கொரோனாவுக்கே தண்ணி காமிச்சவருக்கு பிறந்தநாள்: ரசிகர்கள் வாழ்த்து

-

பிரபல பாலிவுட் நடிகர் அமிதாப் பச்சன் இன்று தனது
78வது பிறந்தநாளை கொண்டாடுகிறார். அவருக்கு திரையுலகை
சேர்ந்தவர்களும், ரசிகர்களும், அரசியல் தலைவர்களும் சமூக
வலைதளங்களில் வாழ்த்து தெரிவித்துக் கொண்டிருக்கிறார்கள்.

அமிதாப் பற்றி சமூக வலைதளங்களில் கூறியிருப்பதாவது,
அமித்ஜி பல்லாண்டு வாழ வேண்டும். இந்த வயதிலும் 12 மணிநேரம்
உழைக்கிறார். இளம் தலைமுறையினருக்கு எடுத்துக்காட்டாக
இருக்கிறார்.
கொரோனா வைரஸுக்கே தண்ணி காட்டியவர் அமித்ஜி.

கொரோனா வைரஸ் பாதிப்பால் அவர் மருத்துவமனையில்
அனுமதிக்கப்பட்டிருந்தபோது பயமாக இருந்தது. ஆனால் அவர்
தைரியமாக இருந்ததுடன், நமக்கு எல்லாம் தைரியம் சொன்னார்.
தைரியமாக இருந்தால் கொரோனாவை வெல்லலாம் என்று
சொல்லிக் கொடுத்தார்.

படங்களில் மட்டும் அல்ல நிஜத்திலும் அமிதாப் பச்சன் ஒரு
ஹீரோ தான். அவர் நல்ல ஆரோக்கியத்துடன் வாழ வேண்டும் எ
ன்று வாழ்த்தியுள்ளனர்.

தனக்கு பிறந்தநாள் வாழ்த்து தெரிவித்த அனைவருக்கும்
அமிதாப் பச்சன் நன்றி தெரிவித்துள்ளார்.

அமிதாப் பச்சனுக்கு கொரோனா வைரஸ் பாதிப்பு ஏற்பட்டு கடந்த
ஜூலை மாதம் 11ம் தேதி மும்பையில் இருக்கும் நானாவதி
மருத்துவமனையில் அனுமதிக்கப்பட்டார். அவரின் மகனும்,
நடிகருமான அபிஷேக் பச்சன், மருமகள் ஐஸ்வர்யா ராய், பேத்தி
ஆராத்யா ஆகியோருக்கும் கொரோனா வைரஸ் பாதிப்பு ஏற்பட்டு
மருத்துவமனையில் அனுமதிக்கப்பட்டார்கள்.


ஏற்கனவே உடல்நலப் பிரச்சனை இருக்கும் அமிதாபுக்கு கொரோனா
என்று கேள்விப்பட்டதும் ரசிகர்கள் கவலை அடைந்தார்கள்.
அவருக்காக ரசிகர்கள் தொடர்ந்து பிரார்த்தனை செய்தனர்.

இதையடுத்து கடந்த ஆகஸ்ட் மாதம் 2ம் தேதி அமிதாப் வீடு திரும்பினார்.
வீடு திரும்பிய வேகத்தில் மீண்டும் பட வேலைகளில் பிசியாகிவிட்டார்.

அமிதாப் மருத்துவமனையில் இருந்தபோது டாக்டர்கள், நர்ஸுகளை
பாராட்டி ட்வீட் போட்டார். அதை பார்த்த சமூக வலைதளவாசி ஒருவர்
நானாவதி போன்ற மோசமான மருத்துவமனைக்கு விளம்பரம் தேடிக்
கொடுக்க வேண்டாம் என்றார். அதை பார்த்த அமிதாபோ, நான் என்
வாழ்க்கையில் பெரும் பகுதி மருத்துவமனைக்கு செல்வதும், வீடு
திரும்புவதுமாக இருக்கிறேன்.

அதனால் சிகிச்சை அளிக்கும் மருத்துவர்களை நான் தொடர்ந்து
பாராட்டிக் கொண்டு தான் இருப்பேன் என்றார்.

நன்றி-தமிழ் சமயம்