நம்பிக்கை இருந்தால் வெற்றி தான்!

-




'போட்டோகிராபி' மேல் இருக்கும் தீராக் காதலால்,
பல் மருத்துவத் துறையை கைவிட்டு, முழுநேர,
உணவு ஸ்டைலிஸ்ட் மற்றும் போட்டோகிராபராக
வலம் வரும், கேரளாவில் பிறந்து, சவுதி அரேபியாவில்
குடியிருக்கும், டாக்டர் மீரா பாத்திமா:

'புட் போட்டோகிராபி' எனப்படும், உணவு புகைப்படக்
கலை துறையில், பெண்களின் எண்ணிக்கை மிகவும் குறைவு.
எனினும், இந்த துறைக்கு நான் வந்தது, ஒரு விபத்து தான்.

மூன்று வருடங்களுக்கு முன் திருமணமாகி, சவுதிக்கு
இடம்பெயர்ந்த போது, அங்கு எனக்கேற்ற வேலை
கிடைக்கவில்லை; முழு நேரமும் வீட்டிலேயே இருந்தேன்.

அந்த நேரத்தில் தான் என் கணவரும், என் அப்பாவும்,
எனக்காக ஒரு புரொபஷனல் கேமராவை வாங்கிக்
கொடுத்தனர்.சிறு வயதிலிருந்தே எனக்கு போட்டோகிராபி
மீது ஆர்வம் இருந்தது; ஆனால், அதற்கான முயற்சி
எடுக்கவில்லை.

அதனால், கேமரா கைக்கு வரும் வரை அதை எப்படி பிடிக்க
வேண்டும் என்பது கூட எனக்கு தெரியாது. இணைய
தளங்களில் கற்று, பயிற்சிகள் மேற்கொண்டு,
போட்டோகிராபியை படித்து விட்டேன். இப்போது கேமரா
இல்லாமல் நானில்லை.

நான் சமைக்கும் உணவுகளைப் புகைப்படம் எடுத்து,
என் நண்பர்களுக்கு அனுப்புவது வழக்கம். அதைப் பார்த்த
நண்பர்கள், 'இன்ஸ்டாகிராம்' சமூக வலைதளத்தில், பக்கம்
ஆரம்பிக்கச் சொன்னார்கள்.

அதன்படி, 'எ பிகினர்ஸ் லென்ஸ்' என்ற பக்கத்தை திறந்து,
உணவு படங்களை பதிவிட்டேன். என் புகைப்படங்களுக்கு
மக்களிடமிருந்து கிடைத்த பாராட்டுகளும், வாழ்த்துகளும்
மட்டுமே அடுத்தடுத்த கட்டங்களுக்குச் செல்ல என்னைத்
துாண்டியது.

தொடர்ந்து ஏராள மான ஓட்டல்கள், உணவகங்களுடன்
இணைந்து பணியாற்றும் வாய்ப்பும் கிடைத்தது. சவுதியில்
இருப்பதால், ஏராளமான வரையறைகளை எதிர்கொண்டேன்.

ஓர் இல்லத்தரசியாக வீட்டிலிருந்தபடி வேலை செய்ய
முடியுமென்றால், அது சமைத்து வைத்த உணவுகளைப்
புகைப்படம் எடுப்பது மட்டுமாகவே இருந்தது. அந்த நேரத்தில்,
உணவு அலங்காரம் பற்றியெல்லாம் எனக்குத் தெரியாது.

பொழுதுபோக்குக்காக ஆரம்பித்தது, நாளடைவில் என்னுடைய
துறையாக மாறி விட்டது. கடந்த ஆண்டு விடுமுறைக்காக,
கொச்சி வந்தேன். அப்போது, உணவு போட்டோகிராபி மற்றும்
ஸ்டைலிங் சம்பந்தமாக ஒரு, 'வொர்க் ஷாப்' நடத்தி னோம்;
பல திறமையாளர்களைச் சந்திக்கும் வாய்ப்பு கிடைத்தது.

அதன் பின், தொழிலில் முன்னேற்றம் தான்.இந்தியாவில்
நம் திறமைகளை வெளிப்படுத்த, ஏகப்பட்ட தளங்கள்
இருக்கின்றன. அவற்றை, மக்கள் சரியான வழியில் பயன்
படுத்திக் கொண்டால் போதும். என் குரு, ஆசான் எல்லாமே
இன்டர்நெட் தான்.

நம்பிக்கை இருந்தால் வெற்றி நிச்சயம்!-சொல்கிறார்கள்
-------------
- அவள் விகடன் - ஆன்லைன்