சேலத்தை கலக்கும் மோடி இட்லி: ரூ.10க்கு 4

**ayyasamy ram** · **ayyasamy ram** Mon 31 Aug 2020 - 14:50

சேலம்:
சேலம் மாநகர் முழுவதும் மோடி இட்லி என்னும் விளம்பர
புகைப்படத்துடன் கூடிய போஸ்டர் கலக்கி வருகிறது.

சேலம் டவுன், சின்ன கடை வீதி, பழைய பேருந்து நிலையம்,
புதிய பேருந்து நிலையம், செவ்வாய்பேட்டை, அஸ்தம்பட்டி,
அம்மாபேட்டை, சூரமங்கலம் உள்ளிட்ட பல்வேறு பகுதிகளில்
பிரதமர் மோடியின் புகைப்படத்துடன் கூடிய போஸ்டர்
ஒட்டப்பட்டுள்ளதே இன்றைய ஹாட் டாபிக்காக வலம் வருகிறது.

சேலம் மாநகர் முழுவதும் கலக்கி வரும் இந்த போஸ்டர்,
பாஜ.,வின் பிரச்சார அணி மாநில துணைத்தலைவர் மகேஷ்
பெயரில் ஒட்டப்பட்டுள்ளது.

போஸ்ட்ரில் விரைவில் சேலத்து தாமரை நாயகன் மகேஷ்
வழங்கும் மோடி இட்லி.., 4 இட்லி ரூபாய் 10க்கு... சாம்பாருடன்
வழங்கப்படும் என்றும், அதி நவீன கருவிகள் மற்றும்
சுகாதாரமானது, ஆரோக்கியமானது, சுவையானது, தரமானது
எனவும் குறிப்பிடப்பட்டுள்ளது.

மோடி இட்லி போஸ்டரை பொதுமக்கள் ஆச்சரியத்துடன் பார்த்து
செல்கிறார்கள்.
-
தினமலர்