளில் சிகிச்சை பெறுவோர் எண்ணிக்கை
இதுவரையில்லாத அளவுக்கு 60 ஆயிரத்தை
தாண்டியுள்ளது. ஆபத்தில் இருப்பவர்களை பிழைக்க
வைக்க மோனோக்ளோனல் ஆன்டிபாடி சிகிச்சை
எனும் புதிய சிகிச்சை அளிக்கப்படுகிறது.

அமெரிக்காவில் அதிபர் தேர்தல் ஓய்ந்துள்ள நிலையில்
கொரோனா தொற்று பாதிப்பு ராக்கெட் வேகத்தில்
உயர தொடங்கியுள்ளது.

செவ்வாயன்று 2 லட்சம் பேரிடம் நோய் தொற்று
கண்டறியப்பட்டுள்ளது. நாடு முழுவதும் மருத்துவமனையில்
அனுமதிக்கப்பட்டுள்ளோர் எண்ணிக்கை முதல் முறையாக
60 ஆயிரத்தை கடந்துள்ளது.

இந்நிலை தொடர்ந்தால் மருத்துவமனைகள் நிரம்பி வழியும்
என சுகாதார நிபுணர்கள் எச்சரிக்கின்றனர்.
மருத்துவமனைகளில் அனுமதிக்கப்படுவோரில் பலர்
இறக்கின்றனர்.

கடந்த வாரம் ஐந்து நாட்கள் தினசரி 1,000-க்கும் மேற்பட்டோர்
உயிரிழந்தனர். நேற்று (நவ., 10) மட்டும் 1,300-க்கும்
அதிகமானோர் இறந்தனர்.

நிலைமையை உணர்ந்து மக்கள் மிகுந்த கவனமுடன்
இருக்கும் படி கெஞ்சி கேட்டுக்கொள்வதாக தேசிய
தொற்றுநோயியல் நிறுவனத்தின் இயக்குனர்
அந்தோனி பாசி கூறியுள்ளார்.

மேலும் அவர் தெரிவித்திருப்பதாவது:

ஏறக்குறைய அனைத்து மாநிலங்களிலும் பாதிப்பு உயர்ந்த
வண்ணம் உள்ளது.

மருத்துவமனைகளில் அனுமதிக்கப்படும் நோயாளிகள்
எண்ணிக்கை சில இடங்களில் புதிய உச்சம் தொட்டுள்ளன.
மேலும் நிலைமை மோசமடையக் கூடும். தடுப்பூசிகள் மூலம்
விரைவில் உதவி வரும்.

டிசம்பர் மாத தொடக்கத்தில் அவை விநியோகிக்கப்படலாம்.
ஏப்ரலுக்குள் பெரும்பாலான அமெரிக்கர்களுக்கு தடுப்பூசி
கிடைக்கும். இவ்வாறு கூறியுள்ளார்.

**ayyasamy ram** · **ayyasamy ram** Thu Nov 12, 2020 7:14 am

புதிய ஆன்டிபாடி சிகிச்சை அறிமுகம்

ஆபத்தான நிலையில் இருப்பவர்களுக்கு புதிய
ஆன்டிபாடி சிகிச்சையை இந்த வாரம் முதல்
அமெரிக்கா தொடங்கியுள்ளது.

மோனோக்ளோனல் ஆன்டிபாடி சிகிச்சை என்று அது
அழைக்கப்படுகிறது. மோனோக்ளோனல் ஆன்டிபாடிகள்
ஆய்வகத்தால் உருவாக்கப்பட்ட புரதங்கள்.

அவை வைரஸ்கள் போன்ற தீங்கு விளைவிக்கும்
ஆன்டிஜென்களை எதிர்த்துப் போராடும்.
இவை இலவசமாக வழங்கப்படும்
என அமெரிக்க சுகாதார செயலாளர் அலெக்ஸ் அசார்
அறிவித்துள்ளார்.

தினமலர்

அமெரிக்காவில் ராக்கெட் வேகத்தில் கொரோனா பாதிப்பு- சமாளிக்க புதிய சிகிச்சை அறிமுகம்

அமெரிக்காவில் ராக்கெட் வேகத்தில் கொரோனா பாதிப்பு- சமாளிக்க புதிய சிகிச்சை அறிமுகம்

Re: அமெரிக்காவில் ராக்கெட் வேகத்தில் கொரோனா பாதிப்பு- சமாளிக்க புதிய சிகிச்சை அறிமுகம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக