பாஜகவில் இணைந்துள்ள தமிழ்த் திரையுலகப் பிரபலங்கள்: முழுப் பட்டியல்

பாரதிய ஜனதா கட்சியில் நடிகை குஷ்பு இன்று
இணைந்துள்ளார். இதையடுத்து அந்தக் கட்சியில் தமிழ்த்
திரையுலகைச் சேர்ந்த பலரும் கட்சி உறுப்பினர்களாக
உள்ளார்கள்.

காங்கிரஸ் கட்சியிலிருந்து விலகிய நடிகை குஷ்பு,
தில்லியில் பாஜக தேசிய பொதுச் செயலாளர் சி.டி.ரவி
முன்னிலையில் அக்கட்சியில் இன்று இணைந்தார்.

நாட்டுக்கும், நாட்டு மக்களுக்கும் நல்லது நடக்க வேண்டும்.
அதற்கு, பிரதமர் நரேந்திர மோடி போன்ற ஒரு தலைவர்
இருந்தால் மட்டுமே முடியும். அதை உணர்ந்த பின்னர் தான்
நான் பாஜகவில் இணைத்துள்ளேன் என்று தன்னுடைய
முடிவுக்கு விளக்கம் அளித்துள்ளார் நடிகை குஷ்பு.

இதன்மூலம் பாஜகவில் சேர்ந்துள்ள தமிழக நடிகர்,
நடிகைகளின் பட்டியலில் நடிகை குஷ்புவும் இணைந்துள்ளார்.

கங்கை அமரன், கஸ்தூரி ராஜா, ராதாரவி, கெளதமி, நமீதா,
விஜயகுமார், காயத்ரி ரகுராம், பேரரசு, எஸ்.வி. சேகர்,
பவர் ஸ்டார் ஸ்ரீனிவாசன், தயாரிப்பாளர் பிரமிட் நடராஜன்
எனத் தமிழ்த் திரையுலகப் பிரபலங்கள் பலரும் பாஜகவில்
தங்களை இணைத்துக்கொண்டுள்ளார்கள்.

கடந்த ஜூலை மாதம் தமிழக பாரதிய ஜனதா கட்சியின்
புதிய நிர்வாகிகள் பற்றிய அறிவிப்பு வெளியிடப்பட்டது.
இதில் பதவிகளைப் பெற்ற தமிழ் நடிகர், நடிகைகளின்
பட்டியல்:

மாநில செயற்குழு உறுப்பினர்கள்

ராதாரவி, மதுவந்தி, கெளதமி, நமீதா, குட்டி பத்மினி,
விஜயகுமார், ஜெயலட்சுமி

கலை மற்றும் கலாச்சார பிரிவு மாநில பிரிவு தலைவர்

காயத்ரி ரகுராம்

கலை மற்றும் கலாச்சார பிரிவு மாநில செயலாளர்கள்

தீனா, பேரரசு, பெப்சி சிவா, பாபு கணேஷ், அழகன் தமிழ்மணி

மாநில செயற்குழு அழைப்பாளர்கள்

கங்கை அமரன், கஸ்தூரி ராஜா

மாநில பிற்படுத்தப்பட்டோர் அணியின் மாநில துணை தலைவர்

ஆர்.கே. சுரேஷ்
---------------------
- தினமணி

கட்சி என்னடா கொள்கை என்னடா ஞானத் தங்கமே
பதவி தானே கொள்கையடா ஞானத் தங்கமே,
வெட்கம் என்னடா ரோசம் என்னடா ஞானத் தங்கமே,
வாசம் இல்லா வெங்காயம் நானடா ஞானத் தங்கமே.
(வாசம் இல்லா வெண்காயம் - குஷ்பு)

வேலையில்லா நடிகர் சங்கம் இணைந்ததில் ஆச்சரியம் என்ன?

சக்தி 18 சூப்பர்!

சக்தி18 wrote:கட்சி என்னடா கொள்கை என்னடா ஞானத் தங்கமே
பதவி தானே கொள்கையடா ஞானத் தங்கமே,
வெட்கம் என்னடா ரோசம் என்னடா ஞானத் தங்கமே,
வாசம் இல்லா வெங்காயம் நானடா ஞானத் தங்கமே.
(வாசம் இல்லா வெண்காயம் - குஷ்பு)

வேலையில்லா நடிகர் சங்கம் இணைந்ததில் ஆச்சரியம் என்ன?

மேற்கோள் செய்த பதிவு: 1333005

நாட்டுக்கு நல்லது செய்யனும்னு பா.ஜ.க. என்னென் ன முயற்சிகள் எடுக்கனுமோ அதாவது விரோதியைக்கூட நல்லவனாக நண்பனாக ஆக்கிக்கொண்டு பாடுபட துடிக்கிறது.
உதவா ஊதாரி லஞ்சப்பேர்வழிகள் பா.ஜ.க.வின் திட்டத்தை அறியாமல் மூட மக்களிடம் விஷத்தை விதைத்து கொள்ளை அடிக்க மீண்டும் ஆட்சி கட்டிலில் ஏற அமரதுடிக்கின்றனர். இறைதூதுவராக இன்றைய பிரதமர் மாண்பமை ஜி அவர்கள் வந்துள்ளார் என்பதை அறியாமல் அவரை விமர்ச்சித்து அழிவை நோக்கி செல்கிறார்கள் ரௌடிதனமானவர்கள் .இவர்கள் லட்சனத்தை மிக அடிப்படை ஆதாரத்துடன் திரு.மாரிதாஸ்
என்ற அன்பர் தன் யூடியூப் பில் விலாசு வாலாசுன்னு விலாசுரார் அவருக்கு இறைவன் நீண்டஆயுளை அளிக்க இறைவனிடம் வேண்டி நாடு நலம்பெற செய்வோம் .

இந்த விவசாய சட்ட திட்டத்தின் கீழ், 1 லட்சம் கோடி ரூபாய், விவசாயிகளின் வங்கிக் கணக்குகளில், நேரடியாக செலுத்தப்பட்டுள்ளது.கால்நடை வளர்ப்பு விவசாயிகள், மீனவர்கள்மற்றும் பிற உழவர்களுக்கு, வங்கிகள் மூலம் சுலபமாகக் கடன் பெற, விவசாயி கடன் அட்டைகள் வழங்கப்பட்டுள்ளன. வேளாண் பொருட்கள் சேமிப்பு, பாதுகாப்புக்காக, உள்கட்டமைப்புகள் உருவாக்கப்பட்டுள்ளன. நவீனமயம் மூலம் கிராம விவசாயிகளும் பயனடைவார்கள். எனபதை மாண்பமை இறை தூதர் பிரதமர் மோடி ஜி அவர்கள் கூறுகின்றார் .