அமெரிக்க அதிபர் தேர்தலில் பாஜ., பெயரை பயன்படுத்த வேண்டாம்: பாஜ., அறிவுறுத்தல்

**ayyasamy ram** · **ayyasamy ram** Fri 11 Sep 2020 - 19:52

புதுடில்லி:
அமெரிக்க அதிபர் தேர்தலில் பா.ஜ.,வின் பெயரை பயன்படுத்த
வேண்டாம் என அங்குள்ள பா.ஜ., தொண்டர்களுக்கு கட்சி
அறிவுறுத்தி உள்ளது.

அமெரிக்க அதிபர் தேர்தல் வரும் நவம்பர் 3ம் தேதி நடக்கிறது.
இதில், குடியரசுக் கட்சி சார்பில் தற்போதைய அதிபர் டிரம்பும்,
துணை அதிபருக்கு மைக் பென்ஸ் போட்டியிடுகின்றனர்.

ஜனநாயகக் கட்சி சார்பில் அதிபர் பதவிக்கு ஜோ பிடனும்,
துணை அதிபருக்கு கமலா ஹாரிசும் போட்டியிடுகின்றனர்.

இருக்கட்சி தரப்பிலும், இந்திய வம்சாவளியினரின் ஓட்டுகளை
கவர பல்வேறு யுக்திகளை கையாண்டு வருகின்றன.
குடியரசு கட்சி பிரசார கூட்டங்களில், பிரதமர் மோடியும்,
டிரம்பும் இந்தியா மற்றும் அமெரிக்காவில் சந்தித்துக்கொண்ட
நிகழ்வுகளின் படங்கள் பயன்படுத்தப்படுகின்றன.

இந்நிலையில், அதிபர் தேர்தலில் பா.ஜ.,வின் பெயரை பயன்படுத்த
வேண்டாம் என அங்குள்ள பா.ஜ., தொண்டர்களுக்கு கட்சியின்
வெளிநாட்டு உறவுகள் துறை தலைவர் விஜய் சவுதைவாலே
அறிவுறுத்தியுள்ளார்.

இது குறித்து பிடிஐ செய்தி நிறுவனத்திற்கு அவர் அளித்த பேட்டியில்,
‛அவர்களது நாட்டில் தேர்தல் பிரசாரத்தில் பங்கெடுப்பது
ஒவ்வொருவரின் உரிமை. வெளிநாட்டில் வசிக்கும் பாஜ.,
தொண்டர்கள் தனிப்பட்ட முறையில் பங்கேற்கலாம்.

பாஜ.,வின் பெயரையோ கட்சியின் வெளிநாட்டு பிரிவின் பெயரையோ
பயன்படுத்த வேண்டாம். அமெரிக்க தேர்தலில் பாஜ., எந்த வகையிலும்
தன்னை ஈடுபடுத்திக் கொள்ளவில்லை,' என தெரிவித்தார்.

தினமலர்

அமெரிக்க அதிபர் தேர்தலில் பாஜ., பெயரை பயன்படுத்த வேண்டாம்: பாஜ., அறிவுறுத்தல்

அமெரிக்க அதிபர் தேர்தலில் பாஜ., பெயரை பயன்படுத்த வேண்டாம்: பாஜ., அறிவுறுத்தல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக