70 வயது தமிழக முதியவருக்கு சுப்ரீம் கோர்ட்டு நூதன அறிவுரை

புதுடெல்லி, ஜன. 11- கற்பழிப்பு வழக்கில் ஜெயில் தண்டனை பெற்ற 70 வயதான தமிழக முதியவருக்கு, சுப்ரீம் கோர்ட்டு நீதிபதிகள் நூதன அறிவுரை வழங்கினார்கள்.

தமிழ்நாட்டில் திருநெல்வேலி மாவட்டத்தில் ஒரு கிராமத்தை சேர்ந்தவர், கைகொண்டான். 70 வயதான அவர், 60 வயது பெண்ணை பலவந்தப்படுத்தி தனது குடிசைக்கு இழுத்துச்சென்று கற்பழித்தார். கடந்த 1999-ம் ஆண்டில் நடைபெற்ற இந்த சம்பவத்தில், அந்த பெண்ணின் வலது கையில் எலும்பு முறிவு ஏற்படும் அளவுக்கு அவர் காட்டுமிராண்டித்தனமாக நடந்து கொண்டார். இந்த வழக்கை விசாரித்த மாவட்ட செசன்சு கோர்ட்டு நீதிபதி, கைகொண்டானுக்கு 7 ஆண்டு கடுங்காவல் ஜெயில் தண்டனை விதித்து தீர்ப்பு கூறினார். கடந்த 2004-ம் ஆண்டு பிப்ரவரி 24-ந்தேதி அன்று இந்த தீர்ப்பு வழங்கப்பட்டது. இந்த வழக்கை எதிர்த்து அப்பீல்' செய்யப்பட்டதில், சென்னை ஐகோர்ட்டு தண்டனையை உறுதி செய்தது.

ஐகோர்ட்டு தீர்ப்பை எதிர்த்து கைகொண்டான் சார்பில் சுப்ரீம் கோர்ட்டில் அப்பீல் செய்யப்பட்டது. தண்டனையில் ஏறத்தாழ 6 ஆண்டு காலத்தை அவர் சிறையில் கழித்துவிட்ட நிலையில், நீதிபதிகள் மார்க்கண்டேய கட்ஜு, ஆர்.எம்.லோடா ஆகியோரைக் கொண்ட சுப்ரீம் கோர்ட்டு பெஞ்ச் முன்னிலையில் இந்த அப்பீல் மனு விசாரணைக்கு வந்தது. கீழ் கோர்ட்டு விதித்த தண்டனையை சுப்ரீம் கோர்ட்டும் உறுதி செய்தது. என்றாலும், குற்றவாளி கைகொண்டான் 6 ஆண்டுகள் தண்டனையை அனுபவித்துவிட்டதை கருத்தில் கொண்ட நீதிபதிகள், ஒரு ஆண்டுக்கு முன்னதாகவே அவரை விடுதலை செய்து உத்தரவிட்டனர். அப்போது அவருக்கு நூதன அறிவுரைகளையும் நீதிபதிகள் வழங்கினார்கள்.

"வருங்காலத்தில் இதுபோன்ற தவறுகளை செய்யாமல், நல்ல மனிதராக நடந்து கொள்ளுங்கள். இந்த வயதில் கடவுளின் பெயரை உச்சரித்து அவருக்கு பூஜைகள் செய்வதன் மூலம் எஞ்சிய வாழ்நாளை அமைதியான முறையில் கழியுங்கள்'' என்று நீதிபதிகள் கூறியபோது கோர்ட்டில் சிரிப்பலை எழுந்தது.

முன்னதாக, கைகொண்டான் சார்பில் ஆஜரான வக்கீல் எம்.விஜயபாஸ்கர், போலீசார் முதல் தகவல் அறிக்கை பதிவு செய்வதில் ஒரு நாள் தாமதம் ஏற்பட்டதாகவும், கற்பழிக்கப்பட்ட பெண்ணின் கை முறிந்தது தொடர்பான எக்ஸ்ரே அறிக்கை தாக்கல் செய்யப்படவில்லை என்றும் வாதிட்டார். அந்த வாதங்களை நீதிபதிகள் நிராகரித்துவிட்டனர். அதைத்தொடர்ந்து மூத்த வக்கீல் வி.கனகராஜ், 70 வயதான கைகொண்டான் பல்வேறு உடல்நலக்கோளாறு காரணமாக அவதிப்படுவதால் கருணையின் அடிப்படையில் தண்டனையை குறைக்கும்படி கேட்டுக் கொண்டார். அதை ஏற்றுக்கொண்ட நீதிபதிகள், மேற்கண்ட அறிவுரைகளை கூறி, ஒரு ஆண்டுக்கு முன்பாக அவரை விடுதலை செய்தனர்.

தல இது உங்களுக்கும் சரீ வரும் என்று நினைக்கேன்

60 வயது பெண்ணை


இது அதிகம் தான்...