சம்மணமிட்டு தரையில் உட்கார்ந்து சாப்பிடணும்…!

-
நாற்காலியில் அமர்ந்து சாப்பிடுவது உடல் நலத்திற்கு நல்லதல்ல. ஏனெனில் வீட்டிலும், திருமண நிகழ்ச்சிகளிலும் நாற்காலியில் அமர்ந்து, சாப்பிடும் மேசையில் உணவருந்தும் போது, கால் தொங்கும் நிலையில் இருப்பதால் ஈர்ப்பு விசை காரணமாக கால்களுக்கெல்லாம் இரத்தம் பாயும். இடுப்புக்கு மேல் பகுதியில் சரியாக இரத்த ஓட்டம் இருக்காது.


ஆனால், தரையில் சம்மணமிட்டு அமரும்போது இடுப்புக்குக் கீழே இரத்த ஒட்டம் குறைவாகவும், இடுப்புக்கு மேலே இரத்த ஒட்டம் அதிகமாகவும் இருக்கும்.


நமது உடலில் இடுப்புக்கு கீழே உள்ள கால்களுக்கு நடக்கும்போது மட்டும் இரத்த ஓட்டம் சென்றால் போதுமாம். மிக முக்கியமான உறுப்புகளாகிய சிறுநீரகம், கணையம், நுரையீரல், மூளை, கண், காது ஆகியவை இடுப்புக்கு மேலேதான் உள்ளன.


எனவே காலை தொங்கப் போடாமல் சம்மணமிட்டு அமர்வது, இரத்த ஓட்டத்தைச் சீராக்கி, அதிகமாக சக்தி கிடைக்க உதவி, உடல் நலமுடன் இருக்க உதவும். காலைத் தொங்கவைத்து அமர்வதைத் தவிர்த்து குறிப்பாக சாப்பிடும் போதாவது கீழே உட்கார்ந்து காலை மடக்கி அமர்ந்துதான் சாப்பிட வேண்டும்.


சம்மணமிட்டு தரையில் உட்கார முடியவில்லை என்றால் நாற்காலியில் அமர்ந்து சாப்பிடும்போது காலை தொங்கவிடாமல் மடக்கி வைத்து அமர்ந்து சாப்பிடலாம். இதுபோன்று வெளியிடங்களில் செய்ய முடியாது என்றாலும் வீட்டில் சாப்பிடும்போதாவது இந்த முறையைப் பின்பற்றலாம்.

நன்றி- இளைஞர்மணி
(இணைய வெளியினிலே…)

நான் அலுவலக நாற்காலியில் சம்மணமிட்டு தான் உட்காருவேன்

இந்த நன்மை யெல்லாம் தெரியாது.

அப்படி அமர்வது மிகவும் வசதியாக இருக்கும்
இனி இதையே தொடர்கினே.....

SK wrote:நான் அலுவலக நாற்காலியில் சம்மணமிட்டு தான் உட்காருவேன்

சாப்பிடும்போது உட்கார்ந்தால் செரிமானத்திற்கு நல்லது.
ஆபீசில் ----------------------
மார்வாடி /சேட் கடையில் தரையில் மெத்தை  போட்டு, உட்கார்ந்துக்கொண்டு வேலை செய்வார்கள்.
அதெல்லாம் அந்த காலம். இப்போதும் சவுகார்பேட்டையில் அதுமாதிரி கொடுக்கல் வாங்கல் கடைகள் உள்ளனவா தெரியவில்லை.

ரமணியன்

சென்னைக்கு வருவதற்கு முன் வீட்டில் தரையில் உட்கார்ந்து தான் சாப்பிடுவேன் , இப்போது சுத்தமாக பழக்கம் போய்விட்டது...
பெரும்பாலும் காலை உணவு காரில் தான்

ராஜா wrote:சென்னைக்கு வருவதற்கு முன் வீட்டில் தரையில் உட்கார்ந்து தான் சாப்பிடுவேன் , இப்போது சுத்தமாக பழக்கம் போய்விட்டது...
பெரும்பாலும் காலை உணவு காரில் தான்

மேற்கோள் செய்த பதிவு: 1331099

தவிர்க்க முடியாத அவசியம். காலத்தின் கட்டாயம்.

 வீட்டில் ஒரு விசேஷம். 3 மணிக்கு குறையாமல் பூஜை / ஹோமம். உட்கார்ந்துகொண்டு  செய்வது கஷ்டமெனில் 
ஸ்டூலில் உட்கார்ந்து கொள்ளலாம் எனக் கூறினார் புரோகிதர்.
அவசியம் இருக்காது .வேண்டுமெனில் அந்த சமயத்தில் பார்த்துக் கொள்வோம் என்றேன்.
எந்த வித உபாதையும் இல்லாமல் உட்கார்ந்து கலந்துகொள்ள முடிந்தது. மனதிற்கு சந்தோஷமாக இருந்தது.

ரமணியன்