பசுக்களைக் காப்பதே எங்கள் பணி, பெண்களை அல்ல: யோகி ஆதித்யநாத் சொன்னாரா?

**ayyasamy ram** · **ayyasamy ram** Sat Oct 03, 2020 7:56 am

எங்கள் பணி பசுக்களைப் பாதுகாப்பதே.
பெண்களைப் பாதுகாப்பது அல்ல என்று உ.பி. முதல்வர்
யோகி ஆதித்யநாத் பேசியதாக ஒரு இந்தி செய்தித்தாளின்
படம் வெளியிடப்பட்டது.

உன்னவ் பாலியல் வழக்கு சம்பவத்தின் போது இப்படி
தெரிவித்ததாக இந்த பரவும் பதிவு தெரிவித்தது.

உண்மை என்ன?

உ.பி. முதல்வர் யோகி ஆதித்யநாத் இப்படி ஒரு கருத்தை
சொல்லவில்லை. humourtimes.com என்ற கேலி
விமர்சனங்களைப் பதிவு செய்யும் தளம்தான் இப்படி ஒரு
பதிவை வெளியிட்டுள்ளது.

அந்த தளம் தாங்கள் இயங்கப் போவது இப்படித்தான் என்று
தொடக்கம் முதலே அறிவித்துள்ளனர். உன்னாவ் பாலியல்
வழக்கு சம்பவத்தின் போது அரசின் மெத்தனத்தை சுட்டிக்
காட்டும் விதமாக இந்த விமர்சனம் எழுதப்பட்டுள்ளது.

இதைத்தான் நெட்டிசன்கள் மாறி மாறி பகிர்ந்து வருகின்றனர்.
-
தமிழ் சமயம்