அன்புத் தோழி ..!

**Tamilzhan** · **Tamilzhan** Sat 9 Jan 2010 - 18:32

வகுப்பறைக்குள்
நான் நுழையும் போது
வா தோழா! என்று வரவேற்பவள்.

நட்பின் இலக்கணத்தை
எனக்கு கற்று தந்தவள்.

நட்புக்கும், காதலுக்குமிடையேயுள்ள
வித்தியாசத்தை உணரவைத்தவள்.

நாம் இருக்குமிடத்தை
மகிழ்ச்சியாக வைத்திருப்பவள்.

நண்பர்களிடம் கடலை போட்டாலும்
கடமை தவறாதிருப்பவள்.

எனக்கு உடல்நிலை சரியில்லையெனில்
அன்போடு நலம் விசாரிப்பவள்.

ஒளிவுமறைவின்றி
இன்பத்தையும், துன்பத்தையும்
பகிர்ந்து கொள்ளுபவள்.

என் மீது எப்போதும்
தனிப்பாசம் வைத்திருப்பவள்.

நான் தவறுகள் செய்யும் போது
என்னை திருத்துபவள்.

நம்மிடையே பிரச்சினைகள் வந்தாலும்
உடனே சமரசம் செய்துகொள்பவள்.

இது போன்ற நிக‌ழ்வுக‌ளுக்காக‌
காத்திருக்கிறேன்
இனி வ‌ரும்காலங்க‌ளில்...

நன்றிகள் :க. அசோக்குமார்