பிரதமர் மோடி பிறந்த நாள்: டுவிட்டரில் ட்ரெண்டிங்...

**krishnaamma** · **krishnaamma** Thu 17 Sep 2020 - 20:29

புதுடில்லி : பாரத பிரதமர் மோடி தனது 70வது பிறந்தநாளை இன்று(செப்., 17) கொண்டாடுகிறார். இதையொட்டி சமூகவலைதளங்களில் #HappyBirthdayPMModi, #Modiji, #NarendraModiBirthday, #PMofIndia உள்ளிட்ட ஹேஷ்டாக்குகள் டிரெண்ட் ஆகி உள்ளன.

சாமானியனும் சரித்திரம் படைக்கலாம் என்பதற்கு பிரதமர் நரேந்திர மோடி வாழ்க்கையே உதாரணம். ஏழைத்தாயின் மகனாக, டீ விற்றவராக, சிறந்த நிர்வாகியாக, தேசத்தை பாதுகாக்கும் காவலனாக உச்சம் தொட்டுள்ளார். சுதந்திர இந்தியாவில் அதிகம் விமர்சிக்கப்பட்ட தலைவரும் இவரே. இதை கண்டுகொள்ளாமல், நாட்டின் வளர்ச்சியில் மட்டும் கண்ணும் கருத்துமாக உள்ளார். தன்னிகரில்லா தேசப்பற்றால், மக்களின் இதயங்களை கவர்ந்துள்ளார். இவரது நல்ல எண்ணமும், துணிச்சலான செயலும் வல்லரசு நாடாக இந்தியாவை உயர்த்தும். இவரின் 70வது பிறந்த நாள் இன்று. இதை நாடு முழுக்க பலர் கொண்டாடி வருகின்றனர். அதனாலேயே டுவிட்டரில் மோடி சத்தம் அதிகம் கேட்கிறது.

அவரது பிறந்தநாளுக்கு #HappyBirthdayPMModi, #Modiji, #NarendraModiBirthday, #PMofIndia உள்ளிட்ட ஹேஷ்டாக்குகள் டிரெண்ட் ஆகி உள்ளன. இத்தனை ஹேஷ்டாக்குகளில் சுமார் 5.75 லட்சம் பேர் ரீ-டுவீட் செய்துள்ளனர்.

**krishnaamma** · **krishnaamma** Thu 17 Sep 2020 - 20:30

பிரதமர் மோடி பிறந்த நாள்: டுவிட்டரில் ட்ரெண்டிங்... Gallerye_130649619_2615676

டுவிட்டரில் ஒருவரை பற்றிய புகழ்ச்சி உண்டு என்றால் இகழ்ச்சி இல்லாமலா இருக்கும். வழக்கம்போல் மோடியை அவதூறு செய்பவர்களும் தங்களது பணியை செவ்வனே செய்து வருகின்றனர். அதிலும் ஒரு நாட்டின் பிரதமர் என்று கூட பாராமல் மிகவும் அநாகரீகமான வார்த்தையை வைத்து, தமிழகத்தில் இருப்பவர்கள் டிரண்ட் செய்கின்றனர். பதிலுக்கு ஈ.வே.ரா ராமசாமியை விமர்சித்து ஒரு அநாகரீக டுவீட்டை டிரண்ட் செய்கின்றனர்.

இதுகுறித்து சமூக ஆர்வலர் ஒருவர் கூறும்போது, "சமூகவலைதளங்களில் எவ்வளவோ நல்ல விஷயங்கள் நடக்கின்றன. ஆனால் சிலரோ இதுபோன்று அநாகரீக டுவீட்டுகளை போட்டு நல்லதொரு சமூகவலைதளங்களை அரசியல் சாக்கடையாகவும் மாற்றுகின்றனர்" என்றார்.

நன்றி தினமலர்