ஹாங்காங்கில் 12 மணிநேரத்திற்குள் 2 லட்சம் குடியிருப்பாளர்கள் சோதனைக்கு பதிவு செய்தனர்

ஹாங்காங் :
ஹாங்காங்கில் 12 மணிநேரத்திற்கும் குறைவாக
2 லட்சத்திற்கும் மேற்பட்டவர்கள் கொரோனா தொற்றுக்கு
சோதனை செய்ய முன்வந்ததாக அதிகாரிகள் தெரிவித்தனர்.

கொரோனா வைரசின் தாக்கம் உலகின் பல நாடுகளையும்
அச்சுறுத்தி வருகிறது. ஹாங்காங்கில் கொரோனா பாதிப்புகளை
குறைக்க அரசு பல்வேறு முன்னெச்சரிக்கை நடவடிக்கையை
மேற்கொள்கின்றன. கொரோனா வெகுஜன சோதனைக்கு
ஹாங்காங் தயாராகி வருகிறது.

நேற்று (ஆக.,29) அறிவிக்கப்பட்ட முதல் 11 மணிநேரத்தில் சுமார்
2,00,000 க்கும் மேற்பட்ட ஹாங்காங் குடியிருப்பாளர்கள் தன்னார்வ
சோதனைக்கு முன்வந்தனர்.

நேற்று மாலை 5.45 மணிக்குள் லட்சக்கணக்கான மக்கள் தொற்றுக்கு
சோதனை செய்தனர்.

இது கொரோனா தொற்றுநோயை திறம்பட கையாள்வதற்கான
சாதகமான அறிகுறியாக அதிகாரிகள் பாராட்டினர். முன்னதாக,
அதிகாரிகள் மற்றும் வல்லுநர்கள் ஹாங்காங் குடியிருப்பாளர்களை
இந்த திட்டத்தில் பதிவுசெய்து, வைரஸ் நோயை எதிர்த்துப் போராட
அதிகாரிகளுக்கு உதவுமாறு கேட்டுக்கொண்டனர்.

ஹாங்காங் கொரோனா நிலைமை :-

இது செப்., 1 முதல் துவங்கும் என கூறப்படுகிறது. இது வல்லுனர்கள்,
நெருக்கடியின் கட்டுப்பாட்டை பெற உதவும். நேற்று ஹாங்காங்கில்
18 பேருக்கு தொற்று உறுதியானது.

இதனால் மொத்த பாதிப்புகளின் எண்ணிக்கை 4,786 ஆக உள்ளன.
ஹாங்காங் சுகாதார துறையின் தரவுகளின்படி, நகரில் கொரோனா
தொடர்பாக 87 பேர் பலியாகினர். முன்னாள் பிரிட்டிஷ் காலனியில்
நோய்த்தொற்று வீதம் தொடர்ந்து 11 வது நாளாக 30 க்கும் குறைவான
தினசரி புதிய பாதிப்புகளை பதிவு செய்துள்ளதால் குறைந்துள்ளது.

ஹாங்காங்கில் ஆக.,28 முதல் கொரோனா கட்டுப்பாடுகள்
எளிதாக்கப்பட்டுள்ளது. ஏனெனில் நகரம் தினசரி பாதிப்புகளில்
வீழ்ச்சியை பதிவு செய்தது.

ஹாங்காங் குடியிருப்பாளர்களின் பாரிய பதிவு ஒரு சாதகமான
அறிகுறியாகப் போற்றப்படுகிறது. சர்ச்சைக்குரிய தேசிய பாதுகாப்புச்
சட்டம் இயற்றப்பட்ட பின்னர் ஜூலை முதல் வளர்ந்து வரும் பெய்ஜிங்கின்
கடுமையான கொள்கைகளுக்கு எதிர்ப்புத் தெரிவிக்க கடந்த பல
மாதங்களாக ஹாங்காங்கர்கள் வீதிகளில் இறங்கி வருகின்றனர்.

போராட்டங்கள் சர்ச்சைக்குரிய சட்டத்தை திரும்பப் பெறக் கோரி பல
மாதங்களாக மக்கள் பெருமளவில் கூடிவந்தன, இது தொற்றுநோயை
எதிர்கொள்ளும் ஒரு நெருக்கடி என்று அதிகாரிகள் குறிப்பிட்டனர்.
-
தினமலர்