நீதிமன்ற தடியடி : கருணா‌நி‌தி மீது ‌நடவடிக்கை கோரி மனுதாக்கல்

சென்னை (ஏஜென்சி), வியாழக்கிழமை, 2 ஏப்ரல் 2009 ( 16:59 IST )

உய‌ர்‌ ‌‌நீ‌திம‌ன்ற உத்தரவுப்படி வழ‌க்க‌றிஞ‌ர்க‌ள் மீது தடியடி நடத்திய 2 காவ‌ல்துறை அ‌திகா‌ரிக‌ள் ‌மீது நடவடி‌க்கை எடு‌க்காத முதலமைச்சர் கருணாநிதி மீது ‌நீ‌திம‌ன்ற அவமதிப்பு நடவடிக்கை எடுக்க வேண்டும் என்று சென்னை உய‌ர் ‌‌நீ‌திம‌ன்ற‌த்த‌ி‌ல் வழ‌க்க‌றிஞ‌ர் ஒருவ‌ர் மனுதாக்கல் செய்துள்ளார்.

இது தொடர்பாக சென்னையை சேர்ந்த வழ‌க்க‌றிஞ‌ர் சிங்காரவேலன், சென்னை உய‌ர் ‌நீ‌திம‌ன்ற‌த்‌தி‌ல் தாக்கல் செய்த மனுவில் கூறியிருப்பதாவது :

கடந்த பிப்ரவரி மாதம் 19 ‌ம் தேதி வழக்கில் ஆஜராகுவதற்காக உய‌ர்‌ ‌நீ‌திம‌ன்ற வளாகத்திற்குள் உள்ள சுமால் காசஸ் ‌நீ‌திம‌ன்ற நூலகத்தில் காத்திருந்தேன்.

கூடுதல் காவ‌ல்துறை ஆணையர் விஸ்வநாதன், இணை ஆணைய‌ர் ராமசுப்பிரமணி உத்தரவின்பேரில், காவ‌ல்துறை‌யின‌ர் வழ‌க்க‌றிஞ‌ர்கள் மீது தாக்குதலை நடத்தினார்கள்.இதில் நானும் தாக்கப்பட்டு காயம் அடைந்தேன்.

இந்த சம்பவம் தொடர்பாக உய‌ர் ‌நீ‌திம‌ன்றமே தானாக முன்வந்து பொதுநல வழக்கை மேற்கொண்டது. இந்த வழக்கு கடந்த மாதம் 18ஆ‌ம் தேதி மீண்டும் விசாரணைக்கு வந்தது. அ‌ப்போது காவ‌ல்துறை அ‌திகா‌ரிக‌ள் இர‌ண்டு பேரை த‌ற்க‌ா‌லிக ப‌ணி ‌நீ‌க்க‌ம் செய்ய வேண்டும் என்று உய‌ர் ‌நீ‌திம‌ன்ற‌ம் உத்தரவிட்டது.

உய‌ர் ‌நீ‌திம‌ன்ற‌ம் உத்தரவை பிறப்பித்தால், அதை கடைப்பிடிப்போம் என்று முதலமைச்சர் கருணாநிதி அறிக்கை வெளியிட்டார். ஆனால், அவர் வழங்கிய இந்த உத்தரவாதத்தை அமல்படுத்தவில்லை.இதுவரை 2 உயர் காவ‌ல்துறை அதிகாரிகளையும் த‌ற்கா‌லிக ப‌ணி ‌நீ‌க்க‌ம் செய்யவில்லை.

உய‌ர் ‌நீ‌திம‌ன்ற‌ம் வழங்கிய உத்தரவுக்கு, உ‌ச்ச ‌நீ‌திம‌ன்றமு‌ம் இடைக்கால தடை விதிக்கவில்லை. ஆகவே, உய‌ர் ‌நீ‌திம‌ன்ற உத்தரவை அமல்படுத்தாததால், தலைமை செயலர் ஸ்ரீபதி, உள்துறை செயலர் எஸ்.மாலதி, முதலமைச்சர் கருணாநிதி ஆகியோர் மீது ‌நீ‌திம‌ன்ற அவமதிப்பு நடவடிக்கையை மேற்கொள்ள வேண்டும்.

இவ்வாறு அந்த மனுவில் கூறப்பட்டுள்ளது.

இந்த மனு விரைவில் விசாரணைக்கு வரு‌கிறது.

(மூலம் - வெப்துனியா)