விநாயக சண்முகன் காக்க!

**ayyasamy ram** · **ayyasamy ram** Mon Jul 18, 2016 4:35 pm

விநாயக சண்முகன் காக்க!
பிரசன்னைகளை அகற்றிய பிரசன்ன விநாயகர் காக்க
கருணை உள்ளம் படைத்த கற்பக விநாயகர் காக்க
ரக்ஷித்து பக்தர்களை காத்தருள்கிற ரக்ஷ கணபதி காக்க
மனதில் தைரியம் கொடுத்து வாழவைக்கிற
மகா கணபதி காக்க
சித்தத்தை சிறப்புடன் சிந்தனை செயல்பட வைக்கும்
சித்தி விநாயகர் காக்க
-
வந்த நோய் நொடி எல்லாம் விரட்டி அடிக்க்கிற
வரசக்தி விநாயகர் காக்க
நம்பியவர்க்கு நிச்சயம் கிருபை புரியும்
நர்த்தன விநாயகர் காக்க
செய் வினைகள் பாவங்கள் எல்லாம் போக்கும்
செண்பக விநாயகர் காக்க
குரல் கொடுத்தவுடன் அபயமளிக்கும்
கந்தவேல் குமரன் காக்க
-
பயமேன் நானிருக்க என அவனை நினைத்தவுடன்
அருளும் பழனி முருகன் காக்க
ஆனந்தம் எப்படியும் கொடுப்பேன் என்கிற ஆறுமுக
பெருமாள் காக்க
வந்த வினை எல்லாம் ஓடி போய் விட்டது என்கிற
வயலூர் பால குமரன் காக்க
செய்த வினைகள் எதுவாயிருந்தாலும் நானிருக்க
கவலையில்லை என்கிற செந்தில் சண்முக நாதன் காக்க
-
தங்கு தடையின்றி இனி வாழ்வை வளம் பெற நடத்தி
அருள் செய்ய போகும் தணிகை வேலன் காக்க
சிக்கல் ஏதும் இல்லை வாழ்வில் என சொல்லி கருணை
புரியும் சிக்கல் சிங்கார வேலன் காக்க
எங்களை எப்பொழுதும் பாதுகாக்கிறேன் என
உறுதி அளிக்கும் எண்கன் சுப்பிரமணியன் காக்க
காக்க காக்க விநாயக சண்முகன் காக்க
-
காக்க காக்க கலியுக கற்பக கடல் காக்க
காக்க காக்க கருணாசாகர வள்ளல் காக்க
காக்க காக்க விநாயக சண்முகன் காக்க!
-
----------------------------------------------
-பார்த்த நரசிம்மன்