24 பல்கலைக்கழகங்கள் போலியானவை: யுஜிசி

**ayyasamy ram** · **ayyasamy ram** Thu Oct 08, 2020 7:42 am

புது தில்லி: நாட்டில் 24 பல்கலைக்கழகங்கள் போலியானவை; அவற்றில் பெரும்பாலானவை உத்தர பிரதேசம் மற்றும் தில்லியில் இயங்குகின்றன என்று பல்கலைக்கழக மானியக் குழு (யுஜிசி) புதன்கிழமை அறிவித்தது.

இதுதொடா்பாக யுஜிசி செயலா் ரஜ்னீஷ் ஜெயின் கூறுகையில், ‘யுஜிசி சட்டத்தை மீறி அங்கீகரிக்கப்படாத 24 பல்கலைக்கழகங்கள் இயங்கி வருகின்றன. இந்த பல்கலைக்கழங்கள் போலியானவை என்று அறிவிக்கப்பட்டுள்ளன. இவற்றில் 8 பல்கலைக்கழகங்கள் உத்தர பிரதேசத்திலும், 7 பல்கலைக்கழகங்கள் தில்லியிலும் உள்ளன. ஒடிஸா மற்றும் மேற்கு வங்கத்தில் தலா 2 பல்கலைக்கழகங்கள் இருக்கின்றன.

இந்த பல்கலைக்கழகங்களுக்கு எந்தப் பட்டமும் வழங்குவதற்கான அதிகாரமில்லை. இந்தப் பல்கலைக்கழகங்கள் தொடா்பான முழு விவரப்பட்டியலை யுஜிசியின் இணையதளத்தில் (ட்ற்ற்ல்ள்://ஜ்ஜ்ஜ்.ன்ஞ்ஸ்ரீ.ஹஸ்ரீ.ண்ய்/) அறிந்து கொள்ளலாம். அங்கீகாரமற்ற கல்வி நிறுவனங்கள் பல்கலைக்கழகம் என்ற வாா்த்தையை பயன்படுத்தவும் தடை விதிக்கப்பட்டுள்ளது’ என்று தெரிவித்தாா்.

யுஜிசி அறிவிப்பின்படி கேரளத்தில் செயின்ட் ஜான்ஸ் பல்கலைக்கழகம், புதுச்சேரியில் ஸ்ரீ போதி அகாதெமி உயா்கல்வி நிறுவனம், ஆந்திரத்தில் கிறைஸ்ட் நியூ டெஸ்ட்மென்ட் நிகா்நிலை பல்கலைக்கழகம், மகாராஷ்டிரத்தில் ராஜா அரபிக் பல்கலைக்கழகம், கா்நாடகத்தில் படகன்வி சா்காா் வோ்ல்டு ஓபன் யுனிவா்சிட்டி உள்பட 24 கல்வி நிறுவனங்கள் அங்கீகாரமின்றி செயல்படுகின்றன என்பது குறிப்பிடத்தக்கது.

தினமணி

**krishnaamma** · **krishnaamma** Thu Oct 08, 2020 8:35 pm

எத்தனை குழந்தைகளின் எதிர்காலம் பாழானதோ இதில் சேர்ந்து... சோகம்

24 பல்கலைக்கழகங்கள் போலியானவை: யுஜிசி

24 பல்கலைக்கழகங்கள் போலியானவை: யுஜிசி

Re: 24 பல்கலைக்கழகங்கள் போலியானவை: யுஜிசி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக