தாய்த் தமிழில் ஓர் தாலாட்டு!

**ரிபாஸ்** · **ரிபாஸ்** Sun Jan 10, 2010 12:31 pm

தாய்த் தமிழில் ஓர் தாலாட்டு!

தாய்த் தமிழில் ஓர் தாலாட்டு! Thai

அன்பே ஆருயிரே
ஆரடித்து நீயழுதாய்
அன்பு மொழிதானே
அன்னை உனக்களித்தாள்
அழுகை நிறுத்திவிட்டு
அயர்ந்து நீயுறங்காய்!

அர்ப்பணிப்பால் உயர்ந்து நிற்கும்
அப்பனுனக்கிருக்கான்
ஆர்க்குப் பயமுனக்கு
ஆருயிரே சொல்லிடுடா!
ஆர்ப்பரிக்கும் ஆழி கூட
அயரும் வேளையிது!
ஆதவனே ஒளித்துவிட்டான்
ஆருயிரே நீயுறங்கு!

பிற பாவெல்லாம்
பிரபாவுன்னைப் பாடிப்
பிறவிப் பயன்பெறுவர்
பிரபஞ்ச வேந்தே நீயும்
பிரச்சினை கொடுக்காதடா!
பஞ்ச பூதமெல்லாம்
பக்கம் உனக்கிருக்கு
பிஞ்சுக் குழந்தை நீயும்
பஞ்சமின்றித் தூங்கிடுடா!

வல்லரசுப் படைகளெல்லாம்
வாசலிலே காவலுக்கு
வணங்கா மண்ணிதுடா - மணியே
வழக்கெதுக்கு தூங்கிடுடா!

வையகத்துக் கோவெல்லாம்
உனை வாழ்த்தி வளம் பெறுவர்!
பாருலகின் சீமான்கள்
பாராட்டிப் பலன் பெறுவர்!
பாட்டாளி தோழனடா
பாங்காய் நீ உறங்கிடுடா!

கருணை நதியெல்லாம்
காமத்துடன் நிதி கொடுக்கும்
கானகத்து மரமெல்லாம்
தலையசைத்துத் தாலாட்டும்
தமிழ்த் தாயின் பிள்ளையடா
தயவு செய்து தூங்கிடுடா!

இன மத பேதமெல்லாம்
இயல்பில் இல்லையடா
இயற்-கை இருக்கு
இவ்வுலகை ஆண்டிடலாம்
இருட்டி நேரமாச்சு
இன்னரசே தூங்கிடுடா!

செம்மொழியாம்
எம்மொழியில்
ஏராளம் சொல்லிருக்கு
எடுத்துப் பயன்படுத்து!
பாராளப் போதுமான
தாராளம் பொருளிருக்கு
தனித் தமிழில் வாழ்ந்திடலாம்
தமிழ்த் தாயின் பிள்ளை நீயும்
தயக்கமின்றித் தமிழ் பேசு!

அணுக் கருக் கூட
அடுத்தவனை அழிக்குதடா
அன்பு மொழிதான்டா
ஆயுளுக்குக் கெட்டியடா
அந்நியர்க்கும் அன்பு செய்து
ஆதரவாய் வாழ்ந்திடுடா!

அன்னை மடியொன்றே
அற்புதத் தூளியடா
அடுத்தோர் பொருளுக்கு
ஆசைப்படக் கூடாதடா
அன்பே ஆரமுதே
ஆழ்ந்து உறங்கிடுடா!

காவியத்து நாயகனே
கனி மொழியின் களஞ்சியமே
தாயகத்தின் தனியரசே
தாராளத் தமிழ்ச்செல்வா
தாய்ப்பால் போதாதென்று
தமிழ்ப் பாலும் ஊட்டுகிறேன்
தாலாட்டுப் பாட்டைக் கூடத்
தாய்த் தமிழில் பாடுகிறேன்
தாய்க்குச் சிரமமின்றிச்
சீக்கிரமே தூங்கிடுடா!

**சிவா** · **சிவா** Sun Jan 10, 2010 1:31 pm

mdkhan · mdkhan Sun Jan 10, 2010 1:35 pm

தாய்த் தமிழில் ஓர் தாலாட்டு! Drunken_smilie

kavinele · kavinele Sun Jan 10, 2010 2:11 pm

1. தாலாட்டு (ஆண்)

யானைக் கன்றே தூங்கு-நீ
யாதும் பெற்றாய் தூங்கு!
தேனே தமிழே தூங்கு-என்
செங்குட்டு வனே தூங்கு!
வானவ ரம்பா நீயே-மிக
வளைத்துப் பார்க்கின் றாயே.
ஆனஉன் விழியை வைத்தே-உன்
அழகிய இமையால்
சாத்து.

2. தாலாட்டு (பெண்)
பட்டுப் பாப்பா தூங்கு!-நீ
பாலும் குடித்தாய் தூங்கு!
மொட்டில் மணக்கும் முல்லை!-என்
முத்தே என்ன
தொல்லை?
சிட்டாய் ஆடிப் பறந்தாய்-உன்
சிரிப்பால் எங்கும் நிறைந்தாய்.
பிட்டும் தருவேன் தூங்கு!-என்
பெண்ணே கண்ணே தூங்கு!

3. தாலாட்டு (பொது)
தொட்டிலில் ஆடும்
கிளியே!-என்
தூய தமிழின் ஒளியே!
கட்டிக்கரும்பே தூங்கு!-முக்
கனியின்
சாறே தூங்கு!
தட்டிற் பாலும் சோறும்-நான்
தந்தே னேநாள் தோறும்;
சுட்டப் பத்துடன் வருவேன்-நீ
தூங்கி எழுந்தால் தருவேன்.